اخيييرآ وبعد حالة نفسيه طلعت الفيزاااا الحمدلله لكل مهموم يدخلل

السلآم عليكم ورحمة الله وبركآته
انا حلفت ع نفسسي الا اسوي موضوع عن الفيزا لو استلمتها لأنـي كنت ادخل هالمنتدى وحالتي حالة
المسآكين اللي ينتظرون الفيزا للحين
وكآنت مثل هالمواضيع اللي نبارك فيها للي طلعت فيزهم ونقرآ شعورهم باستلامها تفتح نفس اللواحد وتعطيه أمل ان بكرآ او بعدهـ يجي عليه الدور
مآ اطوول عليكم
انا تخرجت من الثانوية بنسبه عاليه الحمدلله ودخلت جامعة الملك فهد للبترول والمعادن مع انـي ما كنت مقتنع لأني اعرف اني ما اقدر عليها بس الأهل كانـ ودهم ادخلها والحمدلله ع كل حآل
المهم جلست سنه ونصف وطردونـي ع اربع درجات فقط من السنه التحضيريه

بعد كذآ بديت بأجراءآت الفيزآ
دخلت السفارة المشؤومه بالظهران
رحت للموظفه اللي ترتب لك الأورآق وتجهزها لك كآنت تصآرخ بما اني حايس الاوراق فوق تحت

وانا ينقلب مزآجي اذا احد نفخ علي بس ما باليد حيله امورنا بيدهمـ الله لا يوفقها من لبنانيه

سألونـي اسئلتهم المعتاده وسألوني وين كنت بالفتره ذي وش تسوي أٌصد الفتره اللي كنت فيها بالبترول
وجاوبتها وكان ما عندي ولا اثبات ولا ورقه اني كنت بالبترول وهذا اللي اربكني
وخلآنـي اخاف من انهم يرسلون الجواز بدون فيزا ع فيديكس

اخيرا فترة الانتظار ::
افكر بكل كلمة قلتها وقت المقابله وبكل الاحتمالات اللي بتصير
جا وقت اختبار التحصيلي بما ان اختباري عدا عليه سنتين يعني في حالة ما طلع الجواز مع الفيزا
بيكون موقفي صعب ولا بأقدر اقدم بدون تحصيلي قدمت ع التحصيلي وعدت بالذكريات
الى الورآء لفترة الثانوية
ودخلت دورة وحالتي حآله
دخلت الاختبار وانا مو مستعد بتاتا البته

أجلس ع كرسي الاختبآر جهزت قلمي وفكري مع الفيزا ومستقبلي
اخرجت جوآلـي لوضعه ع الصآمت <<وشفيه قلب
وهنا حدث ما لم يكن بالحسبآن رسآله +مكالمة من رقم ثآبت
قرأت الرسآله فيديكس تبشررررررررررنيييييي واخيييييييييييييييييييييييييرآ بعد انتظآر شهرين ونص تقريبآآآ
الجواز بالفرع بغيت انسحب من الاختبار بس تذكرت ان فيه احتمالية انها تكون مو مفيزة

اختبرررت وانا ماآآ ادري وين الكيميا من الرياضيات
واجاوب الاحيآء ع اساس انها فيزيآء

بالنهآية انطلقققققت ع فيديكس يآ حبييييييييييييبي

وقلبي طربق طربق خخخخ
دخلت فرع فيديكس اخذت رقم والدقيقه عن دهرر
الى ان اخذت الكيسه المزيونه وانطلقت ع السياره وانا افتحها الا عمي يدق واقفل بوجهه للأسف بس معذوور وانتوا ادرآ
افتح الصفحه الاولى مافي شي والثانيه مافي بعدوالثآلثه ماافي
الرآآبعه فيييييييييييييه فيزآآآآ
واشوف صورتي كأن اول مره اشوفها واقرا الاسم اقول لا يكون غلطانين

وكلل يووم وانا اشوفها بالصبح وبالليل وبالظهيره وبكلللل ابووو الأشيا
واخيرآ عقبآلكم جميعآ وهونوا عن نفسكم واستغفروا ربكم عسى الله يفرجها ع الجميع

للمعلوميه انا فيزتي امس استلمتها ووو اسمي عبدالرحمن محمد يعني اللي يقول يدققون ع الاسامي هذي اللي فيها محمد وعبدالله
واحمد يستررريح بس وغيير كذا الايتوني قديم وجددته بس ما ارسلته لهم كان جايني بالطريق لسه


وبالنهآيه ما كتبت هذا الموضوع الا تهوينآ ع اخوآنـي جميعآ ومآ أعتقد ان فيه كثير مروا بالحاله الصعبه اللي مريت فيها اناا
واخيرررا سآمحوني ع التعبير السيئ
والصبر الصبرر والله المستعان
والله يوفقكم بحيآتكم وتبشرونا بفيزكم جميعآ