اليوم يومي يالخبل

July 7th, 2011, 02:56 PM

السسسسسسسسسلام عليييييكم ورحمة الله وبركاته

ياجماعة الخير شخباركم عساكم طيبين

طبعا بحدثكم اليوم عن سالفتي مع الفيزا لعل وعسى اني اهون على كل منتظر <<<<الله يالدنيا امس كنت من المنتظرين واليوم من الي استلمو الفيزا ولله الحمد

طبعا انا من سنتين قايل بروح امريكا واليوم يالله اني خلصت كلشي<<<عشان محد يحسده سنتين مو شهرين
طبعا قدمت على الجامعة وخلصت وجاني القبول حددت موعد الفيزا بالظهران وكان بتاريخ 6/5 الشهر اللي طاف
ورحت وقابلني وبعدين قالي تهانينا اطلع برا <<<<رفضني كان في نقص
الموهيم تحطمت وحجزت موعد جديد بالظهران وكان بتاريخ 6/26 قبل 11 يوم تقريبا
رحت الموعد واوراقي كااااامله دخلت وكلي ثقه لاني عارف وش بسوي وعارف وش بيطلبون واموري طيبه
عطيتهم الاوراق وجلست وبعدين نادو على اسمي ورحت للشباك رقم 3 فيه وحده افريقيا شكلها الزبده اسالتني كم سؤال
ليه رايح لامريكا ؟ وش تخصصك .؟ اي جامعة بتروح ؟ اذا رجعت وش بتقدم على وظيفه ؟
وش سويت من يوم تخرجت ؟ من بيتكفلك ؟
وبعدين قالتلي مبروك تم قبولك في السفارة ولله الحمد ادفع لفيدكس وانتظر تجيك الفييزا

دفعت وطلعت ومستانس ولاكن مو الوناسه الكامله لان الحين دخلنا بمرحلة الانتظار حقت الفيزا
الموهيم بديت اخش واشوف العالم اللي تنتظر وحطموني لان دراستي تبدا اول يوم رمضان يعني الشهر الجاي مافي وقت واجد
وقلت انشالله تساهيل وموقع فيدكس 24 ساعه مفتوح كل شوي اشيك
كنت اقول انشالله الفيزا تجيني بالكثير على تاريخ 7/15 عشان احجز واروح ويكون في وقت
ولاكن الحمدلله الله سهلي الامور وجاتني الفيزا اليوم الساعة 7 الصباح <<<<اشكرك ياااااااااارب
يعني ياجماعة لحد يشيل هم اذا كنت مقدم وكلشي كامل وانت سفراتك مافيها البلدان الممنوعه امورك طيبه انشالله
انا 11 يوم والحمدلله هذي الفيزا بيدي ولله الحمد وكنت خاايف انها تتاخر من اللي اسمعه من الناس

الله يسهل على كل منتظر ويوفقهم ويعجل على امرهم يارب

ترا للحين مارتحت لان باقيلي اوراق اجهزها وباقيلي السفرا وامور الملحقية يعني ما ارتاح الا لما اروح لمدينتي وابدا دراسة بكذا اكون خلصت مشواري وابدى مشوار جديد

وسامحوني عالاطاله بس من الوناسه قمت اكتب واجد وحبيت ابشركم لعل وعسى ان المنظرين يتاملو خير

ادعولي ان اموري المتبقية تتسهل واللي يعرف وش بعد الفيزا يبلغني

وشكرا

• نشر عبر تويتر
• نشر عبر فيسبوك
• نشر عبر جوجل