عطوني الورقة الصفراء !

ما دام اخذوا جوازك اوكيه اخوي امورك ان شاء الله تمام
والورقة الصفرا هي للنقص عشان الاي 20 توديه لهم
وتعرف انه وصل عن طريق التراك نمبر الي يجي من فدكس
في الغالب اليوم الثاني يوصلهم وخلاص تصير اوراقك كامله وتمشي معاملتك الى ان تصدر لك الفيزا

وبالنسبه للوقت مافيه وقت محدد ولا شي يمكن فيزتك ما تاخذ اسبوع الى اشهر الى ممكن يرفضونك

الله يسهل امرك

طيب ارسل لهم الاوراق مع ورقة الفيدكس وتأكيد دفع رسوم السيفس بالايميل ولا بالفاكس ولا الفيدكس ؟

انا شكلي برسل اوراقي بالفيدكس اضمن اخاف مايفتحون الايميل حقهم ولا شي

والله يعطيك العافيه ماقصرت

اهم شي لا ترسل اصل القبول ..خله معك ضروري عشان تدخل به امريكا ..عطهم النسخ بس

ان شاء الله هذا اللي بسويه لأن أكدوا علي ماتقدر تدخل امريكا بدون الاصل

اخوي اذا طلبوا الاي 20 عن طريق الايميل ارسله بالايميل
اذا طلبو انك ترسل الا 20 عن طريق فدكس ارسله بفدكس
ولكن ابغى اتاكد هل الجواز معاك ام معاهم ؟

انا سويت مقابلتي بالقنصليه بجده واديتهم كل شئ وقالتلي الموظفه الامريكيه انت مقبول لدينا ولا كن انتظر اجرائات المكتب لاصدار الفيزا طبعا الي انا استغربت منه انها ادتني الجواز وادتني معه ورقه زرقاه ومكتوب فيها عنوان القنصليه وفيها ارقام اراجع فيها واشوف اذا التاشيره صدرت قالتلي اول ما تصدر التاشيره ارسلها الى عنوان القنصليه وادتني اسمها كمان فانا والله العظيم عايش في قلق اولا ليه ما اخذت الجواز وخلته معها علما ان موعد دراستي في رمضان وانا اجريت المقابله يوم الخميس 16/6/2011 وموعد دراستي 29/8/2011 اغسطس تكفون ريحوني وطمنوني الله يخليكم

انا ما اخذو جوازي بس عطوني ورقه علشان اشيك هل الفيزا وصلت ام لا بس انا بموت من القلق ليه ما اخذو جوازي تكفووون احد يطمني ويرحني هل اموري سليمه

ايه اخذوا الجواز الحمد لله
وقالي ارسل الاي 20 على الايميل

خلاص ارسل الاي20 بالايميل فقط وبعد فتره راسلهم بالايميل واسالهم عن حالة الفيزا وشوف ردهم
وكمان ليه ترسل لهم تاكيد رسوم السيفس ؟
اذا ما طلبوه لا ترسله لهم ليش مكلف على نفسك

بالتوفيق