انتهيت من مقابلتي اليوم بالقنصلية الامريكية

August 8th, 2011, 09:35 AM

السلام عليكم

انتهيت من مقابلتي اليوم الحمد الله وتم قبول فيزتي ..

رايح اموري طيبة من الساعة 7 موعدي 8 ونص بس قالوا لي رح بدري عشان تاخذ الرقم والحمد الله قبلي 6 بس ,,

المهم جا واحد بمكتب عربي ينادي الارقام وياخذ ايصال سامبا والاي توني والجواز و ورقة التأكيد حقت نموذج ds 160 ويربطهم بمطاط يقول انتظر

على طول جا رقمي رحت عنده قالي ليه بتروح امريكا قلت دراسة و قد سافرت امريكا قلت لا ,, واخذ بصمات اصابعي كلها قال اوكي انتظر المقابلة ورجع لي ورقة التأكيد حقت نموذج ds160

المهم واجي وانا انتظر احوس بالاوراق اله وايصال السيفس مو موجود ادور ادور ,, تعبت قمت لنفسه اللي ربط الاوراق قلت له اخذت انت ايصال السيفس قال لا قال مايحتاجونه حسيت يسلك لي ,, المهم ادور سألت واحد من الجالسين راح قبلي قلت له اخذو منك ايصال السيفيس قال لا قلت اكيد قال ايه هذا هو ,, الزبدة قمت اهلوس شسالفة موجود هو بعد تفكير واعادة شريط اخر 24 ساعة تأكدت 100/100 انه مع الاوراق ,, بعدين قلت بس اكيد لصق بالاي توني لانه ورقة السيفس مدري وش قصة امها صارلي نفس الموقف لمى جيت ارتب الاوراق بالبيت ضيعتها وادور وادور طلعت لاصقة بالاي توني ,, عاد قلت شسالفة الحين بجي دوري بالمقابلة اقوله على طول ولا اسكت عاد واشوف صاحبنا اللي سألته قبل لمى خلص المقابلة قلت له اخذ ولا طلب ايصال السيفس قال لا قلت اوكي ,, واروح عنده المقابل قالي عربي ولا انجلش قلت له عربي قال ضع اصبعك الوسط بالجهاز ياخذ البصمة ,, بعدها قال ليه رايح امريكا قلت له دراسة لغة انجليزية بعدها الجامعة قالي وش التخصص قلت له هندسة مدنية قال ماذا قلتها مرة ثانية مافهم قلت له سيفل انجنيرج قال اوكي قال وين رايح قلت ارزونا قال اوكي من بتكفل بالدراسة قلت ابي عاد السؤال مرتين ايش تسوي اللحين تشتغل تدرس وكل مره اقوله لا قال متى تخرجت قلت قبل سنتين قال درست شي قلت ايه بجامعة الملك فهد قال عندك شهادات للجامعة قلت له بالانجلش لا بس درست اول سنة قال الثانوي قلت ايه اخذها تسليك ولا ناظرها ورجع ها لي قال كشف الحساب وعطيته اياه قال اوكي فيزتك مقبولة قلت له شكرا رجع قال فيزتك مقبولة قلت اوك شكرا لك قال ادفع رسوم الفيدكس قلت له اوكي شكرا شكرا خخخخخخخ وعطاني الاي توني واول ما خذها اشوف الورقة االسيفس لاصقة وره ,,,خخخخخخخخخخ

عاد ماحدد متى بتطلع ولاشي والله يسهل يارب ,,

• نشر عبر تويتر
• نشر عبر فيسبوك
• نشر عبر جوجل