هل أقدم على التأشيره قبل 15/10والا أنتظر مرافقي لمن يخلص أموره بعد إقفال المرحله 6

August 20th, 2011, 11:05 PM

السلام عليكم ورحمة الله وبركاته
مبارك عليكم الشهر وتقبل الله منا ومنكم صالح الأعمال والله يجعلنا من عتقاء النار أنا عارفه إنها جات متأخره لكن أنا إنقطعت عن المنتدى لفتره وذا الحين رجعت وحابه أطرح موضوعي اللي مسوي لي قلق وياليت تفيدوني من تجاربكم أو من مر بتجربه شبيهه بتجربتي أنا الحين جاني القبول ومطلعه جواز سفر وبنتي كمان لكن المشكله في زوجي مو مطلع جواز سفر لأن عليه مخالفات مايعلم بها إلا الله ووالده تكفل إنه يسدد مخالفاته لكن المبلغ ماراح يجي إلا على نهاية شهر 10 والمرحله السادسه بتقفل على 15/10 ذا الحين أبغى مشورتكم هل أقدم أنا وبنتي على السفاره وأحجز موعد وإلا أستنى زوجي لمن يسدد مخالفاته ونحجز موعد مع بعض لأني سمعت أن الوزاره تتهاون مع المتأخره فيزهم وهي تنظر في إيصال فيدكس يعني تهتم بموعد إستلام الفيزا وليس بموعد التقديم
وللعلم أن نظام معهدي يعتمد نظام الفصول يعني بعد 4أشهر موعد جديد للدراسه وكان موعده في 17/8/2011وبما أن ظروف زوجي لم تتيسر فإن بداية الدراسه 17/يناير/2012وكلمت المعهد على الموعد الثاني ودفعت لهم الرسوم ووصلني القبول قبل أسبوع
ذا الحين وش أسوي هل أقدم وأحجز موعد بالسفاره بدون زوجي والا أستنى زوجي وأيهما أفضل
وهل فيه طريقه أعبي Ds-160تبع زوجي وفي صفحة تعبئة بيانات الجواز اضع أصفار أو أي شي واحجز موعد على شهر 11 ولمن يطلع زوجي الجواز هل ينفع أعدل بيانات زوجي
والله محتاره بالله عليكم تنصحوني وتفيدوني ما أبغى أضيع البعثه تكفون أبغى حل مايضيع عليه بعثتي لأني كلمت القسم النسائي قبل كذا ووافقوا لي على تأجيل الدراسه إلى شهر سبتمبر لكن شرطوا عليه أخلص إجراءاتي على شهر يوليو والحين راحت عليه المهله كيف أتصرف مع الوزاره أكلمهم مره ثانيه والا كيف ؟؟؟

• نشر عبر تويتر
• نشر عبر فيسبوك
• نشر عبر جوجل