الأعضاء الإشتراك و التسجيل

الملتقيات
ADs

استفسار أبي جوااااااااب اكيد تكفون

استفسار أبي جوااااااااب اكيد تكفون


NOTICE

تنبيه: هذا الموضوع قديم. تم طرحه قبل 4587 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية MTTA MTTA
    MTTA MTTA

    مبتعث جديد New Member

    MTTA MTTA الولايات المتحدة الأمريكية

    MTTA MTTA , ذكر. مبتعث جديد New Member. من الولايات المتحدة الأمريكية , مبتعث فى الولايات المتحدة الأمريكية , تخصصى لايوجد , بجامعة لايوجد
    • لايوجد
    • لايوجد
    • ذكر
    • لايوجد, لايوجد
    • الولايات المتحدة الأمريكية
    • Jul 2011
    المزيدl

    September 7th, 2011, 03:39 PM

    السلام عليكم

    حبيت اسال هل صورة من الشهادة البنكيه اللي ارسلتها للمعهد تكفي اعطيها للسفاره الأمريكيه ويقبلون فيها ؟؟
    ولا لازم الاصل .؟ لان الاصل ارسلتها للمعهد مامعي الا نسخه ..

    يرحم والديكم اللي مايعرف لايجاوب من راسه
  2. انت قلت .. تبي جواب أكيد .. !

    الأكيد انه كشف الحساب لمدة لا تقل عن 3 شهور .. شئ اساسي .،

    ولكن تعتمد على القنصل نفسه ,. احتمال ما يطلب منك لا شهادة ولا كشف ..


    انا عن نفسي سألني من سيقوم بمصاريفك بالدراسة .. جاوبته بأصرف على نفسي واعطيته شهادة الرصيد.. ثم قلت له اذا حاب الكشف لثلاث شهور .. قال لا احتاجة شكراً ..

    هذا ما حصل معي ..


    بكل الاحوال .. اذا تقدر تأمن كشف حساب .. يكون أفضل .. لأنه اساسي


    لك التحية
    7 "
  3. هلابك اخوي
    ياشباب ارجوكم اللي مو متاكد لايوهق احد ويتفلسف ياشباب ترى الموضوع مو مزح
    يعني الرجال قدامه مستقبل تبون تحطمونه من البدايه
    شف يالغالي انا اعرف خمسه ولا واحد جاب كشف حساب
    رح للبنك وقل ابي شهاده بنكيه بس كلمتين ( شهاده بنكيه )
    يعطيكياها مختومه وموقعه واذا طلب منك عطه واتحداك واتحدى كل واحد انه يرفض الشهاده
    اما بالنسبه انها نسخه برضو ماتفرق واتحداك اذا رفضها ياشباب اقسم بالله الوضع سهل مره
    لاتعقدون احد خلو الناس تتفاءل بالخير والله يوفق الجميع للخير
    7 "
  4. وش فيك يا عبد العزيز ... وش توهيقه وأي تحطيم تتكلم عنه انت ههههههه


    دارين انه الوضع سهل وفلة حجاج وما قلنا انهم معقدين ومش عارف كيف .. !!


    يا أخي انت اللي لا توهق الرجال ... لما تأخذ الموعد وتجيك صفحة التعليمات ... موجود من ضمنها إحضار كشف حساب بنكي ..


    افرض القنصل مسكت معه إلا كشف حساب .. والرجال ما معه .. وش بيفيده ..؟


    قلنا لك الكشف اساسي .. ولكن يعتمد على القنصل نفسه ..

    انا ما طلبه مني ... وهو معي الكشف ..!

    بينما ولد أخوي .. ما معه كشف .. واعطاه الشهادة البنكية .. وعطوه ورقه صفراء ،، وقالوا ارسل الكشف ..

    الوضع مثل ما تفضلت يا عبد العزيز ,,, سهل مرة .. ولكن يجب احضار جميع ما طلبوه منك ،، وان طلبهم القنصل والا فأنت ما خسرت شئ ..

    فـ لا توهق الرجال وتقول له ما يلزم احضار الكشف وإن الشهادة تكفي وتتحدى وماني عارف ايش ...

    اذا مقابلتك مشت بدون متطلبات وجت حلوة زيك .. فهذي نعمه الحمد لله ...

    ولكن اقسم لك بالله ان ولد اخوي،، اعطاهم الشهادة البنكية ، وقالوا ما تكفي وارسل لنا الكشف الشهري ... هذا غير انهم كاتبين لك بالخط الأحمر من ضمن المتطلبات ،، احضار كشف حساب بنكي للمتكفل بالمصاريف ..




    لك التحية
    7 "
  5. اخووي عبدالعزيز انا اللي سمعته نفس كلامك واكثر من واحد طلع فيزا يقول بس نسخه من الشهادة البنكيه اللي ارسلتها للمعهد

    بس اخوي القيصر سالفة كشف الحساب حق اخر ثلاث شهور هذي جديده علي واذا فيه كشف حساب لازم يكون باسمي ولا باسم اي احد ؟؟

    ويعطيكم العافيه ..
    7 "
  6. كشف الحساب مطلوب من ضمن الطلبات اذا كنت رايح لحسابك الخاص

    اما الي ما سألوهم احتمال يكونون عل حساب الحكومه ..

    من متابعتي للمنتدى بعض الاعضاء الي على حسابهم ما عندهم كشف حساب اضطروا يرسلونها لهم بعدين ..وهذا الشي يأخر الاجراءات لانك ترسل لهم ويقولون لك ما وصلنا شي ةتضطر تعيد الارسال كذا مره ..

    أخوي نصيحتي لك أمشي بالسليم وخل أوراقك كلها كامله ماراح تخسر ..
    7 "
  7. شوف يالغالي انا ماجيب شي من راسي علمتك انو 5 وسادسهم انا طلب مني ضمان مالي وعطيته الشهاده البنكيه وقال مبروك
    الاصل بالطلب ايش ينص عليه ( اثبات ان عندك فلوس وتقدر تصرف على نفسك ) علمني بأي حق يرفض الشهاده ويطلب كشف
    حبيبي امريكا متفاهمين تبي زي معاملاتنا والله ماشفت احد رجعوه على كشف حساب اهم شي ورقة رسميه ان عندك رصيد
    لكن تبي تقولي الشهاده مو مقبوله غلطان مع احترامي لك انا قالها لي بالفم المليان ( مبرووووك فيزتك مقبوله وجايب شهاده بنكيه )
    واذا بتعقدونها على الرجال خلوه يطلع كشف حساب اذا يقدر والله يوفقه

    7 "
  8. اخوي انا سويت مقابله في رمضان واثناء المقابله طلبوه مني وفيه ناس اعرفهم رجعوهم لان مامعهم الا شهادة بنكيه
    لذلك من الاحتياط لازم تاخذ كشف الحساب وسلامتك
    وصدقني لما تكون اوراقك كامله وواثق من نفسك في المقابله ماراح يرفضونك انا كل ماسالني سؤال اجبت عليه واشرت هل يحتاج لاثبات من الاوراق اللي معي يقول خلاص الا في مايخص الشهادة االجامعيه لاصل وكشف الحساب اطلع عليها
    اما باقي الاوراق من شهادات خبره وتعريف العمل وشهاداة الثانويه وباقي الاوراق اكتفى بالاجابه يعني انشب للي بيسوي معك المقابله وراح يحكم عليك من ردة الفعل بانك جاهز لاي طلب اوسؤال وان اوراقك كامله
    النصيحه لازم تاخذ الكشف عشان ماتندم
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.