استفسار مسآعدة في كشف الحسآب !!

وعليكم السلام والرحمة والإكرام ..

أهلا فيك أخوي ، كشف الحساب هو إثبات بالقدرة على السداد ، والضمان البنكي يفضل يكون مائة ألف ومافووق عشان تكون أمورك في السليم ..

لا دامه متقاعد مايحتاج إذا سألك قله انه تقاعد من العمل

قل لهم لغه , التأخير مجرد حظوظ لا اكثر

بالتوفيق

أخوي أقولهم لغة ،، وأنآ رايح أصلا بكلريوس عآدي الوضع ؟

لرفععععع ،،،،،،،،،،،

...........UP

نفسسس الأسأله ...؟

- بالنسبه لكشف الحساب .. مو شرط ينزل عليه راتب
انا جبت كشف حساب إدخار للوالد فيه مبلغ جامد شوي ( وبالعاده يفضل ان الحساب يكون فيه مبلغ من 100 الف وفوق )
يوم شافه موظف السفاره قال وش يشتغل الوالد قلت متقاعد من 13 سنه من الجيش والان عنده بزنس

- التعريف بالراتب مو لازم اذا قلتلهم ان ابوك متقاعد واذا كان فيه اوراق تثبت هالشي يفضل انك تجيبها معاك للمقابله ما تدري عن مزاجيتهم

- اذا سألوك وش بتدرس , قول لغه ثم بلتحق بالجامعه وسالفة تأخير الفيزا تعتمد عالحظ ومالها علاقه بالدراسه كانت بمعهد او جامعه


بالتوفيق

طيب أخوي كان زمان

أنا جبت لهم كشف حساب بأسم الوالد فيه 75 ألف حق ثلاث شهور وبنفس كشف الحساب بالشهر الثاني تقريبآ فيه 45 ألف بس بأخر شهر فيه 75 ألف وكسور
ممكن يقبلون ولا بيقولن مررررفوووض لأن المبلغ قليل والله خااايف مررره أنا أنتظر القبول من معهد ef قبول مشروط عادي أقولهم بس أدرس لغه ولا لازم أقولهم لغه و جامعه لأني خايف إذا قلت لهم جامعه يبرفضون
وأيش الأوراق إلى أخذهااا معي لسفاره .. وعلى فكره أنا عااطل سسنه ممكن يستقعدون لي ولا لازم أجيب لهم أني كنت أشتغل بشركه وأيش الأفضل ..!؟

بهالحاله ما اعرف وش وضعك معاهم بالضبط ,الاغلبيه يجيبون كشف حساب فيه 100 ألف وفوق
وبرضو فيه ناس وضعهم زي وضعك ومشت امورهم بسلام , شوف احد من اخوانك او قرايبك يودع بالحساب الين ما يصير المبلغ مقبول عشان تتطمن اكثر .

اذا كنت عاطل لمدة سنه جيبلهم اخر شهاده او وثيقه حصلت عليها , انا وقت المقابله قلت له اني كنت عاطل سنه وبعدها درست بكلية الجبيل وتخرجت وطلب مني يشوف وثيقة التخرج
اذا كنت مشتغل بمكان يفضل انك تجيب شي يثبت .

بالنسبه للاوراق اللي تجهزها للمقابله :

- الجواز + الجوازات القديمه ( اذا كانت موجوده )
- الاي توني + القبول ( مو شرط يسألك عن القبول بس جيبه احتياط )
- ايصال تسديد سامبا حق رسوم الفيزا
- ايصال تسديد رسوم السيفيس
- ورقة تأكيد نموذج DS-160
- صور شخصيه 5 بـ 5 مكشوف الراس
- ورقة تأكيد الموعد
- الشهاده البنكيه + كشف حساب ثلاث شهور
- شهادة الثانويه الاصل واي شهادات ثانيه اذا كنت دارس بعد الثانويه


ولا تنسى تاخذ نسخ لكل هالاوراق احتياط

وجيب معاك اي اوراق تحس انها مهمه ما راح تثقل عليك
وبرضوا لا تنسى تجيب معاك كاش عشان تسدد فيدكس



موفق

نصيحه يالغالي .. لا تقول لهم انك كنت عاطل ابدااااا
انا توني جاي من السفارة وكان معي اثبات من العمل للسنتين الاخيره
قالت طيب سنة 2007 وش كنت تسوي ... قلت اني اخذت دورات في الكمبيوتر والانجلش..ولا طلبت مني اثباتات
انت قلهم انك حضرت دورات كمبيوتر .. او اذا كان عندك احد عنده بزنس خله يعطيك ورقه انك تشتغل عنده
وبالنسبه لكشف الحساب .. والله انها ما طالعت فيه ابدااا .. رجعته لي على طووول ..لا تشيل هم
وابوي قلت لها انه متقاعد ولا طلبو مني اثبات ولا شي
واذا كنت تتكلم انجلش ترا بيفيدك هالشي كثير وبتخلص امورك بسرعه

وان شاءلله ما تطيح في شباك 9 عند الفلبينية <<< تستقعد للعالم


كل التوفيق لك والله يكتب لك اللي فيه الخير

شبااااب

انا ابويا مو موظف ولا عنده سجل تجاري

يشتغل اعمال حره ولله الحمد يعني اراضي بيع وشرا وايجارات وكدا يعني

طيب لما اروح السفاره ف الرياض بيقولي ليا ابوك فين يشتغل واقلهم اعمال حره مابيقولو اثنبت !؟!

او مابيطلبو شي تعريف بالراتب اي شي زي كدا

الوالد قلي روح ومعاك كشف الحساب وقلهم ابويا اعمال حره ووريهم الكشف ووريهم المباللغ ايش دخل وايش خرج

علما انو الوالد مايقدر يعطني عقود او صكووك الشي دا صعب بالنسبه له

ايش الحل يااخوان افيدوني الله يوفقكم يارب


ودا موضوعي فيلو تفاصيل اكثر

http://www.mbt3th.us/vb/forum16/thread309863.html