الأعضاء الإشتراك و التسجيل

الملتقيات
ADs

الي صار معي في المقابلة اليوم 2 اكتوبر للفائده بالتفصيل الممل

الي صار معي في المقابلة اليوم 2 اكتوبر للفائده بالتفصيل الممل


NOTICE

تنبيه: هذا الموضوع قديم. تم طرحه قبل 4562 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية الهآآآآزم
    الهآآآآزم

    مبتعث مجتهد Senior Member

    الهآآآآزم الولايات المتحدة الأمريكية

    الهآآآآزم , ذكر. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى هندسة كهربائية , بجامعة جامعة نيوهافن
    • جامعة نيوهافن
    • هندسة كهربائية
    • ذكر
    • نيوهافن, كونيكنت
    • السعودية
    • Aug 2011
    المزيدl

    October 2nd, 2011, 11:54 AM

    السلام عليكم ورحمه الله وبركاته

    بقولكم الي صار معي اليوم في السفارة الامريكية بالرياض

    طبعا موعدي كان الساعة 7 ونص وجيت الساعة 6 ونص

    اول ما وصلت حصلت طابور وقفت فيه إلى ان جت الساعة 7 وجو الموظفين واشتغل الطابور طبعا الطابور ما يوقف فيه الا الي موعدهم الساعة 7 ونص فقط بعدين يقفون الي مواعيدهم بعد الساعة 7 ونص

    دخلت السفارة الساعة 7 وربع يعني ساعة الا ربع انتظار يعني ماله داعي تجي بدري إلا اذا تبي تطلع بدري عشان تحجز رقم من البدايه

    قبل ما تدخل تحط جوالاتك ومفاتيحك بالشباك اليمين ويعطيك ورقه لونها احمر صغيييييييير انتبه لا تضيعها لانها ورقه اغراضك

    بعدين فيه بابين الباب الي عاليسار باب الرجال والباب الي عاليمين للبنات


    تدخل وفيه تفتيش فيه وحده مصريه اخلاقها زيرووووو

    بعدين جاء الهندي وجاب ورقه صغيره ومسحها على ملابسي ؟؟ مادري وش السالفه قعدت اناظر وش سوا هذا هههههههههههه الي يعرف وش هالورقه يعلمنا << محيرتني ههههههه

    بعدين تدخل السفارة وفيه ساحه كبيره تعديها لين توصل الباب الثقيل تفتحه وتحصل مكتب صغير وكان عليه موظفه لبنانيه تطلب منك تجلس عالكرسي لين يجي دورك وتعطيها ورقه الاي توني والجواز ووصل سامبا وورقه الابلكيشن

    بعدين اذا خلصت يجيك هندي ويعطيك ورقه زي حقت البنوك فيها رقمك ويدخلك غرفه صغيره فيها 3 شبابيك تجلس بالكراسي لين ينادون رقمك بالمايكروفون واذا جاء رقمك تسألك الموظفه هل سافرت لامريكا قبل نعم او لا وتطلب كشف الحساب والاي توني والجواز وتاخذ وصل تسديد سامبا وتقولك حط اصابيعك الاربع من غير الابهام بالجهاز بعدين اليد الثانية بعدين الابهامين وتقولك توكل على الله

    انا تركت الرقم حسبت انه خلاص مابحتاجه وتفاجأت انه يطلبونه للمقابله الثانيه يعني احتفظو بالرقم

    بعدها طلعت من الغرفه ورحت يمين وجلست على واحد من الكراسي الموجوده بانتظار رقمي




    وقت المقابلة :

    طلبت الاي توني والجواز بعدها سألتني رايح على اي ولاية ؟؟
    بكالوريوس او ماستر ؟؟
    هل عائلتك جميعها موجوده بالسعودية ؟؟
    بعدها طلبت كشف الحساب وقالت ابوك وين يشتغل ؟؟ << ركز على كشف الحساب لانه طلبوه مرتين (كشف حساب اخر 3 شهور) والمبلغ كان 119 الف ريال
    وكم راتب ابوك ؟؟
    وايش رتبته ؟؟
    وسألتني متى متخرج من الثانوي ؟؟ قلت من اربع سنوات
    قالت ايش سويت بعد ما تخرجت ؟؟ قلت اشتغلت في شركة ودرست في جامعة قالت عطني الاثباتات (سجل اكاديمي + خبره)

    وسألتني عن السفرات قلت لها سافرت الامارات والبحرين وسوريا والاردن وتركيا وماليزيا واندونيسيا

    بالاخير قالت كل شي تمام روح سدد فيديكس وتركت معها الجواز فقط

    رحت فيديكس وطلبو ورقه الابلكيشن ds-160 وعطوني ورقه تعبيها (اسمك+ رقم جوالك+ المدينة+ التوقيع) وتاخذ ورقه معك وورقه معهم ومبلغ 65 ريال. لاني ابغى الجواز في الرياض خارج الرياض 125 ريال
    الورقه فيها رقم التراك تقدر من خلاله تشيك على جوازك في النت على موقع فيديكس


    بعدها طلعت مثل ما جيت ورحت للشباك وعطيته الورقه الحمراء الصغيره واخذت جوالاتي والمفاتيح وبس


    ورقه تاكيد الموعد ماطلبوها لان الاسامي مكتوبه عند البوابه
    ورقه تسديد السيفيس برضو ماطلبوها لانه مبين عندهم بالجهاز


    دعواتكم وبالتوفيق
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.