استفسار وااااي .. ما أخذوا الجواز ؟!!

October 26th, 2011, 07:18 PM

طابت أيامكم وأوقاتكم بكل خيرر ..
أنا كانت مقابلتي في 22 أكتوبر ، قابلت ولا أخذوا جوازي رجعوا كل الأوراق ما عدا ورقة سامبا ، كانت المقابلة حسب تقديري تمام ، بس مدققة الأوراق لما خلصت شايفة أوراقي طوتهم بشكل طولي وحطتهم بملف بلاستيك وأعطتني إياهم ، المقابلة كانت عادية عدة أسئلة ، قالت وين سافرت قلت ماليزيا قالت بس قلت ايوه ، سألتني عندي أقارب أولا في أميركا ، فكرت شوي بعدين قلت لا ، قالت أمك وأبوك كلهم هنا ، قلت ايوه أبوي موجود وأمي متوفية .. قالت من سيدفع لك ،، أخبرتها بأنها الجامعة .. يعني المقابلة عادية لكن ما أدري ليه ما أخذوا الجواز ولا أي ورقة بس ورقة سامبا واحد من الزملاء طلعت تأشيرته بثلاث أيام !! .
وش تقديركم لها الشيء وش رأيكم ؟؟ وايش معناة إنوو ما أخذوا جوازي .. قالي مرتب الأرقام إنه بسبب قرب العيد !! مع ان فيه واحد شفته قالت له الموظفة خمس أيام ويجيك الجواز ، الله يوفقه ، لكن تعاملهم غريب ، تفريق عنصري ، وعنف أسري ومجتمعي متمركز حول نواة عمل السفارات الأجنبية ذات القطب الواحد المنبثقة من البعد المتشكك في الشخصية البارانوية ، لتعطي انطباعا هستيرياً على اتصال بشكل وثيق بالأنا الوجدانية والشخصية السيكوباتية التي نشأت طفولياً بكنف الانبثاق الأسري السعودي الأميركي الدافئ << أقول لا يكثر
انا دراستي بتبدأ بيناير القادم ، ورايح على حساب الجامعة .
ايش رايكم أراسلهم وإلا اخليهم إلا ما بعد العيد ، وهل أرتب أوضاعي وإلا انتظر ، انا دخلت مزاجي فكرة تأجيل السفر ككل حتى بداية الترم القادم ، ما أدري ايش تقييمكم لعدم أخذ الجواز ؟؟
تقبلوا فائق التحية ..

• نشر عبر تويتر
• نشر عبر فيسبوك
• نشر عبر جوجل