سؤال بسيط حتى لو تخمين

وعليكم السلام ورحمة الله

اللي سويته في أمريكا تغيير نوع الاقامة من F2 الى F1. في حالة السفر الى السعودية ، اذا كانت تأشيرتك على الجواز نوعها F2 لازم تروح السفارة وتطلع تأشيرة F1. احتمال الرفض موجود بس ضعيف طالما عندك موافقة من ادارة الهجرة بتحويل الاقامة الى F1..

بالتوفيق،

الله يعطيك العافية طمنتني وقلقتني بنفس الوقت اخوي

هل موافقة ادارة الهجرة لتغيير نوع الفيزا ل ف1 يعطيني الحق بالحصول على الفيزا من السعودية ؟

الله يعافيك أخوي..

موافقة ادارة الهجرة مايعطيك الحق بالحصول على الفيزا بس احتمال الرفض ضعيف. بديت دراسة في أمريكا ولا توك؟

بس خلصت اللغة كنت على اساس اني ابدا دراسة اكاديمية بس بقيت انو الاجازة الجابة طويلة شهر وعشرين يوم ف قلت انزل السعودية واغيرها واريح راسي

بس الخوف كالعاده تتاخر او رفض؟؟؟

الله ييسرها على الجميع

التخمين صعب جدا في مثل وضعك وأتوقع انه يعتمد بشكل كبير على الموظف في السفارة/القنصلية اللي يسوي لك المقابلة..

اذا تأشيرة ال F2 حقتك طلعت على طول وماتأخرت ، غالبا تأشيرة ال F1 بتطلع بسرعة ومافيه داعي للخوف..

الشي الثاني ، اذا درجاتك في معهد اللغة كويسة يعني معظمها A و B ، أتوقع أمورك بتمشي بدون تعقيد. ممكن تاخذ معك نسخة من كشف الدرجات وتوريها للموظف وقت المقابلة علشان يعرف انك متحمس ومؤهل للدراسة.. اذا كانت درجاتك في المعهد نازلة ممكن يعقدونها معك شوي ومن الأفضل انك ماتسافر وتغامر الين تخلص سمستر وتجيب درجات كويسة..

طبعا هذا كله رأيي الشخصي من واقع فهمي لهم ولطريقة تفكيرهم..

الله يوفقك ويسهل أمورك..

الفيزا الماضية اخدت اقل من شهر لانو قدمنا انا وزوجتي قبل موعد الدراسة باكثر من 120 يوم

درجاتي ف المعهد مررة ممتازة اغلبها A

في الحالة هذه أتوقع انك في ال safe side ومافي داعي للقلق باذن الله.. خذ معك نسخة من كشف الدرجات ووريهم يوم تروح المقابلة وهم يوم يشوفون درجاتك بيعرفون انك حريص ولو ماكنت تبغى تدرس ماكنت قدمت على F1 أساسا..

ولا تنسى الاستخارة والله يوفقك..