استفسار محرمي الوحيد ممنوع من السفر لمدة سنتين ..الا بتوقيع وزير الداخليه-مرشحه من المرحله 7

لا تقولي مالك حظ
قولي خيره

صراحه ماعندي خلفيه بالموضوع لكن اسألي اكثر ولا تيأسي ابداً وربي يقدم لك كل خير وصالح

خليه يقدم طلب(معلاوض) على الامارة في المدينة الي انت فيها ويقابل امير المنطقة ويشرح له الوضع ويكون معاكي كل اوراق ابتعاثك لانهم حيطلبوها منه وهم حيرفعوها للداخلية ويعطوكي رقم معامله تتابعي ؟؟؟؟؟؟؟؟ظ
وان شاء الله تتيسر لك امورك ------------ يارب

اختي الكريمه من واقع خبرتي كوني كنت أعمل بالجوازات ان مثل هالأمور في منع السفر هي من اختصاص الشؤون الأمنيه بوزارة الداخليه
لابد من مراجعة الوزاره وتقديم معروض وشرح الظروف وان قدرتوا تقابلون صاحب السمو الملكي محمد بن نايف اتوقع ماراح يقصر
لأن كثير اعرفهم عليهم منع من السفر ولما تكون عندهم ظروف خاصه ومقنعه للمسؤل يتم رفع المنع عنهم بالحاسب الآلي ويسافرون
بس خذي في بالك انها يبيلها شوية جهد

الموضوع ناقص
الجوازات ماتقدر تمنع ابوك من السفر عشان جوازة انفرم بالغسالة
اصلا كيف يعطونه جواز ويقولون له لا تسافر
يعني وش اسوي فية اتصور جنبة؟؟؟

وبعدين والله يا الامير نايف ما درا عن ابوك هو يسافر او لا

انا اقلك مستحيل يمنعونه الا اذا مسوي شي كبير

انا رايي ارسل برقيه

خيره والحمدلله على كل حاااال اشكرك اختي وتراااني سألت وتعبت وتعبت ابوي معااااياااا امس الجوازات قالت لأبوي ادفع الغراااامه 500 وتاخذه واليوم الصباااح راح يمهم وقالو له معصي ماتسافر الا عقب سنتين واااحد استقعد لأبوي مايستحووون رجال كبير شيبه وازيدك ابوي ولا عمره ضيع الجواز ولا عمره خالف القوانين ولا حتى عنده قضايا ومايدخن وما سافر اسرائيل ولا حتى ايرااان الله فوق الكل الله يستر عليك اكيد تعرف نااااس او تقدر تخدمني انا سويت كل الي قلت عنه طلبتك افزع لي ابوي من الشمال ومرمطوووه هنا وجية الريااااض مهي بسهله والله يابن الحلال يلعبون مع ابوي لعب مره ادفع الغرامه وتاخذه ومره لا ماتسافر الا عقب سنتين ياربي وراح ابوي للأماره قاله الموظف ماتنفعك وربي اصلا الامير بيكتب ارجو عمل اللازم من الجهات المختصه وقضينا تكفى ايش اسوي انا لازم اسافر قبل مارش شهر 3 ميلادي دراستي تبدأ ب 3 ميلادي اي ناقص واي زايد وربي كل الي صار كتبته لكم وانا صادقه فيه وربي ابوي ماسوى شي تبيني اعطيك اسمه الرباعي تبحث عنه ابوي حتى دخان مايدخن ولاعمره فقط اوراقه الرسميه لاداخل ولا خارج المملكه وهذا الي بنسويه وياااارب يجي بفايده

خلية يشوف طيب وش سبب الرفض لان مو معقولة يرفضونة
انا بقولك شغلة وحطي حلقة بوذانك ع قولة الاخوان بمصر
الجوازات ماتعطي الشخص جواز وتقولة لا تسافر
اذا مايبونه يسافر بيقلولون له توكل ع الله مافي جواز لانك ممنوع

خلي ابوك يروح يسالهم وش سبب المنع واتوقع انهم يستهبلون علية ولا ليش يعطونة اجواز

أختي الكريمه السلام عليكم اول شي والله ما اعرف احد بالشؤون الأمنية بوزارة الداخليه وتأكيد لو كنت اعرف ماراح اقصر معك لكن بماأن الموضوع لسا عند الجوازات ع حسب كلامك ابي أفيدك في معلومه ان الجوازات اذا جلهم مواطن يبلغ عن فقدان جوازه او تلف الجواز هم مجرد انهم يستقبلون بلاغه ويحققون معه ويرفعون المعامله للشؤون الأمنية بوزارة للداخليه والوزارة هي الي تقرر وش مصير المواطن ع حسب إفادته بالتحقيق وبعدها ترجع المعامله لنفس إدارة الجوازات الي راجعها المواطن موضح فيها وش المطلوب اما اكتفاء بالغرامه

أختي الكريمه السلام عليكم اول شي والله ما اعرف احد بالشؤون الأمنية بوزارة الداخليه وتأكيد لو كنت اعرف ماراح اقصر معك لكن بماأن الموضوع لسا عند الجوازات ع حسب كلامك ابي أفيدك في معلومه ان الجوازات اذا جلهم مواطن يبلغ عن فقدان جوازه او تلف الجواز هم مجرد انهم يستقبلون بلاغه ويحققون معه ويرفعون المعامله للشؤون الأمنية بوزارة للداخليه والوزارة هي الي تقرر وش مصير المواطن ع حسب إفادته بالتحقيق وبعدها ترجع المعامله لنفس إدارة الجوازات الي راجعها المواطن موضح فيها وش المطلوب اما اكتفاء بالغرامه او الغرامة مع حرمان السفر وبهالحاله يقدر يطلع جواز بس ليكون ممنوع من السفر يعني الجوازات مالها دخل الا انها تنفذ أوامر الوزارة الي جن في معاملة أبوك واذا انتي من الشمال يالين تحددي عشان أقولك اذا اعرف احد بالجوازات الي معاملة أبوك فيها ع الأقل لو أقدر افهم الموضوع منهم لأني عملت بالشمال بأكثر من أداره ولي معارف بالجوازات