مساعدة احبتي والله اتلخبطت من ناحية الفيزا الامريكية ساعدوني بالله

بسام


بالنسبة للفيزا الامريكية وفر لهم المطلوب تأخذ الفيزا
خطواتها ماتبداء فيها الا بعد الحصول على الاي توني
لما تجيب قبول من معهد في امريكا بعدها تبداء بالخطوات
لاتفكر في الخطوات الان الا اذا كان معك الاي توني

ولاتخاف مايبحثون ورا الحساب ولا شئ
انا بس شافت كشف الحساب والضمان المالي ورجعته لي

كم تأخذ وقت .. من اسبوع الى اسبوعين تقريباً وبعضهم تتأخر ٣ شهور
انت ماعليك من اللي يتأخر اهم شئ كمل اوراقك والتوفيق من عند الله سبحانة وتعالى

اهم شئ عند السفارة الامريكية انك ماتكون جلست عاطل فترة كبيرة
مثلا ً زي حالتك لازم تجيب لهم تعريف من العمل بالمدة اللي جلستها فيه
ولازم تكون بياناتك مطابقة للمعلومات اللي تعبيها في نموذج دي اس ١٦٠
هذي امور مانبي ندخل فيها اللحين لانك لسى ماجبت القبول بس قاعد اعطيك فكرة عامة
طبعاً كل سؤال يسألوك لازم تكون اجابتك واضحة ومختصرة ومدعمها بالاثباتات

بالنسبة للمتكفل بالمصاريف عادي قول لهم مثلا الوالد وجيب شهادة بنكية من حسابة
واذا مثلاُ بتدرس لغة قول لهم بدرس ٤ شهور او ٦ شهور على حسب الضمان اللي في الشهادة
وهم بيعطوك الفيزا اصلا ٥ سنوات لاتشيل هم

بالتوفيق ان شاء الله

طيب اخوي او الذي يشاهد يرد اذا مارد اخونا الغالي

لازم الوالد يكون في حسابه فلوس كثيرة عشان الكفاله او عادي

مع العلم انا باخذ شهادة بنكية وكشف حساب من حسابي لانه فيه المبلغ

وبالنسبه للوالد تراه عسكري عادي ولافيه مشكله


الله يوفق من رد ومن يرد ومن يشاهد

وبالله كشف الحساب حق كم شهر

كشف الحساب ٣ شهور

وخذه باسم ابوك هو والشهادة البنكية أفضل
وعادي ماتفرق معاهم عسكري مدني عاطل
انا الوالد الله يحفظة متسبب وطلعت الشهادة والكشف البنكي بأسمة
اصلا بس شافتها ورجعتها لي

والمبلغ مو شرط يكون كبير مرة فوق ٦٠ الف اتوقع كويس

بالتوفيق ان شاء الله

الله يرفع قدرك والمشاهدين واللي ردو


بالنسبة للفلوس بحسابي عادي لو ماجبت كفيل لهم

عادي يالغالي

وانت شكلك فاهم كلمة كفيل خطاء هههههههههه
هم بس يقولون لك من المتكفل بنفقات دراستك ؟
مجرد سؤال ولايطلبون اوراق ولا شئ
عادي تقدر تقول انا او تقول الوالد في الحالتين الوضع تمام
بس اذا قلت الوالد تجيب شهادة بنكية باسمة واذا قلت انت تجيبها باسمك

بالتوفيق ان شاء الله

عادي لو المبلغ بحسابك وهو بيسالك اصلا من الي بيتكفل بمصاريف سفرك ودراستك تقوله انك انت وتعطيه كشف حسابك بالبنك
واذا معك كشف حساب الوالد تقوله الوالد الي بيتكفل بالمصاريف
هو بس بيتفرج بالكشف ٣ ثواني ويرجعه لك

وبس


الموضوع أسهل مما تتصور

وزي ماقال اخوي كنت احبك اهم شي ماتكون عاطل فترة طويله
وحاول ماتبينلهم انك مفصول عن العمل عشان ما يقولون ليش فصلوووووووك ؟؟؟؟؟؟؟؟؟

وبعد ماتكون سافرت للدول المغضوب عليها : سوريا اليمن ايران افغانستان السودان كوريا

والله يوفقنا وياك

الله يرفع قدركم ايه تعرف حسيت اني هندي لازم كفيل

وبالنسبة للعمل انا معاي شهادة خبرة عمل ومعناه اني مفصول

ولو مابينت لهم اكيد يبيون يقولون ليش كل هالفترة جالس

وانا جلست علطل بس بعد العمل حوالي خمس الى الظاهر سبع شهور

لاتخاف امورك تمام ان شاء الله

دامك معك ورق يثبت كل شئ معناة امورك في السليم ان شاء الله

بالتوفيق يالغالي