استفسار: بدرس على حسابي الخاص وبحول بعثه على الحكومه

سؤال حلو ومهم بس والله مادري وش اجابته واانا ودي اعرف بعد

ياغالي ,, انا بتكلم معك باللي يصير ,, مابتكلم بالنظام

النظام يقول لك تخلص اللغة و 30 ساعة بالجامعة

لكن اللي تعارف عليه

انك اذا رحت ( كندا - امريكا - بريطانيا - استراليا ) غاليا في خلال 6-12 شهر تنضم للبعثة

أما لو رحت أي دولة ثانية ,, فغالبا تنطبق عليك الشروط النظامية ..

أعرف واحد في بريطانيا ماعندو ولا واسطة خلص 8 شهور اللغة وانضم للبعثة
توكل على الله

يعطيك العافيه الغامدي

بس هذا مافهمت عليك >>لكن اللي تعارف عليه ؟؟

يعطيك العافيه منسك على المشاركه

دمتم

هلا حبيبنا

انا شخصيا داخل قبل سنتين على مدير عام البعثات وقال بالحرف الواحد بالنسبة للباكالوريوس يلزم انك تخلص اللغة و25 ساعة في الجامعة
واما الماستر فيلزمك اللغة و15 ساعة في الجامعة ويمكن انه فيه احد الحق قبل كذا ولكن لازم تكون عندك القدرة تكمل المشوار لو لاسمح الله ماوافقوا والا خلك هنا احسن لك انا اتكلم عن النظام دائما بما اني دارس انظمة لان الي يمشي بالنظام مايضيع

وتقبل دعواتي لك بالنجاح والتفوق وجميع المسلمين

هلاوالله اخوي

انا فاهم كل شي بس هذي 25 عشرين ساعه

يعني بس اول ماادخل الجامعه ادرس 25 ساعه

ولا في الفصل كامل في الاسبوع ادرس 25 ساعه

دمت بود

25 معناها ترمين تقريبا ..

بالمناسبه اذا خلصت اكثر من 8 شهور وحبة واسطه تنظم للبعثه ..

بالتوفيق .

أخوي أتوكل على الله وتعالى أدرس على حسابك وإن شالله بتنضم للبعثة
كل اللي أعرفهم وجو على حسابهم انضمو للبعثة بسهولة مع انهم مالهم غير 4 شهور يعني لسة في اللغة

السلام عليكم و رحمه الله وبركاته ..
أتمنى منكم مساعـدتي أخـواني
انا حاصل على شهاده دبلوم عالي من كليه العلوم الصحيه قسم صيدله و أرغب بأكمال دراسه البكالريوس على حسابي الخاص فالخارج في كلا من أمريكا وكـنـدا و الانضمام للبعثه
عندي بعض الاستفسارات :
- من وين احصل على القبول الجامعي ؟
- كم تكاليف الدراسه في أمريكا و كندا بالريال السعودي ؟ و اين منهم الافضل و الاسـرع في الانضمام الى البعثه تعرفون الميزانيه مش ولا بد
- اقدر احصل سكن مع شباب سعودين ولا مع عائله بس ؟
- كم سعر المواصلات ؟
تكفــــــــون ساعدوني لاني جاهل كثير بهالامـور .. ربي يجزاكم كل الخير
اخوكم : سلطان