توني طالع من السفارة الأمريكية.ساعدوني

السلام عليكم


بالنسبة لإجراءات السفارة

طلعت من البيت الساعه 7:30
ووقفت ليموزين وقلت له هي السفارات صديق
قال مافيه مشكل

ويشلع وأبو الشباب مسك طريق خريص قلت خلاااااااص تأخرت

وبوسط الزحمة ويمين يسار (انا عارف اني غثيتكم لكن تحملوا واحد شبعان نوم)

المهم وصلت الساعه 8 أو 8:05 يعني بهالحدود

ولما وصلت السفارة لقيت سرا طويل ووقفت معهم

وما وصلني الدور إلا الساعه 9:05


طبعاً بتقولون وش هالدقه لأني كنت متوهق وقلت خلاص راح الموعد


اكتشفت انا الموعد مش مهم لأنك بتدخل وتاخذ رقم وتنتظر

المهم وصلني الدور

وحصلت اعتقد انه سوداني

يشيك على أوراقك وترتيبها ويقول لك روح للشباك الي قدامك تسلمهم جوالك واي شي الكتروني مثل ريموت السيارة وخلافه.

وبعدها يحطون جوالك بظرف ويعطيك اياه وتوقف عد موظفه تتأكد من ترتيب أوراقك وتثبت صورك اذا انت ما ثبتها وتدخل داخل ويبدا الجد.


أول شي تنزل كل أغراضك وممكن نعالك (الله يكرمكم) وتمررها على الجهاز وتمر من جهاز تفتيش مثل المطارات

بعدين تشيل أغراضك وتدخل

وتلقى باب ثاني للتفتيش لكن ما تنزل أغراضك بس وتمر من خلال الباب وتشيله أغراضك وتدخل

تمشي على اليسار فيه باب تدخل معه

وتاخذ رقم وتنتظر دورك
لما يجي دورك تروح للشباك المحدد وتعطيه أوراقك ويتأكدون من البيانات وطريقة تعبيتك صحيحة ولا لا

وبعدين تقولك خذ رقم للمقابلة وترجع لنفس السكيورتي وتطلب منه رقم للمقابله

وتاخذ الرقم وتنتظر برضه


ويطلبون رقمك وتروح لرم الشباك ويقول لك حط يدك اليسار على الجهاز الالكتروني عشان ياخذون البصمات
وبعدين اليمين
وبعدين الإبهامين

وترجع تنتظر لحد ما يطلبونك مره ثانية

وتبدا المقابلة


طبعا المقابلة سهلة و ومن ورا الشباك

أول شي سألني اذا أعرف اتكلم انجليزي وقلته اعرف بس تكلم ببطء

قال اوكي

(طبعاً مضمون المقابله هو يسألك عن البيانات اللي معبيها للتأكد من صحتها فقط )

قال أول شي

ليش بتروح لأمريكا
قلت له: للدراسه


قال انت مختار ساوث كارولينا

قلت له الوزارة اللي اختارت مو انا

قال انت طالع منحه (سكولر شيب)

قلت له : يس


قال انت عارف الشروط بالنسبة للدراسه هناك
والدراسه لازمها جهد وتعب واذا بديت تتلاعب راح تواجه مشاكل قانونية وووو

قلت له: عندي خلفيه لأني قريت عن قوانين الدراسه في امريكا.

قال انت رحت للكويت كم مره

قلت له مرتين

قال ليش

قلته فيزت ماي كزن (زيارة لقريبي)

قال وين يعمل

(طبعا الكويتين كلهم بالجيش)



قال اوكي



قال لي انت وضعك تمام لكن كلم الوزارة وأكد عليهم انهم يرسلون اسمك لأنه مش موجود عندي في النظام

وقال تعال بعد اسبوعين الساعه ثلاث الظهر حتى تستلم الفيزا

لكن

أكد على الوزارة انهم يرسلون اسمك


وعطاني كرت اصفر فيه رقم الجواز

قال خلاص تقدر تروح

وطلعت الساعه 1:40 تقريباً تلفان على الأخير

وتعبان


وهذا اللي حصل اكتشفت ان الأمور سهله ولله الحمد
والله يوفق الجميع

أخوي saudnet11

أولا أنا رجال


لو سمحت يعني

patriot966

حياك الله

انا طلعت الساعه الواحده وأربعين دقيقه 1:40
(شكلك تقرا وانت طاير)

بعدين انا ما نمت ليلتها إلا ساعتين أو ثلاث

واكثر ما يقتلك الانتظار لأن التدقيق والمقابلة ما تاخذ دقائق معدودة
لكن تنتظر بالساعات

وأحب انصح أخواني اللي بيروحون للسفارة ياخذ معه كتاب ولا مجلة يقرا يقطع وقته بشي مفيد

وأخيراً
بالطايرة تقدر تنام شوي اما عندهم وين تنام وين ترتاح لأن أغلب الكراسي حديد
واشكرك على مرورك
وبالتوفيق