اربع ايميلات للقنصليه ولارد ؟؟؟

ما لك الانتظار .. هم اذا جهزوا معاملتك وتمت الموافقة عليها يرسلون لايميلك رسالة يطلبون منك ترسل لهم جوازك بالفيدكس علشان يطبعون عليه الفيزة

عزيزي هل راسلت السفارة بالرياض، أم القنصلية بجدة أو الظهران؟

لأني أراسل القنصلية بالظهران كل يومين ثلاثة!

وما شاء الله يردون بنفس اليوم، بس الردود نفسها نسخ لصق

فيجيك إحباط ، أحيانا أرسل لهم وأنسى إني أرسلت لهم وأكون فرحان ومستانس، شوي تجيني رسالة بالجوال إلا رسالة من القنصلية، صراحة في البداية أفرح وأقول إن شاء الله في جديد
افتح الرسالة إلا نفس الرد بالضبط، بعدها المزاج يقفل والوناسة تروح (:


الله يصبرنا، صبري بدا ينفد.

اخوي كم صار لك تنتظر وهل عطاك ورقة وردية مثلي وهل اخذ جوازك ؟؟

على حسب كلامك المفروض يعطيك ورقه ورديه او صفرى
اذا ورديه الموضوع يحتاج من 4 الى 8 اسابيع
واذا صفرى من اسبوعين الى 4 اسابيع

بس الرد مو مشروط عاد عطوك ورديه لو صفرا انشىاله سودا متى ماتحرو عنك وكل امورك سليمه بتشوف الايميل متسطر في الان بوكس حقك

بنسبه لانهم ماردو عليك بايميل هدا شي غريب لانهم يردو بسرعه الايميل الكلام عندهم جاهز وهوا هوا كوبي بيست ولي بعدو

حاول ترسل لهم من جديد يمكن غلطت بلايميل
ملاحظه : بمجرد انك ترسل للسفاره ايميل على طول بيجيك ايميل من عندهم انه ايميلك وصل لفرع السفاره الي انت رسلته محدد بالمنطقه ((للاتأكد انه وصل ))

انا ما أأيد اني ارسل للسفاره كل يومين احس مالها داعي , كل اسبوعين احسه كافي لان كذا ولا كذا ماراح يغير شي غير انك تقلقهم
متى ما سوو لك ابروف بيخبروك

تحياتي

باقي كم يوم وأنتهي من الشهر السابع وأبدأ بالشهر الثامن، ويوم المقابلة ما أعطوني شي، بس خذوا جوازي .

فيزا دراسة وله سياحة وهل سافرت دول مشبوها وهل في اغلاط في الابلكيشن وهل انت من قبيلة معروفة ويصير فيها تشابه اسماء وش تتوقع سبب تاخيرك

السلام عليكم

انا اخوي تقريباً بعد 4 اشهر طلعت فيزته وكنت اراسل القنصليه ونفس الرد كان يوصلني ولكن وجدت واحد من الاخوه هنا بمبتعث حاط ذا الايميل fmjvisas@state.gov

ويقول ارسلو لهم عشان يعجلون باصدار الفيزا وارسلت لهم وسبحان الله بنفس الاسبوع اصدرت الفيزا انا مااعرف هل كان ارسالي لهم هو السبب ولا صدفه ..

وان شاء الله تصدر فيزكم بالقريب العاجل ياارب وتتسهل اموركم