مساعدة هل مطلوب كشف الحساب ؟ لو سمحتم ممكن تساعدوني ؟

كشف الحساب (الشهادة البنكية) للدارسين على حسابهم الخاص
أو الضمان المالي للمبتعثين
أمر مهم جداً وربما يكون سبب لرفض الفيزا
لما يدل على قدرة الطالب بتحمل تكاليف السفر والدراسة والإقامة
أحرص على ان يكون معك شهادة بنكية
وتاكد ان المبلغ الموجود يكون أكثر أو ما يقارب المبلغ الموجود في الـ I-20
الـ I-20 يكون فيه مبلغ تقديري للمصاريف السنوية


انا عن موضوع السفارة
على حسب ما أرى وأسمع من الكثير
ان سفارة الرياض أسهل

بالتوفيق يارب
بالتوفيق يارب

ضروري كشف الحساب
وبماان حسابك ماله إلا شهر ماقدامك الا تخلي الوالد يسوي لك كشف حساب وشهادة بنكية بإسمه
وبالمقابله تقول الوالد هو المتكفل بمصاريف الدراسه

والمبلغ اللي بالشهادة البنكية اتوقع لازم يكون فوق ال٩٠ ألف

بالتوفيق

شكرا لك أخي العزيز والله يرزقك جنات النعيم

يعني كشف الحساب هو نفسه الشهادة البنكية !




- - - مشاركة محدثة - - -




والله يا اخوان كلامكم متناقض اللي فوق يقول كلام واللي تحت كلام
وش اسوي

كشف الحساب ضروري ومن الطلبات الموجودة في موقع السفارة واقل شي يكون لثلاث اشهر
وانا اشوف في مثل حالتك تاخذ كشف حساب للوالد ولا جيت تعبي الابليكيشن تكتب ان الوالد متكفل بالمصاريف

وافضل مكان لحجز موعد بالسفارة الرياض من ناحية قرب المواعيد
لكن اذا انت عندك وقت طويل ومو مستعجل عادي سويها بالظهران

يعطيك العافية يعني كشف الحساب مب نفسه الشهادة البنكية ؟
والله متوهق مقدر اسوي كشف حساب من الوالد لأن حسابه ما فيه الا 20 الف حاليا والشهادة البنكية فيها 70 الف ريال

أخاف يرفضون

لابد يكون فيه رصيد ومو شرط الوالد ممكن الوالدة او احد اخوانك

كشف الحساب يكون موضح في حركة الحساب خلال الفتره الي مستخرج عنها الكشف ايش سحبت وايش اودعت
اما الشهادة خطاب من البنك يشهد فيه ان حسابك في تاريخ اخذ الشهادة كان فيه مبلغ كذا

الله ييسرلك

الله يجزاك خير ~ !

لك دعوة مني في صلاة التراويح ي أخ بدر ^^

الشهادة البنكية = عبارة عن ورقة واحدة توضح تاريخ فتح الحساب والرصيد المتوفر عند طلب الشهادة
كشف الحساب = هو كشف تفصيلي لكل عمليات الدائن والمدين داخل الحساب خلال المدة التي يحددها صاحب الحساب

بالتوفيق يارب

يعطيك العافية !

طيب لازم يكون في كشف الحساب رصيد معين ؟ ولا عادي أهم شي يكون فيه فلوس

يعني بالاحرى هم ليش يبون كشف الحساب ؟