تعالوا شوفوا سالفتي مع السفاره .... الله يستر

هلا اختي مسافره

مشكووووره قبل كل شي على الرد

انا بتصل وبتابع معاملتي بس على السفاره الامريكيه بالرياض

لاني هناك رحت قدمت طلب التأشيره

تسلمين مره ثانيه

اختي .ice. اذكري ربك وهدي اعصابك ماحصل الا الخير عادي هذي اجراءات روتينيه نفس الي حصلي وانا الحين ولله الحمد جواازي مفيز انتظري اسبوع ودقي ع السفاره بالرياض خوذي رقمهم من الاستعلامات واشرحي لهم وضعك وان شاء الله بيقولون لك جيبي جوازاتكم نفس الكلام الي قالو لي وبالنسبه للي يعطون الفلوس للفيديكس هذولا ناس مو من اهل الرياض يعطون الفيديكس الكرت حق الجواز عشان اذا طلعت جوازاتهم يوصلونها الفيديكس لهم في المكان الي هم فيه زي ماقلت لك انتظري منهم اتصال بعد اسبوع او خليها اسبوعين اذا شفتي انهم مادقوا انتي دقي ع السفاره الي بالرياض واشرحي لهم وضعك وان شاء الله بتسمعين الي يسرك وبالتوفييييييييييق ,,

وهذا رابط الموضوع حقي عشان تعرفين اني نفس حالتك طبعا هذا قبل ماتطلع فيزتي اقري الرد الرابع حقي ,,

http://mbt3th.us/vb/showthread.php?t=38944

وهذا موضوع ثاني قلت فيه مشكلتي اقريه عشان تتطمنين ,,

http://mbt3th.us/vb/showthread.php?t=37177

اخوي MaLoOoOoKe

اولا وقبل كل شي احب اشكرك شكررررر كبيرررررررر جدا على كلامك الطيب اللي طمني وريح لي بالي شوي .

وحابه اقول لك وش صار معي .

انا اليوم اللي هو الاحد صار لي اسبوع من قدمت طلب ع الفيزا اللي المفروض على كلامهم تخلص اليوم .

دقيت عليهم ورد علي واحد وقلت له ابغى اتابع معاملتي واشوف الفيزا خلصت او لا

قال لي عطيني رقم جوازك وعطيته .

قال لي : الى الان طلبك تحت الانتظاااار !!!!!!!

قلت ليه طيب انتو وعدتوني اني استلمها اليوم .

قال لا زي ماقلت لك طلبك للحين تحت الانتظار ومتى ماخلصت حنا راح نكلمك انتظري .

قلت له طيب ليه رجعتوا الجواز ماخليتوه عندكم .

قال لان الاجراءات راح تطول .

قالوا لي بالسفاره كلام ولما كلمته الحين هذا قال لي كلام مغاير تماما.

بس ارجع واقول كل تأخيره فيها خيرررره والصبر من عندك يارب



مشكووور اخوي مره اخرى

طيب والله عادي لايضيق خلقك ماتدرين وين الخيره فيه انا اجراءات فيزتي اخذت شهر وزياده تقريبا عادي مالك الا الصبر والدعاء , فيه دعاء من تجربه شخصيه والحمد لله بعد ماداومت عليه تيسرت اموري هذا هو ( اللهم ياودود ياذا العرش المجيد يامبدء يامعيد يافعال لما تريد اسألك بنور وجهك الذي ملأ اركان عرشك وبقدرتك التي قدرت بها على جميع خلقك وبرحمتك التي وسعت كل شي " تقولين حاجتك" بعدين اللهم يامغيث اغثني 3 مرات وتصلين ع الرسول صلى الله عليه وسلم 10 مرات ) داومي على هالدعاء في كل صلاة وان شاء الله ربي بيفرجها ,,

MaLoOoOoKe تسسسسسسسسسسسلم ياربي

سؤال سريع ياجماعه انا حصل معاي نفس ماحصلك يا ICE بالضبط ولي الان شهر ولسا ما كلموني و نفس ما حصل معاك اعطوني انا و مرافقي الجوازات وقالو المرافق خلال 6 اسابيع بس الفرق بيني وبينك ان مرافقي بيدرس ولسا ما جاب الـ I-20 فأعطونا ورقة صفراء و الجوازات وقالو باي.. قلنا اوكي
سؤالي يااهل الخبره : لما يتصلون علينا ويقولون تعالو هل ياخذون الجوازات؟ بمعني اخر هل يستغرق استخراج الفيزا وقت زياده عن الــ 6 اسابيع اللي انتظرناها في البدايه ؟

الله يعينكم على هالشغلة..

ماشاء الله تبارك الله في هذا الملتقى كل من لديه مشكلة يجد لها حل معكم بارك الله فيكم