حياكم الله يااخوان ونبدء الحلقة الثانية والاخيره من مسلسل التقديم
طبعا التاخير حق السوداني يوم رجعني لان اللي حل بدالي برضوه واحد يماني ويبي يدرس على حسابه الخاص وفي ميامي
واللي يصرف عليه ابوه ولكن صاحبنا مااقتنع في الكلام وقاله فيزتك تحولت اجراءات ادارية ممكن تاخذ شهر
عاد انا قلت الحمد لله ماجيت مكانه يمكن في هاذي اللحظه استقعد للي بيجي
وجا زوج وزوجته رايحين سياحه ونفس الاسئله وين بتروحون كشف حساب سبق وان سافرتم امريكا من هالكلام ثم قالهم اهلا وسهلا بكم في امريكا
تستلم جوازك والفيزا بداية الاسبوع الجاي <=== عاد يوم اسمعها انا اقول يالله اني على بابك ياكريم
وماسك معي دعاء اللهم اكفنيهم بما شئت
وفي هاذي الاثناء فتح شباك رقم 3 وشباك رقم 2 وهم للمقابله واحد لبناني والثانيه حرمه بس ما الله كتب اني اطالع في خشتها
عاد الغامدي لي سالفه معي برى الرجال جاي من ينبع وموعده الساعه 8 ونص وواقف في اخر الطابور برى ويوم رجعني السكيورتي السوداني
مزحت عليه وانا راجع من الامام القط خشتي قلت معقوله رفض الفيزا من برى وش ذا التعامل عاد هو ماصدق قال امانه طردك وش قالك
قلت قالي انت مالك فيزه اطلع من الطابور المهم انفجع
وحنيت عليه وعلمته على طول قلت الصدق رجعني عشان موعدي الساعه 8 وقال لي السوداني ارجع ورى واصبر شوي
المهم هدأت من روعه
نرجع للدعاوي اللي في قلبي
ماقول غير اللهم اكفينيهم بما شئت
المهم استلم الناس شباك 3 ونادى واحد وسئله كم سؤال ثم عطاه ورقه حمراء ول ول عليك يابو لبنن
وخويي ابو شباك اربعه مشى يمكن 3 وكلهم الاسبوع الجاي تستلمون الفيزا
عاد الدعاوي تغيرت عندي صرت اقول يالله لاتحطني الا عند شباك اربعه
المهم خلصوا اللي قبلي كلهم وجاء دوري وشباك اربعه عنده وحده رايحه سياحه نيو يورك
وشباك 3 و 2 فاضيه قلت طحت ياحبيبي ولا احد سمى عليك بس طحت في واحد منهم وكلهم من ملاحظتي
يكثرون الاسئله ويبونك تغلط على كثر مامر ماشفت واحد قالوا له الاسبوع الجاي فيزتك يا يرجعون له اوراقه ولا يعطونه ورقه حمراء
المهم الحين مابقى الا انا والغامدي من القدماء <=== تكفى
وانا مافيه الا يارب عند شباء اربعه فتح المايك شباك ثلاثه وانا انتظر اسمي قلت خلاص مافيه فيدكس
الا يزهم الغامدي قلت حلوه واحد جلا ويروح له صاحبنا المهم سؤال واثنين وعطاه الورقه الحمراء
ول ول ول المشكله شباك اربعه طول مع اللي عنده شوي الحين شباك 2 فتح المايك ونادت وحده جات بعدي
قلت الحمد لله فكه
في هاذي الاثناء واحد نشب لشباك سبعه يبغى يسوي مقابله مرتين بايصال واحد حاولت تفهمه مايفهم
قال عطيني جوال بكلم البيت بشوف الايصال الثاني فيه المهم عيا يروح يقول مو شغلي انا مو لعبه عندكم
عاد اقول في خاطري والله لو لقوه ماتشم الفيزا ماعلينا
رجعنا لابو 3 وفتح المايك والله اني بقوم له خلاص قلت هي من بدايتها ارجع ورى وصف على جنب كملت
الا ينادي واحد واخته وورقة حمراء اخرى
المهم سحبوا من المتقدمين اللي جو بعدي يمكن 5 وانا للحين ماجا اسمي
الا وشباك اربعه يفتح المايك وينادي بأسمي وانا اقمز بغيت اسدح الكرسي من الفرحه
وطبعا بدأت الكلام ب أسعد الله صباحك مع ابسامتة الخبث والفرحه في ان واحد
والله لم يسئلني الا اربعة اسئله
اين ستدرس اللغه
ماذا بعد اللغه
ماستر اوووه في نفس تخصص البكالريوس
عاد انا مسوي خطير قلت عندي مني اوبشنز عربي مع انجليزي
قال من بيصرف عليك قلت له تمويل ذاتي انا بصرف على نفسي
قال كشف حساب وادفه بشهادة بنكيه من الوسام حقت البنك الاهلي
والله ماطالع فيها الا قال اهلا بك في امريكا وتستلم فيزتك بداية الاسبوع القادم
وانا من الفرحه بغيت اروح فيدكس بدون الورقه هههه
ودفعت الرسوم فقال لي موظف فيدكس تريد الجواز تستلمه وين قلت يارجال لو في طبرجل ولا الحدود الشماليه اهم شي يجي
ثم استدركت الوضع وقلت فرع حي البوادي
ثم خرجت مع الباب واذا بشابين سعوديين في مواجهتي فقلت لهم ادعوا الله تطيحون في شباك اربعه
مع ابتسامه ليست خبيثه
وانا امشي كل شوي اطالع في ايصال فيدكس ماني مصدق
وانتهى التقرير اتمنى ان يفيدكم
طبعا الاوراق المهمه هي الاي تونتي مهم حتى لو صوره لانه لايطلب الاصل لانه يعطل الفيزا بدرجه كبيره
رسوم سامبا ورسوم السيفس وكشف الحساب والورقه اللي فيها الصورة واالباقي ليس له اهميه
المكني November 20th, 2012, 03:11 PM
LinkBack URL
About LinkBacks
November 20th, 2012, 11:09 AM
نبدء بسم الله الرحمن الرحيمطبعا كان موعدي الساعه 8 صباحا ومن زود الفضاوه اللي عندي جيت مبكر جدا وصفيت سرى على الساعه 6 ونص وكنت الثاني في الطابور
طبعا جاك السكيورتي السوداني ومعه كشف الاسماء واول اثنين في الطابور واحد واخته وكانوا من الجنسيه اليمينه يبون فيزه دراسيه في امريكا شيك عليهم وقالهم تفضلوا
طلعت جوازي قالي الاخ السوداني متى موعدك قلت الساعه 8 قالي معليش ارجع اخر الطابور ( رب ان تكرهوا شيء وهو خير لكم ) قلت خلك ديمقراطي مثل دولة السفاره استحى مني
وقال لي : شوي واناديك خلك قريب قلت له حاضر
المهم شوي ويناديني ويحط قدام اسمي صح قال خذ ظرف وحط فيه كل شي ماعدى اوراقك وفلوسك يعني مفتاح جوال ساعه طبعا انا ما معي الا مفتاح السياره فقط
وفلوس فيدكس <=== واثق الاخ من الفيزا
جاء دوري ودخلت وقابلني السيكيروتي البنقالي قال حط كل ماعندك في السله ودخلها جهاز زي حق المطارات ودخلت مع باب الجهاز واطلق الانذار وقالي صف على جنب <=== وش قصتهم معي كل واحد يقول خلك على جنب
المهم الحذاء الله يكرمكم فيه حديد وهو اللي سبب ازمه فتشني بجهاز يدوي ثم قال قو هيد قلت له تكفى
وعلى طول عندك وحده فلبينيه تاخذ الظرف اللي فيه متعلقاتك من مفاتيح وخلافه وتعطيك رقم وتقولك توكل على الله مع الباب
المهم دخلنا مع الباب ممر ضيق ثم باب اخر عنده حارس طبعا بنغالي فتحت لي الباب وضحكت في وجهه وقلت له هواريووو طبعا مارد مسوي نفسه مهم
مشينا مع طريق اسفلتي مرسوم عليه ممر باللون الاصفر والابيض متعرج يوصلك عن باب اخر وعليه حارس بنغالي او هندي المهم من طقت الاوردو
فتح الباب عاد ماقلت له شي تعلمت من اللي قبله حتى ابتسامه مافيه
تمشي شوي وتلقى باب زجاج يمكن بعد 5 متر تفتحه تلقى حارس بنقالي ياخذ ظرف الاوراق اللي معك يضغط يفتشه يشوف داخله شي غير الورق وتدخل مع جهاز زي حق المطارات كل شي اوكيه
يعطيك رقم وتدخل الانتظار حق شبابيك المقابلات والتدقيق طبعا جلت اول صف قدام الشبابيك وارمق كل الموظفين بنص عين بشوف الكويس بدعي الله اني اكون عنده طبعا الساعه الا تقريبا السابعه صباحا
المهم كان فيه شباكين بس مفتوحه اللي هي رقم واحد ورقم ستة المهم شوي الا رقمي على الشاشه رقم 92 رحت شباك واحد قلت له اسعد الله صباحك قالي وصباحك
المهم الشخص من ذوي البشره السوداء عطيته الاوراق قالي ليش رايح امريكا قلت دراسه قال جيت قبل كذا هنا قلت لا قال اكيد قلن يس قال بصمت قلت لا قال اكيد قات يس
المهم طقطق على الجهاز قال حط اصابعك الاربعه على جهاز البصمه ليدك اليسرى ثم اليمنى ثم الابهامين كل شي تمام نعم خلاص استريح حتى ينادون عليك لعمل المقابله
انتهت المرحلى الاولى وجلست طبعا مقابل الشبابيك في الصف الاول للمراقبه
فتح الشباك رقم 5 ورقم 7 وكلهم للتدقيق فقط
وبعد قليل فتح الشباك رقم 4 وهو للمقابله ويلبى والله هالخشه المهم نادى اول واحد بالاسم اللي هو اليمني واخته
سئلهم كم سؤال بالعربيه الفصحى ويعطيك سؤال بالانجليزي ويكمل بالعربي
من ضمن الاسئله في اي ولاية تدرس وفي اي مدينه وماذا سوف تدرس بعد اللغه من سوف يصرف عليك اعطني كشف الحساب ولغير السعوديين اين سوف تعمل بعد التخرج
وهل لك احد في امريكا ثم وافق على طلبهم واعطاهم الورقه اللي فيها الصوره وقالهم اهلا وسهلا بك في امريكا وسوف تكون فيزتك جاهزه على الاسبوع القادم
كل هذا وانا في الصف الاول وارمق الشبابيك والاسئله والمتقدمين
التكمله ان شاء الله بعد قليل وقصة الدعوه وشباك 4 وشباك 3 والغامدي وشباك 7 وضياع وصل سامبا
انتظرونا