هذي قصتي مع السفاره الأمريكية وأي سؤال بخصوص الفيز حنا حاضرين

February 23rd, 2008, 07:55 AM

كيفكم اخواني المبتعثين والمبتعثات؟

راح ابدأ في قصتي من غير أي مقدمات لأنها طويييييييييييييييله.. المهم دخلت على موقع السفارة وأخذت موعد بتاريخ 11 فبراير .. طبعنا أنا وزوجي كل الاستمارات المطلوبه وعبيناها وصورت كل شهاداتي والاي توني وجبنا الشنطه الدبلوماسي اللي فيها كللللل أوراقنا الرسميه عشان ما ننسى شي بس طبعا في السياره ما دخلناها السفاره ( أنواع الحماس )
موعد المقابله كان الساعه 8:30 الصباح بس حنا رحنا هناك من الساعه 7 طبعا ولقينا طابور طوييييييييييييييييييييييييل لين ما نوصل للتفتيش.. المهم وقفنا هناك تقريبا ساعتين يعني الساعه جت 8:30 وحنا واقفين في الطابور وواحد سكيورتي واقف ولابس نظاره سودا كنه ماتركس ويزعق علينا كل شوي ويقول There is nooo wastah مادري وش مشكلته مع الواسطه؟؟ المهم وصلنا عند التفتيش الحمدلله وسألنا الموظفه اذا في مشكله لأننا تأخرنا على موعد المقابله قالت لا ما في مشكله أصلا الموعد اللي تاخذونه معي عشان توصلون عند الباب وأشيك على أوراقكم قبل لا تدخلون السفاره.. يعني انتبهوا أوراقكم لازم تكون كلها كامله
النماذج للمبتعث والمرافق 56 57 58
طبعا الحرمه ما يحتاج تعبي نموذج 57
الآي توني
الضمان المالي
الجواز وصوره ملونه
ايصال دفع السيفيس
صور 5x5
ايصال دفع رسوم التأشيره من سامبا
انتبهوا لازم تكون كلها كامله ولا بترجعكم تكملونها قبل لا تدخلون .. الصور ودفع سامبا تقدرون تسوونها في استوديو في نفس حي السفارات يسوونلكم الدفع عن طريق الانترنت وتعطيهم ا لرسوم كاش اذا مادفعتوا تدلكم الموظفه على مكان الاستوديو وترجعونلها لأنها صارت معنا
الصور بالنسبه للمبتعثات لازم يكون خط الشعر واضح ولابيرجعونكم ويخلونكم تسوون صور من جديد
اخيرا دخلنا السفاره وانتظرنا لين ما يجي رقمنا والمقابله.. يوم شفنا الرقم على الشاشه قمنا للكاونتر وقامت تسألنا اسئله عاديه وبعدين قالتلي اني ما اقدر احصل على فيزة طالب لأني مولوده بأمريكا ولازم اروح لمكتب المواطنين الأمريكيين واطلع جواز وبالتالي زوجي وولدي ما يقدرون يحصلون على فيزة مرافق طبعا طلعنا عشان اجيب شهادة الميلاد تبعي ودقيت على أبوي وسألته عن مكان الأوراق وكنت لازم أرجع الساعه 1:30 الظهر عشان اعبي طلب الجواز واعطيهم الأوراق المطلوبه .. المهم انا رجعنا السفاره وعطيتهم الأوراق ولقوا تضارب في الأسماء مابين الأسم الموجود في اثباتي والوثيقه والجواز السعودي والآي توني والأسم الموجود في شهادة الميلاد لأنه كان موجود فيه اللقب الأول فقط (الفخذ) وأوراقي الثبوتيه فيها الفخذ والقبيله وطبعا شهاداتي القبيله فقط فقالوا لازم تثبتين ان الشخص الموجد اسمه في الآي توني ووثيقة التخرج هو نفسه الموجود في شهادة الميلاد طلعت من السفاره وقمت ابكي كأني بزر وزوجي يقول سهاله سهاله ( هو مسوي فيها عادي والله ان وجهه أنواع ضيقة الصدر)
طبعا ابوي في جوازاته القديمه مره يستخدم اللقب الأول ومره يستخدم القبيله يعني أنواع الفلللله
رحت مكتب ترجمه معتمد عندهم وترجمت بطاقة العايله والسجل المدني تبعي ( برنت طلعته من الأحاول المدنية لأني مضيعه بطاقتي الأحوال ) وجبته لهم ثاني يوم
اخذوا كل أوراقي وقالوا تجين تستلمينه بعد عشر أيام
المشكله الحين زوجي وولدي لأنه سألهم قالوله ماتقدر تطلع قرين كارد بسرعه هذي اجراءات تاخذ وقت طويييييييييييييييييل تقدر تدخل انت ووللدك بفيزا سياحيه طلعت وأنا ضايق صدري
طبعا انا ماصدقت البريطانيه اللي قالتلي ما تقدرين تمنحين ولدك الجواز الأمريكي لأن اللي اعرفه ان الولد يتبع الأم اصلا مادري وش جايب بريطانيه في سفاره أمريكيه مالت عليها
ويوم سألت وحده معي في الدوام أمريكيه قالت ماعليك منهم انتي لادخلتي هناك وجاب زوجك مايثبت إقامته بأمريكا يقدر يطلع القرين كارد وولدك طبقا للنظام مواطن أمريكي طالما أمه حامله للجواز الأمريكي مالت على مواطنتهم وديرتهم
هذي هي قصتي مع السفاره المريكيه ومعليش طولت عليكم بس حبيت اشرككم في تجربتي وأي سؤال بخصوص الفيز أو المقابله حنا حاضرين للطيبين

• نشر عبر تويتر
• نشر عبر فيسبوك
• نشر عبر جوجل