((تجديـــــــــــــــــــــــــد)) الفيزا الامريكيه

أخـوي مـبـتـعـث مـروق !!

إجـراءات تـجـديد الـتأشيرة الأمريكية , هي نفسها إجراءات إصـدارها لأول مـرة من نماذج وصور شخصية ورسوم , بس لاحـظ الـتـالي :-

** إذا الـقـبول اللي معاك بـنـفس رقـم SEVIS فما يحتاج تـسدده مـرة ثانية .

** بما إنك بتـجدد فلازم تحضر معك سجلك الدراسي من الجامعة أو المعهد اللي درست فيها قبل .

** تحتاج تمر وزارة التعليم العالي - إدارة البعثات - علشان تستلم الضمان المالي الموجه للسفارة الأمريكية .


وبالـتــوفـيــق عـزيـزي @@@@@@@@@@

عزيزي MaMdOuH اشكرك جدا على الاجابة الفوريه وماقصرت

اللي فهمته بما اني راح ادرس الماجستير في جامعه ثانيه يعني ان I-20 لها رقم SEVIS مختلف!!!!!
لكن سمعت ان بالتجديد مايحتاج اسدد ال SEVIS وهذا الذي اثار تساؤلي الحقيقه..

يعني احتاج اسدد للسيفس + رسوم تجديد 380 ريال عن طريق السامبا+ 45 ريال لحجز موعد بموقع السفارة ؟؟؟؟؟ مو ناقص الا نجيب لهم فطور وحنا رايحين السفاره

طيب انا جددت جوازي لان كان باقي له 9 شهور وينتهي, هل احتاج ان احضر الجواز القديم للسفارة مع ان الفيزا منتهية ( الجواز القديم لم استلمه من الجوازات عند التجديد) وهذا آخر سؤال عندي واذا في اي ملاحظات على اللي قلته تعليقاتكم دائما في محل تقدير وامتنان

والله يعطيكم العافيه.... وينكم مارديتوا علي خخخخخخخخ

واللـــــــــــــه معك حق !!!!!

يـا أخ مـبــتـعـث مــروق ,,

حـصــل عــنـدي خــلــط الله يــحـفــظـــك ..!.!.!

بـخـصـوص الـ SEVIS الـجـديـد .. فـيـه طـريـقة تـجـنـبـك تـسـدده مـرة ثـانيـة

وهـي إنــك تـرســل إيميـل وتـعـنـونه " Transfer " إلى fmjfee.SEVIS @DHS.gov .., وتـطـلب منهم يحولون لك الـ fee الى الرقم الجديد , وتضمن رسالتك إسمك بالكامل وتاريخ ميلادك ورقمي SEVIS ID القديم والجديد .

وقـبل ما تسوي كل هـذا , انا انصحك وبشدة ‘نك تسـتفـسر من السفارة الأمريكية بالرياض أو جدة على :-

riyadhniv @state.gov

Jeddahvisas @state.gov

** جـمـيع الإيميلات بدون مـسافة بين @ والحرف اللي قبلها من اليسـار


أو ايضا تستفسر عن طريق الايميل اللي عطيتك ايااااه فووق , , ,


والـعــذر والـسـمــوحــة يا أخــوي @@@@@@@@@@@

أخوي MaMdOuH يا جعل الله يسلمك والله انك شقردي

ان شاء الله سوف تصل ال I-20 قريبا و سأرسل ايميل على العنوان اللي ذكرته مع ارفاق رقم ال SEVIS القديم والجديد
وسوف أتأكد من ان بحثي في هذا الموضوع يليق بأهميته...حتى أصل الى نتيجة جميلة ومن خلال ذلك سأوصلها الى جميع من عنده استفسار عن تجديد الفيزا بمشاركة بموضوع (((وفر على نفسك فلوس السيفس))) وكذا نقدر نوفر قرشين لليوم المنيل بستين نيله يكفي الكل في هذي الديره يزود اسعار على كيفه بشعار " ادفع وانت ساكت"...

مااقدر اقول الا

بسنــــــــــــــــــــــــــــا فلوس يا سعد


الف شكر وعساك عالقوه

ادري الموضوع صار له مليون الى ربع وكود انك تخرجت ورجعت ان شاء الله .. بس اذا ماعليك امر تفيدنا وش الهرجه حقتهم تكون فكيت عوق مسلم

الله يوفقكم يارب

- - - مشاركة محدثة - - -

بس اخواني الله لا يهينكم عندي كم استفسار ...

ايش وضع الي الI-20 مكنسل ؟؟

يحتاج يطلع فيزا ؟؟