هل المقابلة بالعربي في السفارة الاميريكية تؤثر على حصول الفيزا

ابد يا اخوي اذا تقدر تتكلم بالانقليزي احسن واحسن ,,
اذا ماتقدر قول انا ماقدر اتكلم بالانقليزي اما ان الي يسوي معك المقابلة يكون يعرف عربي او يجيب مترجم !
انا يوًم اسوي المقابلة قالت تبي انقليزي ولا عربي , قلت الي تبين , وسوتها بالانقليزي , مع الوقت اكتشفت انها تعرف عربي احسن مني !!
وعادي ما اعتقد انها تأثر على نتائج المقابلة بشكل رسًمي !

عادي هم بسألونك تبي انجليزي ولا عربي ماش ترى الأمور سهله بإذن الله

اخوي ما في اي مشكله سواء انجليزي او عربي الي يريحك

ما لها اي اثر على نتياج المقابله اذ شايف نفسك غير متمكن من الانجليزي اطلب المقابله بالعربي

الله يوفقكم أنشاء الله في الدنيا والاخرة يا رب ياكريم

ريحتووووووووني

يا ريح ما يهزك جبل.
يالغالي هو ونها وتهون المقابله عادي ما تفرق عربي انجليزي اهو شىء لا تجاوب شىء ما تفهمه.
يعني اطلبها بالعربي افضلك لان الاجاباته مهمه انا لغتي طيبه لكن الللي سوا معي المقابله كان يتكلم عربي وانا كنت اجاوب انجليزي هذا اول سؤال وبع كذا قلبت الوضع شبابي حسيت اني امون قلت شكل القنصل يبي يسوي تطبيق للغته العربيه قلت خليني اساعده المهم اني فليتها معها .
اهم شىء ركز على ما يلي
اذا كان عندك سفريات للدول المغضوب عليها لازم تعرف السنه اللي سافرت فيها للدول وخل اجابت واضحه انك سافرت للسياحه.
احيان يكون عند الشخص فتره انقطاع عن الدراسه مثلا حذف ترم او سنه امتياز او برنامج صيفي او فترت انتظار وظيفه بعد التخرج؟ راح يسؤلونك وين كنت هذي الفتره.

اي مكان في امريكا وفي السفارة لك الحق في انك تتطلب مترجم يترجملك وفقكم الله ولذا فان المقابلة اختر نوعها انت وركز

والله يالغالي مثل ماقالو لك الشباب ماتفرق لكن يفضل انك تخليها عربي احسن من انك تبتلش وتقول كلمه غلط او شي

وثاني شي احب اقولك ان الفيزا حقتي طلعت خلال خمس ايام فقط ومقابلتي كانت بالعربي
وما اعتقد فيه احد طلعت فيزته بالسرعه هذي خمس ايام <<<<<<<< امه داعيه له

للة يطمنكم ياخوان المقابلة لية كانت كابوس

مالها علاقة نهاااااائياً

سألني عربي او انقليزي قلت اي شي قام تكلم عربي "فصحى"

ومشت اموري تمام ولله الحمد

وقال بالحرف الواحد

كـُلُّ شيءٍ تمام, وستصدر تأشيرتك بعد اسبوعين..

قلت اسبوع؟

قال اسبوعين او اسبوعين ونصف..

يعني مشت الامور تمام مثل مانت شايف مع انه كان يتكلم عربي

وهو امريكي طبعاً

فلا تشيل هم من هالناحية ابداً ..

بالتوفيق للجميع..