الأعضاء الإشتراك و التسجيل

الملتقيات
ADs

انا لا اثق فيك ... و لا اعلم ماذا سوف تفعلين في الولايات؟

انا لا اثق فيك ... و لا اعلم ماذا سوف تفعلين في الولايات؟


NOTICE

تنبيه: هذا الموضوع قديم. تم طرحه قبل 6466 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية نبض المشاعر
    نبض المشاعر

    مشرفة سابقة في دول أمريكا

    نبض المشاعر السعودية

    نبض المشاعر , أنثى. مشرفة سابقة في دول أمريكا. من الولايات المتحدة الأمريكية , مبتعث فى السعودية , تخصصى Student , بجامعة San Francisco State University
    • San Francisco State University
    • Student
    • أنثى
    • San Francisco, California
    • الولايات المتحدة الأمريكية
    • Mar 2006
    المزيدl

    July 16th, 2006, 01:41 AM

    في البداية ارحب بالجميع ...
    وحبيت اشكر الغالية وعسل قلبي المسافره على المبادرة الحلوة واللطيفة .. و من قلب فرحت لما قرأت موضوعها .. واشكر كل يلي ردوا على موضوع المسافره وتمنوا لي التوفيق و تيسير امور المقابلة ..

    اليكم ما حصل لي بالتفصيل الممل ( عشان التنبيه : كل انواع تعاسة الحظ حصلت معي .. انت بس اتمنى وراح تلقى في موضوعي )
    .................................................. .....

    على الساعة 6 و عشر دقايق صباحا وصلت مطار اللملك فهد الدولي في الدمام اني والوالده .. ورحنا عند الكاونتر عشان نطلع البوردينغ .. والموظف قعد يراجع اسماء يلي في التذكرة وبطاقة العائلة ( هذا اول تعاسة الحظ) طلعت الوالدة غلطت بالتذاكر .. بدل ما تاخذ معاها تذكرتي وتذكرتها اخذت .. تذكرتي وتذكرة اخوي ... هههههههه عليكم تتخيلو الوضع .. بأن بوابة الطائرة راح تقفل بعد نص بالضبط .. يعني سواقنا يبغى له مو سيارة يوكون يبغى له فراري او جاغوار عشان يرجع القطيف وياخذ التذكرة من البيت ويرجع المطار ... لكن سواقنا البنغلاديشي الحليو بيضها اخذ له ساعة الا ثلث حتى يرجع المطار .. وكان خلاص الساعة 7 و45 دقيقة يقفلون البوابه .. وكان وقتها السواق بعده ما يوصل ( عاد هنا طلعت انواع الشجاعة :110: عند نبض وقلت لأمي .. 2 دقيقتين اذا ما وصل السواق راح اروح الرياض ( السفارة) لوحدي .. و قلت للوالدة اذا حصلتي رحلة بعدين عاد تعالي واذا ماحصلتي .. خلاص اني يلي راح اخلص اموري كلها في السفارة وراح ارجع وحدي .. عاد الوالد قالت اوكي ( وعيونها شوي بتدمع ) عملت فيلم مصري ..كخخخخخخخخخ... ورحت على طول عند البوابه وعطيتهم التذكرة ..
    وسألت اللبناني يلي عند الطائرة : متى تقفلون ال Get اخر شي ؟!( سؤال مله له امه داعي بس لقافة .))
    قال لي : ليش معك احد تاني ؟
    قلت له : وانواع التمسكن ( تعرفوا البنات لما يعملوا روحهم مساكين > قلت له الوالدة نسيت التكيت وهي تنتظر التكيت يوصل .. سألني : بتاخذ شي اكثر من ربع ساعة ...
    قلت له : لا مو اكثر .. بالكثير 7 او 10 دقايق هي واصلة ..
    قال لي اوكي : استريحي..
    وتركوا ال البوابة مفتوحة عشان سواد عيون نبض .. ووصلت الوالدة و ركبنا الطائرة على خير ..
    و وصلنا الرياض .. وبعدها وصلنا حي السفارات الساعة 8 وربع بالضبط .. وتقريبا كان في طابور ( عدد الأشخاص اممممممم تقريبا 20 او 23 شخص ..) وبعدها وصلت عندي النافذة وتأكد الهندي انه معاي appointment at 15 july وخلاص تأكد وطلع اسمي مسجل .. واول ما دخلت السفارة طبعا فتشوني مرتين .. وكل ما اروح مكان يسأللوني ايش راح تدرسين ( فضوليين من جد ) اتوقع كل يلي في السفارة عرفوا ايش تخصصي ..ههههههه:120:
    واخذت رقم عشان التأكد من الأوراق والأبلكيشن الخاص في الوزارة .. وكان رقمي (54) وعاد يا ليلك ما اطولك .. وراسي وجعني من كثر ما اسمع صوت الجهاز يلي طلع لك الرقم يلي بعده للمراجعين ( للحين اسمعه في اذني كخخخخخ ..)).. وبعدين شفت كل واحد يدخل بعدي يعطوه رقم اقل من رقمي (54) في ناس دخلوا بعدي بنصف ساعة و الهندي يلي واقف يوزع ارقام عطاهم رقم في الثلاثينات .. ناديت الهندي ... وقلت لو وسمحت .. وش السالفة ... اني رقمي في الخمسينات وللحين ما وصل دوري وفي ناس دخلوا بعدي بنص ساعة عطيتهم رقم وهم اللحين جالسين يشيكوا اوراقهم عن الكاونتر .. ليش احنا وين قاعدين هذي سفارة ...
    الهندي مسكين شافني قال شكلها هذي راعية مشاكل :121: .وسكتني وعاطني رقم 37 .. هههههههههه . ورحت على الكاونتر 2 والسورية شيكت على اوراقي وكان كل شي تمام .. اوراقي كلها كاملة بالتمام والكمال .. عاد اني انبسطت من قلب .. ورحت دفعت عن الكاشيير ..
    وهذا اخلاقه في خشمه زفت ... بالغلط بدل ما اعطيه جوازي والأي توني رحت عطيته الفلوس 380 ريال ( مستعجلة البنت على الدفع ) راح عصب علي وقال لي لاااااااااا .. اني اللحين ابغى الباسبورت والأي توني .. ( قلت في قلبي .. طيب وراك اكلتني .. ) هذا واني ابغى اربحكم > ودفعت وخلاص .. وعطاني رقم المقابله interview .. وهنا صعقت ..

    تدروي رقم كممممممممممممممممممم:


    77 ..:108: على بالي كان يمزح وهو يعطيني رقم 77 .. وقلت يمكن ماهو بالترتيب ..
    وبعدين جلست انتظر .... واووووووووووبس .. الا طلعت الأرقام بالترتيب ونص كمان ..
    وخذلك انتظار ... بس كان الوضع وناسة كان هناك بنات جلسنا مع بعض وخذلك سوالف
    ووناسة من قلب .. ضيعنا شوي الوقت .. :110:
    ولما وصلت الأرقام الى الستينات .. السفارة صارت فاضية وهاااااااااادئة .. يعني تعمل المقابلة وانت رايق ...( و قلت يمكن اني يلي راح اقفل معاهم السفارة لووووووول .. لان المكان كاني هدوء ومابقى احد يمكن بس 10 اشخاص وخلاص ...)
    وطلع رقمي على الكاونتر 7 ( كأني سمعت انا هذا الكاونتر زفت صح !! ) المهم كان رقمي
    VIP هههههههههه
    لأن كان رقم البطاقة يلي عندي 77 و رقم الكاونتر 7
    المهم سلمت على الأخ الأمريكي ( وتمت المقابلة معاه باللغة الأنجليزية بأكملها )
    طبعا سألني ليش اخترت هذي الجامعة ..
    عادي اني قلت له انها معتمده من قبل وزارة التعليم العالي في السعودية ( عاد هو ما عجبها كلامي وصار لون وجهه اخضر ..:101: ..اوووووبس... رحت تفلسفت من عندي وعطيته كلام حلو وقلت بأن فرجينيا كمنويلث تمتاز بقوة تخصصاتها الطبية والهندسية ... و عندها برنامج اكاديمي فريد من نوعه لتخصصي هو : physical therapy علاج طبيعي مختلف عن الجامعات الأخرى لهذا التخصص ..
    وسألني اذا كنت دفعت السيفس اولا .. وقلت له اي نعم دفعت السيسفس وعطيته الوصل
    وما شفته الا عدل شكله وقف لي عدل وحط يد على يد وسألني : هل سافرتي من قبل الى سوريا او عراق او ايران ؟؟؟! قلت له لا ولامره سافرت الى هذه الدول .. قلت اوكي ممتاز
    والله كان يحليله وهو عامل نفسه واحد رزة من FBI or CIA وهو يسألني هالسؤال .. على حساب يبيني اعيش بجو الرعب معاه كأن مثل يلي في 24 >>تونتي فور
    بيني وبينكم حسيت نفسي ابي اضحك من قلب عليه بس سكت .
    وهنا جاء السؤال الحساس : قلت لي اني حاليا بصدد تحصيل قبول واي توني من جامعة اخرى
    سألأني ليش .. قلت له لأني ابي اغير التخصص قال لي ليش .. قلت له اني اميل لهذا التخصص اكثر .. وقال اجل ليش اخترتي هذاك التخصص من قبل : بغيت اقوله قضاء وقدر بس هو شو عرفه بالقضاء والقدر .. قلت له بأنه الجامعة فاجأتني بأن الدراسة فيها لهذا التخصص يلي اخترته حوالي 8 سنوات .. واني مو كثير واثقة بأني راح اتحمل 8 سنوات .. سكت وقال اوكي ... ليش اخترتي تخصص : نظم معلومات IM computer > قلت له بأني اساسا امي لتخصص نظم المعلومات .. وقال ليش اخترتي كاليفورنيا مدينة سان فرانسيسكو ... وما شفته الا مره وحده عصب علي وصار صوته عالي ... عادي اني خفت وبغيت شوي وابكي .. بعدني ما قلت له ولاشي ... ولا قلت شي يزعل ... مادري ليش مره وحده ضربت فيوزاته وعصب ... وصار وجهي ازرق وسكت .. واطالع فيه .. واقول : وش فيه هذا ؟؟!؟! لا يكون مريض نفسيا واني مادري ..

    وقال لي الجملة يلي بغت تذبحني من القلب:
    انا لست واثقا منك .. و لا اعلم ماذا سوف تفعلين في الولايات المتحده ؟؟؟!؟!
    وقعد كم ثانيه جالس يطالع ويناظر في .. واني متفاجأة .. ليش قال كذا ..

    قلت له طيب ... من حقي اعرف ايش السسبب .. اعطيني سبب مقنع لجملتك هذي يلي ذكرتها بعدم الوثوق بي ..
    سكت ... وقعد يناظر الأوراق .. وسألني جاوبيني بصراحة .. لماذا اخترتي ولاية كاليفورنيا مدينة سان فرانسيسكو جامعة سان فرانسيسكو ستايت يونيفيرسيتي لتخصص نظم معلومات بالذات ؟؟؟لمـــــــــاذا ..!!

    عاد اني عصبت منه ( عاد اني ما يبيلي شوي واعصب بسرعة وانقلب ديفل وشريرة

    قلت طيب اني راح اقولك ليش : اولا جامعاتا كاليفورنيا مشهورة عالميا بتكنلوجيا تعليمها للتخصصات الهندسية والكومبيوتر والنظم المعلوماتية صح ..؟؟!؟! قال لي : ايوه صح .. لهذا بعد البحث في جامعات كاليفورنيا .. وسؤالي لأحد اقربائي يدرس في كاليفورينا .. عن جودة جامعات كاليفورنيا .. وهو مدحها لي .. وبعد البحث في الجامعات المعترف فيها اخترت جامعة سان فرانسيسكو ستايت للدراسة فيها وشجعني لها قريبي لقوة الجامعة ولقوة معهدها اميركان لانقويج انستيوت ...

    قال لي : خلاص .. لما تحصلي اي توني الجديد تعالي هنا مره ثانية ويكون معاك خطاب القبول من الوزارة بعد الترشيح للمقابلة او بعدها .. وابتسم لي وقال لي بأني سعدت لمقابلتك .. ممع السلامة .. Good luck

    وجع قلبي وصار ينبض 500 نبضة في الدقيقة من جملته يلي ذكرها ..
    عاد اني وحده شكلها نايس وكنت كله مبتسمة معاه .. وهوما كان سيء لحد ما قالي لي انه ماهو واثق مني ...المشكلة انه هو عصب .. واني كان شكلي بين عليه بأني عصبت :110:
    يلا عدت على خير..

    والتعاسة الحظ يعودة مره اخرى ليزور نبض .. اني خلصت السفارة الساعة 2 الظهر .. ورحت المطار وعندي رحلة على الساعة 4 ونص ... وشفنا في رحلة قبلها رحنا قطعنا البوردينج على الرحلة يلي قبلها .. وبعدين تطلع الرحلة هذي تتعطل طائرتها وننتظر الى الساعة 11 الليل .. ورحلتنا الأصلية مشت من العصر يلي كان المفروض نروح عليها ...

    على فكــــرة: ترى حصلت الورقة الصفراااااااء وقال لي راجعي بعدين معانا لما تحصلي كل شي .. عشان نطلع لك الفيزا ...
    وشباب اني قلت له سالفة الأي توني الجديد .. عشان لا يعمل بعدين سالفة لأني ما قلت له من الأول.. اني سألت السورية يلي تشيك على الأوراق عن اي توني جديد .., قالت لي لازم تقولي للموظف يلي راح يعمل لك المقابلة على سالفة الاي توني الجديد .. لاااااااازم تقولي له ولا بعدين راح تصير لك مشكلة اذا ما عطيتيه خبر من اللحين .. ويمنعون عنك الفيزا للكذب ... وعاد اهم شي الصراحة


    لازم تكونوا صريحين ... صحيح اني شوي تبهدلت في المقابلة .. لكن بعدين ابتسم لي الموظف وقال لي لما تخلصي كل شي .. راجعينا ... يعني الواحد ارتاح لأنه وضعه صار مفهوم و واضح
    يلا الله كريم .... والله يوفق الجميع
  2. أهلين نبضنا..
    وين الناس ضجرناعليكـ..
    الحمد لله على سلامة وصولك وبإذن الله خير..
    :94:
    حبيبيتي..
    الله عليكي و إنت داخلة السفارة بالفراشة


    الحين
    وصيناك الله يصلحك
    ركزي على القبول اللي عندك خذي الفيزا
    وخلي القبول الجديد لمن يجي.......يحلها الحلال
    هذة آخرة العناد..والقرقرة بالإنجليزي..
    مو كل مين يتكلم إنجليزي يعطوة..أختك في الله اتلكمت وما أعطو أمها عقاباً لها!!
    معاة حق الرجال إنك منتي موثوق فيكي:101:
    وش رايحة تعملي لهم بأمريكا........؟؟
    زين ماسألك عن لبنان مع الدول(ترا أنا سألني)

    طيب ..
    الحين قال لك لمن تجيبي القبول الجديد تعالي لي..صح؟
    • أعطاكي ورقة ؟صفرا خضرا بينك..عشان تراجعي بها؟؟
    • أو ختم لك على الجواز وقال لك اتوكلي؟؟
    • أو ختم وأعطى ورقة؟

    طمنيني بالله عليكي..
    لأنه شي يقلق صراحة..
    ماقلتي..
    وين الوالدة الله يحفظها راحت أثناء المقابلة ؟؟
    دخلتيها معاكي ولا؟؟
    سلامي لها وخالص تقديري..
    7 "
  3. ابيخـ رحلهـ على الخطوط السعوديهـ الي الساعهـ 6 الصباح من الدمام الى الرياض

    تجيب الاكتئاب هذي الرحله مدري ليش .:100:


    الحمد الله وصلتيـ السفاره وزين انك حسبتيها صح

    اقصد حسبتي الوقت لا ن هذي اول رحله في الصباحـ .


    وكمااان ليــــــــــــــــــــــــــــــــــــــش جبتي طاري الاي تونتي الجديد اللهـ يهديكـ


    على العموووم كل تاخيرهـ فيها خيرهـ

    وشكل ربي ناوي انكـ تعيدين اجراءت القبول من اول وجديدحتى السفاره كمان ..


    موفقهـ دوم اختـــي نبض المشاعر .


    وانا شخصيآ الشي الي يتعقد عندي في البدايه وتصير فيها مشاكل تتسهل في اخر خطوة

    وان شاء اللهـ ان اموركـ المرحلهـ الثانيهـ تبتسمـ لكـ .....




    أأخوكـ كــــــــــرز :121:
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.