الأعضاء الإشتراك و التسجيل

الملتقيات
ADs

جميع الأسئلة المتوقعة في مقابلة السفارة الأمريكية

جميع الأسئلة المتوقعة في مقابلة السفارة الأمريكية


NOTICE

تنبيه: هذا الموضوع قديم. تم طرحه قبل 2533 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Dm3ti
    Dm3ti

    Dm3ti الكويت

    Dm3ti , ذكر. مبتعث مجتهد Senior Member. من الكويت , مبتعث فى الكويت , تخصصى السعودية , بجامعة السعودية
    • السعودية
    • السعودية
    • ذكر
    • السعودية, السعودية
    • الكويت
    • Apr 2008
    المزيدl

    June 15th, 2008, 02:29 AM

    السلام عليكم ورحمة الله وبركاته


    بما إني في أحد ردودي واعدتكم بأن أكتب جميع الأسئلة التي إستطعت أن أجمعها التي تُسئل عادتاً في مقابلة السفارة الأمريكية


    بسم الله

    أول شيء : لازم تنامون بدري اليوم اللي قبل المقابلة على شان ترتاحون ويصفى مزاجكم " تسوون المقابلة بمزاج صافي "

    ثاني شيء : لاأحد يجي للسفارة إلا وهو مفطــرٍ وشبعان

    ثالث شيء : تأكدوا من أوراقكم مرهـ ثانية قبل تمشون للسفارة وخل كل أوراقك معك بالسيارة ماراح تخسر شيء

    رابع شيء : لاتجي الساعه 5.30 إلا وأنت عند السفارة " وش لون تدخل دبر نفسك "

    خامس شيء : إسئل العسكري عن المكان اللي يبداء منه السرا ، وإنتظر لما الساعة 7 "ويبدأون يدخلونكم " أول ناس ماراح تجي الساعه 7.45 إلا وهم طالعين

    سادس شيء : أعصابكم خلوها رايقة مررررررهـ المقابله والله عادية وشيء روتيني " كأنك رايح تسحب لك فلوس من حسابك بالبنك " ماتستاهل ترهق نفسك من التفكير .. وتـأكدوا إن أي واحد أوراقة كاملة وتمام ويكون وقت المقابلة مع القنصل عادي " مايكون متوتر " .. إنهم راح يقولون له بعد اسبوعين تعال استلم فيزتك

    وفيه شيء ثاني ... القنصل ماهو من الباب للطاقة يقدر يرفض لك الفيزا " لأنه راح يسأل ليش رفضت الفيزا "


    وقبل يبداء بالأسئلة راح يرحب فيك ويصبح عليك بالخير ثم بيبداء يسألك



    الأسئلـــة :



    - اسمك ؟
    - وين رايح ؟ ولاية ............ مدينة ................
    - ليش رايح ، أو ماهو سبب ذهابك لأمريكا ؟ .. الجواب طبعاً للدراسة أو للسياحة ..
    - وش إسم معهد اللغة ؟ ................
    - وش إسم الجامعة ؟ جامعة ..................
    - ليش إخترت هالجامعة ووش تعرف عنها ؟ ......... كل واحد وله إجابته ........ -- لآأحد يتطرق لـ لأن أخوي فيها أو ولد عمي أو أعرف شباب هناك-- ...
    - ليش إخترت هالمدينة أو هالولاية وماذا تعرف عنها ؟ ......... نفس جواب السؤال السابق .............
    - كم ناوي تجلس بأمريكا .... سنه سنتين ثلاث أربع خمس ..... " السؤال هذا مهم جداً ولازم تحدد لهم مدة معينة على شان مايحسون إنك بيتروح للهجرة "
    - هل لديك أقارب هناك ؟ .... نعم "تذكرهـ " ، لا .......
    - وش تخصصك ؟ ............
    - ليش إخترت هالتخصص ؟ ..................
    - ليش رايح تدرس بأمريكا ؟ ( السؤال هذا أكيد يجي ) ولازم تبين لهم قوة الجامعات الأمريكية
    - لماذا تريد الدراسة بعيداً عن أهلك ووالديك " السؤال هذا جاني " وجوابه نفس جواب السؤال السابق
    - متى تخرجت من الثانوية ، من الجامعة ؟ .... تقول له التاريخ بالميلادي .....
    - ماذا عملت بعد التخرج ؟ .....................
    - هل سافرت لأمريكا من قبل ؟ .......................
    - هل سافرت للدول المغضوب عليهم " فيه أربع دول بس ماأدري وشهي من ظمنها سوريا "
    - ليش سافرت للدولة الفلانية وين رحتوا ووين جيتوا ؟ ..................
    - لماذا لم تسافر خارج السعودية من قبل ؟ .....................
    - ماذا درست في .................. " تخصصك إذا كنت جامعي أو معك دبلوم " ؟
    - هل ستخرج من الولايات الأمريكية حينما يطلب منك ذلك ؟ .... الجواب طبعاً أكيييييييييييد ....
    - أقنعني بأنك سوف تخرج من الولايات الأمريكية حينما تنهي دراستك بأسرع وقت ؟ ....... هنا كل واحد وشطارته .....
    - - - - - - - - - - -
    الأسئلة الإستفزازية ..

    - هل تحب أمريكا .... يالبى قلبها بس ياحبي لها .....
    - هل ستأتي لأمريكا للسياحة مستقبلاً بعد ماتنهي دراستك ؟ ...
    - هل تحب الشعب الأمريكي بشكل عام ... I Love You ...
    - ماذا تعرف عن الشعب الأمريكي .... أطيب شعب وهذا الصحيح بجد وشعب يحب المواعيد يعني مو مثل ربعنا اللي هنا يواعدك الساعه 8 .. وأنت طالع تقضي أشغالك شوي إلا يدق عليك أبو الشباب أنا عند باب بيتك .. تشوف الساعه إلا هي 5.30 وإلا 6 المغرب .. هناك خلاص قال لك 8 يعني 8 ...



    ------


    بشكل عام هذي هي الأسئلة بس .. طبعاً يمكن تشوفونها الان تقولون والله مشكله المقابلة والأسئلة بعضها صعب وبعضها سهل

    لكن كل واحد فيكم يروق ويسجلها في ورقة ويجهز لها إجابات ويحفظها على شان وهو بالمقابلة تكون الإجابة عندهـ جاهزة ويكون أقل شيء رايق

    وماراح يسألونكم كل هالأسئلة " كل قنصل وله أسئلته "

    ------

    ملاحظة .. أنا سويت المقابلة أمس وماسألوني إلا سؤالين فقط .." يعني مو كل الأسئلة بيسألونك عنها " ..




    ===========


    واللي عندهـ إضافات ياشباب أو أسئلة متوقعة لايبخل بها على إخوانه ... بالتوفيق للجميع وماأبي منكم إلا دعوة بظهر الغيب لي والوالدي ...





    تقبلوا إحترامي ،،،

    <__ لو يدرون عني السفارة
  2. dam3ati
    من جد لو دريو عنك السفارة بيعتبروك تغشش المتقدمين


    مشكور على مجهودكالمبذول ولكل مجتهدنصيب,
    لذلكسيتم ختم موضوعك وإضافتة لقائمة حصريات مبتعث,

    اسمح لي بهذة الإضافة الصغيرة::
    - هل سافرت للدول المغضوب عليهم " فيه أربع دول بس ماأدري وشهي من ظمنها سوريا "
    الدول هي:
    سوريا
    إيران
    العراق
    السودان
    باكستان
    لبنان
    كل ناس يسألوهم عن دولة مختلفة.

    مشكور على اجتهادك.

    وجزاك الله خير وجعله في ميزان حسناتك
    7 "
  3. يعطيك العافية اخوي دمعتي عيني عليك باردة دايم متميز ربي يوفقك

    ايضا لازم الواحد ينتبه من اوراقه ويعرفها زين لانه احتمال يسالونك عن اسماء المدن او التواريخ التقريبية لبعض السفرات او احيانا اسماء المدن اللي درست فيها مثلا وين درست الابتدائي او غيره

    ايضا بالنسبة للدول المغضوب عليها افغانستان

    تمنياااااااااااااتي لكم جميعا بالتوفيق

    اخووي دمعتي سوال صغير بالنسبة لفورم 158 لازم يكون مطبوع بورقم وحدة يعني وجهين اولا
    7 "
  4. القنصل يسال بالانجليزي اذا كانت لغتك الانجليزيه تمشي ,,,مايجيبوا لك مترجم

    اذا كانت اللغه ما تمشي يجيبوا لكم مترجم

    من ضمن المواضيع الي احسهم يهتموا فيها ,,,,اذا كان الشخص مخلص جامعه ولغته الانجليزيه ضعيفه

    تراهم يسالوا ليش لغتك ضعيفه؟؟؟

    هالسؤال تم توجيهه الى مرافقي ...

    حسيتها وهي تساله كانها تشك انه دارس في الجامعه ..حسيتها كانها تقول خذ شهادتك البكلريوس بلها و اشرب ميتها .....

    طبعا مرافقي جاوبهم ...لانه دراستي كلها باللغه العربيه ...
    7 "
  5. حياكم الله جميع

    بالنسبة للمقابلة " القنصل يتكلم عربي ويتكلم إنجليزي .. بدون مترجم ولا شيء ..


    وبالنسبة لفورم 158 عادي تبي تحطها وجه وقفا أو كل صفحة بلحالها براحتك .. أهم شيء تسجل إخوانك كلهم " أنا كتبت إخواني في ظهر الصفحة الأولى من النوذج والصفحة الثانية طبعتها على ورقة ثانية ودبستهن



    دعواتكم لي بالتوفيق
    7 "
  6. ماشاء الله

    رحت المقابله وخلصتها والله انك شاطر ..

    يالله ثلاث ارباع المشوار مشيته وماباقي الا الفيزا وقرار الابتعاث و امر الاركاب وان شاء الله بسهاله ..

    وبالنسبه لاساله وانا اقراها تخليت روحي اسوي المقابله وحطيت لهم اجابات ..>>متحمسه كثير..

    ان شاء الله مقابلتي اسبوع الجاي وتكون سهاله

    بالتوفيق
    7 "
1 من 11 صفحة 1 من 11 126 ...

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.