فيزتـــي من طق..طق إلى السلام عليكــــم

بسم الله الرحمن الرحيم


اول شي أحمد الله حمد كثير طيب يلمئ السموات والأرض

لاستخراج فيزتي وتسهيل أمور بأمره الرحمن الرحيم

وادعوا الله عز وجل بأن يسهل على جميع المسلمين في امورهم
ويوفقهم


ثاني شي

كيفكم يا شباب وينكم ما اشوفكم في الدوانيه

والله يا شباب انا مقصر في حق المنتدى العالمي منتدى (مبتعث)

بس والله كنت مشغول في امور السفاره والوزاره
وعسى الله يسهل على الجميع

الزبده

موعدي بالسفاره كان 26 مي

ضبطت اوراقي وكل شي
بس!!كان ناقصني الاي توني

ومشيت من البيت الصباح الساعه6
وصلت هناك الساعه6.25

ولقيت قدامي حوالي 15 شخص

وانتظرت وجات الحشود وامتلى الصف
الين جات الساعه 8 وبدو يدخلون الناس

واول شي فيه واحد اسمراني يشوف الاوراق وتنزل جوالك ومفاتيحك

وتدخل يفتشونك اول شي

وبعده تروح تفتيش ثاني

وبعدها دخلت لقيت هندي بوجهي عطاني رقم وقال اقعد بالصاله لين يجي رقمك

وجا رقمي عند واحد اسمراني
اسمه فؤاد
محترم..قال طالب
قلت ايه

قال قد سافرت برى المملكه

قلت لا ابدا

قال غريبه...انا ضحكت(وفي خاطري اقول هذايسب ولا وش قصده بس رحمته)

المهم قال رح خذ رقم وانتظر بالصاله وجيت وللمره الثانيه ابو هنود يعطيني رقم

وانتظر وجا رقمي عند شباك رقم 5

ولقيت وحده امريكيه شعرها اشقر طويله عيونها وساع<<<من الحين

قالت حط يدينك على الجهاز علشان البصمات

وحطيت اصابعب كامله بس ما كفت

قالت يالحبيب وخر الابهام خلها شوي

وابصم.. وقالت استرح وبينادونك

ونادوني في الشباك رقم7

ولقيت واحد امريكي اول ما جيت التفت وابتسامه عريضه مرحبا

قلت هلا <<مسوي ثقل

قال اسمي
بعده قال وش اسم جامعتك بامريكا

قلت سانت توماس

قال انت في جامعة الامام

قلت ايه

قال تدرس الحين
قلت لا

قلت درست سنه وفصلت

قال طيب وش اسم جامعتك بأمريكا
(ياليل هذا وش عنده وجامعه هذي)
قلت سانت توماس
قال تدري انها مسيحيه

قلت بكل ثقه عـــــــــــادي

وبعدها طاح وجهه وضحك من في الصاله....امزح

المهم

قال انت لك اخوان كثيرين
قلت قل ماشاء الله لاتعطي الشايب عين

قال انت قد سافرت برى المملكه
قلت لا

قال ابد

قلت ابد

قال هذا اول جواز لك

قلت ايه

قال وين الاي توني

قل بيجي بعد اربع ايام

قال اوكي

واخذ ورقه صفراء وقال جب النواقص
1.الاي توني

2.برينت اوت من الجوازات

3.كشف الدرجات من الجامعة الامام

وساعتها الاخلاق رايحه فيها من طلباته

واطلع من السفاره سيده للجوازات

وافر عليهم الضباط الافراد بس عيوا يعطوني

تركتهم ورحت الجامعه واخذت كشف الدرجات على طول

واروح البيت مكتم

واخواني يدورون واسطه الجوازات منا منا

الين جا الفرج

ولقين واحد يطلع برينت اوت طبعا(واسطه)

المهم باقي الاي توني

وخوي مرسله من امريكا كان هو الي مضبط وضعي

وانتظره وتعبت نفسيا وكل ما قابلت واحد في الشارع امسكه واقول ادع لي

الين يوم الثلاثاء الاسبوع بعد المقابله وتجي الاوراق

واضبط الاوراق واروح يوم الاربعاء 4 جون
للسفاره الساعه 1.30

واوريهم الورقه الصفراء ويدخلوني

والقى قدامي اسخاص للحين ماخلصوا من مقابلاتهم

وللمره الثلاثه ابو هنود يعطيني رقم وانظر

وينادوني الشباك رقم 8

واجي مالقيت احد على الكرسي وانتظر حوالي دقيقه قلت لايكون مضيع بالشباك

شوي وتجي هذيك المحجبه وتاخذ اوراقي وخذت كرت ازرق ودبسته على الجواز
وعطتني كرت ازرق في من وراء رقم الجواز وقالت تعال بعد اسبوع او 10 ايام

وقتها طلعت وانا مرتاح

واحمد ربي

وانتظرت لين يوم الثلاء في الاسبوع الي بعده قلت بروح بشوف خلصت ولا لا

واجي وامسك سرى على الشباك الي برى واعطيهم الكرت

ويدورون ولا لقوه وكتب رقم وقال اتصل عليه

الرقم 014883800
تحويله 4445

وانا ابو الشبا لي يومين ادخ عليهم تحويله 4443

ولا احد يرد

وبعد تدقيق كبير اتضح انه 4445

وادق عليهم يوم السبت يجيني سجل رساله وسحبت عليهم قلت بجي الاحد

واجي يوم الاحد وامسكى سرى زحمه
بس الحمد لله الى ويسلمني الجواز مفيزه

بس مدة التأشيره سنه هي الزعلتني

بس الحمد لله على كل حال

وهذي سوالفي مع السفاره

وانا شكر كل اعضاء منتدى مبتعث والله استفدت منكم وزرعتوا الثقه فيني

حتى الاوراق صرت اعبيها <<من قدك

واشكر شكر خاااااااااااااااااااص
للأخ ( الله يعين)
والله يوفقه وهو من ساعدني على كل شي بعد الله

والله يجزاك الف خير

واتمنى والله من كل قلبي ان الله يسهل على الجميع في كل امورهم يارب العالمي

تقبلوا تحيات اخوكم

ياليـــــــــــــــــت