ارجو المساعده من اهل الخبرة

يخوي غريب امرك

الله يعينك

اخوي سياتل

الي فهمته من كلامك ان ما اخذوا جوازك بسبب نقص اوراقك (( السيفيس ))

وانت موعدك قريب بالمرة


طيب يا اخوي اسمعني

هم اعطوك ورقة صفراء صح...؟؟؟

اكتب التاريخ الي مكتوب لك في الورقة الصفراء وراح ارتب لك امورك انشاء الله

لاتشيل هم وشكلك بتروح على نفس الموعد انشاء الله

هات التاريخ ولا عليك

سلالام

اخوي تطمن, انشاء الله معاك وقت كافي المهم اتصل على القنصلية بجدة رقم 6645105-02 وعطهم رقم جوازك وهم يعلمونك اذا كان عندك قبول .
وبعدين اللي اعرفه ان ربعنا ضاغطين على السفارة علشان يسرعون اجراءات الطلاب
انت حاول تتصل . وعليك بصلاة الثلث الاخير من الليل .
وأتمنى للجميع التوفيق :gr_918:

الله لايهينك اخوي help
واناشاء الله تتوفق في المقابله
التاريخ هو 15/2/2006
والف شكر لdanah
بس انا اتكلم عن السفاره الموجوده في الرياض


اخوي help
ارجو الرد في اقرب وقت ولا عليك امر ولله انا محتاس
مع تحيات مبارك الدوسري<سياتل المستقبل>

اخوي مبارك

انت ذكرت وكتبت لي

التاريخ هو 15/2/2006

هل هذا تاريخ الموعد الي رحت فيه او التاريخ الي موجود بالورقة الصفراء..؟؟

لاني بصراحة شايف لخبطة شوية

لقيت لك موضوع ثاني بالمنتدى بقسم التأشيرات وهذا كلامك فيه


لان مش معقولة انك تعمل المقابلة في يوم 14/2 ويعطونك موعد بالورقة الصفراء في 15/2

لان لو راح يعطونك موعد قريب بالشكل هذا راح يسلمونك ورقة لونها ازرق


ياليت تتأكد لي وتكتب تاريخ موعد المقابلة الي سويتها

والتاريخ المكتوب في الورقة الصفراااااااء


اكتبهم اثنينهم وتأكد مزبوط يالغالي


في إنتظارك

شف اخوي help انا ولله توني اتعلم في الانترنت والاملاء ريح فيه
ومعليش سمحني على الخطا انا سويت المقابله في تاريخ 15/2/2006 والي مكتوب في الورقه الصفراء تاريخ 15/2/2006 وطبعآ انا سددت السيفس اول ماطلعت من السفاره
وانا رحت الى السفاره بعد ما عطوني الورقه الصفرا مرتين في 20/2/2006 وقالو لاتجي لين نتصل عليك ورحت في 25/3/2006 وقالو نفس الكلام لاتجي لين نتصل عليك وسامحني على طول الكلام ولله ماني عرف وش اسوي
ولله ماتقصر اخوي help ارجو الرد
مع تحيات
اخوك /مبارك الدوسري

اخوي ستايل (( مبارك ))

انا بفهمك شغله مهمة الحين علشان توضح لك الصورة تمام


اسمعني وركز وياي

=======================

في واحد من الشباب كان عنده موعد بتاريخ 10/3/2006م

وراح وعمل المقابلة وطبعاً اوراقه كاملة

وبعد ما خلص المقابلة

ما اخذوا الجواز معاه

لان السفارة من قبل كانت تعطيك الورقة الصفراء

ومدون فيها تاريخ تراجعهم لتسليمهم الجواز علشان يصدرون لك الفيزا

اما الان تركوا السياسة هذي

وصاروا يتبعون نفس الخطوات لكن انت ما يحتاج تحضر

كل الي عليك ترسل لهم الجواز على نفس التاريخ المدون في الورقة الصفراء

عن طريق الفيديكس وتدفع للفيدكس ثمن الطرد رايح للرياض وراجع

علشان بعد مايزبطون لك الفيزا يرسلونه لك على حسابك وتكون انت دافعه

عموما نرجع للسالفة

خوينا اعطوه الورقة الصفراء وفيها تاريخ بــ 20/5/2006م

علشان يرسل لهم الجواز

وبعد ما عمل المقابلة اتصلوا عليه بعد اسبوعين وأكدوا له الموعد ان لازم يرسل لهم الجواز بالتاريخ المحدد

=======================

نستفيد من القصة هذي ///

ان هم عطوك ورقة صفراء وهناك احتمالين

الأحتمال الأول

1- يوجد تاريخ مراجعتهم بس انت مش منتبه له (( ياليت تدقق كويس ))

في هذي الحال شوف التاريخ وراجعم عليه

الأحتمال الثاني

2- انهم ما كتبوا لك تاريخ مراجعتهم

وفي الحالة هذي تروح تستقعد لهم قدام باب السفارة الين تدخل

ويستحسن انك ما تشرح لهم الوضع قدام البوابة لانهم راح يعملون لك روتين يمللك الين تطفش وتمشي

لذالك انصحك تروح من الصبح وتصف دور مع الطلاب الي عندهم مواعيد وكان عندك موعد مقابلة اليوم

ولما تدخل اعمل لهم ازعاج داخل واذا ما فاد قابل المسؤول او المسؤولة عن الفيزات واشرح لها الوضع انهم ما اعطوك تاريخ تراجعهم لان ناقصك السيفيس وانت الحين عملته

وبكذا انشاء الله ربك يسهل لك امورك

هذي الخطوات الي اشوفها مناسبة لأتباعها في حالتك هذي

واترك الباقي على رب العالمين

واي استفسار ثاني تفضل ولا يردك الا كيبوردك :gr_876:


اخوك

Help

اخوي help ولله دورت في الورقه الصفراء ولا حصلت الاتاريخ مختوم بختم بنفسجي اللون والمكتوب هذا النص 15FEB2006
ومكتوب هذا الموقع كتابه باليد www.fmjfee.com
وتوقيع وحطين دائره على طلب السيفيس والانتظار لحين اتصال هاتفي من السفارة
انا اقول يمكن اروح بكره السبت بس الساعه 12 ظهر وبشوف وش بيقولون وانا اقول بيقولون ليش جي انتظر لين نتصل عليك
الله يعين
اخوي اذا رحت بكرة اعلمك وش سويت
وبعدين وش الخطوت الجديدة
يااخي
تعبتك معي بس الاخون لبعض
الله لايهينك يالغالي
مع تحيات/مبارك الدوسري

سلام عليكم

اخوي سياتل

خلاص ماعندك خطوات جديدة

روح استقعد لهم مثل ما فهمتك او بطريقتك انت بعد الساعه 12 واشرح لهم الوضع وبين لهم ان موعد دراستك قريب مرة

وبعدها انشاء الله تتسهل لك الامور ويفيزون لك

عقب ما تفيز اذا كان عندك خطاب السفارة

توجه إلى ادارة التعليم العالي

وسلمهم اوراقك ويعطونك قرار الابتعاث والتذاكر

وروح احجز لك من مكتب الطيار

وتوكل على الله ولاتنسى تقرأ موضوع تعبئة ابلكيشن الطائرة علشان تستفيد

اما اذا كان ما عندك خطاب السفارة

مجرد تستلم الفيزا

روح احجز لك موعد عند مكتب الطيار وقول له بيسلموني التذاكر في 1/5

ومجرد يفتح باب الابتعاث الجديد

روح للموقع وحدث بياناتك

وانطلق وزارة التعليم العالي ويخلصون لك امورك ويعطونك قرار الابتعاث والتذاكر وارجع لمكتب الطيار واعطيه التذاكر علشان يأكد لك الحجز

=============

بس انت شكلك عندك خطاب سفارة

لان لو ما عندك كان اكتبوا لك نواقص بالورقة الصفراء (( خطاب السفارة لايوجد ))


واي استفسار تفضل اخوي لتخجل كلنا لبعض

اخوك

Help