شباب الفيزاء حقتي طلعت ثاني يوم ادخل وشوف

August 23rd, 2008, 04:18 PM

السلام عليكم ورحمة الله وبركاته
شباب ماني مصدق اول شي اقول جزاكم الله الف خير والله يسهل اموركم ويفتحها في وجيهكم وين ماكنتو وربي انكم وقفتو معايه وقفه ماراح انسها من المواضيع الي كنت ادخلها وربي فادتني بشكل مو طبيعي
المهم نجي نقولكم اشصار معايه موعد المقابله يوم الاثنين 11اوقست 2008 رحت لسفاره زي مانصحوني المشرفين بدري نايم وفاطر مزبوط وعلى راحتي ولاكنه عندي مقابله اوراقي كلها مرتبه وكامله المهم الي صار رحت دخلنا السفاره وانا مبسوط ادوني رقم كان سرايه ثاني واحد المهم واقابل الاردنيه الله لايبارك فيها على قول المشرفين انا يوم شفتها قلت ياحليلها اخوكم يتميلح المهم واجي عندها والابتسامه تشق الوجه توم كروز مسوي وطلبت اوراقي وهي تنفخ واديها الاوراق شوي يوم اخذت الاوراق وهي ترميلي الاوراق وتقلي اوراقك ناقصه الي عبالك الابلكيشن رقم 156مهو موقع وانا ماقدر اقبل اوراقك والله يشباب حسيت اني محطم تحطيم مابعد واقعد على الكرسي ماني عارف اش اسوي والله طلعت وانا استغفر واقول انشاء الله خيره المهم شافني واحد ذيب من شرواكم مكتم وانا خارج قالي اشفيك عساء ماشر قلتله الموضوع قلي عادي رح للمكتبه فيه مكتبه قريبه من السفاره الامركيه وصفلي مكانها ماخلص الله وانا اجري لها واروح قلي نسويلك الابلكيشن ب50 قلت خذ 100 بس اخلص والله وخلصني وارجع لسفاره وانظر واله الاردنيه ماهي فيه فيه واحد شباب تقول جداوي والله طلع ذيب هذى الامريكي جيته كان اسلوبه محترم معي طلب اوراقي وعطيها المهم قلي كامله قلته بس انته ماخذت كشف الحساب والشهاده البنكيه صار يضحك قلي جيبهم عطهيا تصدقون والله الشهاده البنكيه بالريال السعودي المهم ادوني رقم وقالوي رح في صالة الانتضار واروح صالة الانتضار وجا رقمي واشوف ذا الاشهب الامريكي الي سالني بالانجلزي وانا ما عرف اله كلمت (نو سبيك انجلش) وهو يكلمني بالعربي حسيت انه الي قدامي من بشكت ابولهب لغه فصحى احسن مني المهم قالي عمرك سافرت سوريا طبعا مارحت قالي عمرك رحت لبنان قلته انا مارحت اله مصر والبحرين والامارات المهم قالي كويس قالي تدري انه الجامعه الي انته مقدم قيها فيها سعودين كثير مين من السعوديه الي هناك تعرف وقدملك وانا اقله ما احد وانا الي قدملي صاحب بالمدينه المنوره (اصلا الي مقدملي واحد من الشباب يدرس بامريكا بس سويت زي مانصحتوني) المهم قالي كيف راح تكون علاقة مع السعودين هناك قلت ماراح احتك فيهم انا رايح ادرس ماني راح اتعرف هو يضحك قالي لو جاتك فرصه وظيفيه بامريكا تشتغل قلتله لا قلي ليش قلت الفيزاء الي راح تدوني هيا فيزا طالب ماتسمح اني اشتغل وانا احب اكون نظامي مشوف اله الامريكي يديني كرت اصفر ويقولي بعد اسبوع راح يوصل جوازك والمهم يوم الاربعا الساعه 9:33دقيقه تاريخ 13 اوقست 2008 قالي تعال وصلتلك اغراض من الرياض واروح للفديكس واقول يالله انكان فيها خير يسرها وانكان فيها شر ردها واسمي وافتح الظرف واله الجواز اطلع الجواز وافتش ولقيت بصفحه 24 الفيزاء مطبوعه وخمس سنوات وياربي لك الحمد انشاء امري تتيسر هناك وتمشي والله يوفق الجميع وكل من قام على هذا المنتدى الجبار

• نشر عبر تويتر
• نشر عبر فيسبوك
• نشر عبر جوجل