الأعضاء الإشتراك و التسجيل

نسيت كلمه المرور
الملتقيات
ADs

قصتي الحزينة مع السفارة اللـ....!!

قصتي الحزينة مع السفارة اللـ....!!


NOTICE

تنبيه: هذا الموضوع قديم. تم طرحه قبل 5687 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية SunShining
    SunShining

    مبتعث جديد New Member

    SunShining غير معرف

    SunShining , تخصصى student , بجامعة Colorado State
    • Colorado State
    • student
    • غير معرف
    • Colorado, Jeddah
    • غير معرف
    • Sep 2008
    المزيدl

    September 29th, 2008, 11:39 PM

    September 29th, 2008, 11:39 PM

    إخواني أخواتي الأعزاء أبحكيلكم عن قصتي المحزنة للأسف مع هالسفارة الأمريكية حسبي الله عليهم واللي أتمنى انها ما تسير مع أحد منكم واللي ما وده يحزن ولا يتكدر خاطره لا يكمل قراءة الموضوع...
    سويت المقابلة وكانت عادية جدا جدا.. لما انتهى من أسئلته الغثيثة قال كلش تمام أوراقك كاملة وما عندك أي مشكلة.. طلع ورقة صفراء زي وجهه وكتب عليها "Too early to print".. و خذ جوازك وخله معك يمكن تحتاجه ما ودنا نعطلك.. كلها اسبوعين أو ثلاثة اسابيع بالكثير وندق عليك تجيب لنا جوازك أو ترسله لنا.. أخذت الورقة الصفراء وجوازي وتوكلت على الله..
    مرت اسبوعين وثلاثة واربعة ولا حس ولاخبر.. مر شهر كامل ولا اتصال ولا يحزنون.. قلت ما فيه إلا أتصل فيهم أنا وشوف وش عندهم.. أدق عليهم ما حد يرد.. أحاول معهم حتى بالصدفة رد علي واحد وما له نفس.. قاللي طلبك تحت الاجراءات.. أرسلتلهم إيميلات على العنوان اللي حاطينه في الورقة الصفراء وما حد عطانا وجه مرة ..
    مرت شهرين وما فيه شي.. ثلاثة شهور وما حولك أحد.. أربعة شهور وما فيه أمل.. وصاحبنا باقي ينتظر هالاتصال المزعوم.. موعد الدراسة قرب.. باقي عليه أقل من شهرين.. ويمر الشهر الخامس زي السلام عليكم وما حد معطينا وجه في السفارة ..
    باقي على موعد الدراسة أقل من شهر.. قلت ما فيه الا اني أروح لهم بنفسي وشوف وش الساالفة .. هذولا شكلهم ما يستحون على وجوههم.. المهم ويحجز صاحبنا ويسافر على الرياض.. ويالله على السفارة.. نجي عند الموظفة اللي حابسينها بصندوق قدام باب السفارة.. شافت الورقة الصفراء قالت الساعة وحدة تجون.. وتجي الساعة وحدة ونجي لهالسفارة وصف في الطابور أنت وياه.. طيب شمس يا جماعة بتذبحنا والله لو انا عند سفارة بنغلادش ما وقفونا بالشمس مثل الـ..... ما عليك أصبر يا رجال وانتظر حتى يجي دورك.. المهم انهم قفلوا الباب في وجيهنا وقالوا ابن أمه يدخل.. طيب شفولنا حل يالربع... على الأقل نقول حاجة إذا أحد سألنا بعدين لا تفشلونا .. قالوا اقلبوا وجيهكم واللي يبي يوقف بالشمس يوقف حتى يتعب وبعدين يروح.. يوم شفت الوضع كذا وريتهم عرض اكتافي بعد ما شفت أكتاف مجموعة قبلي ...
    قبل لا أطلع من عندهم مريت على واحد جنب السفارة.. ما هو بعيد موجود هناك على طول اسمه (حنين) بضم الحاء وفتح النون.. لقيت عنده آخر خفين أخذتهم بسرعة لا حد يسبقني عليها واتوكل على الله ..طبعا تاخذها مجانا وفوقها دقة خشم بعد ..
    مر الشهر السادس ويروح موعد الدراسة على صاحبنا... ويعدي الشهر السابع وكنك يا بو زيد ما غزيت.. المهم أخونا الحين في الشهر الثامن.. باقي عليه شوي ويدخل في التاسع وان شاالله ما يحتاج عملية قيصرية.. طبيعية بإذن الله.. دعواتكم يا جماعة ..
    وش تتوقعون يا اخوان و يا أخوات؟؟ اللي عنده راي أو حل لا يبخل به.. وكل عام وأنتم بخير وعيد مبارك عليكم ان شا الله..
« اللي صار له كدة يفيدني | ياشباب مساعدتكم جزاكم الله كل خير »
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.