طلعت الفيزااااااااااااا طلعت في يوميييييييييييين الحمدالله

October 9th, 2008, 03:06 PM

السلام عليكم ورحمة الله وبركاااته

كيف الحاااااااااااال
وكيف امور الفيزا معاااكم

بقول ليكم قصتي مع الفيزا علشان الكل يستفيد وتتجنبون اغلاطي
الموضووع مررررررررره طويييل واللي ماعنده وقت ينزل لاخر الموضوع يشوف النصايح


في البداية موعدي كان تاريخ 6 اكتوبر وحجزته من تاريخ 16 سبتمبر
وكنت حاطه في بالي ان السفر بيكون على تاريخ 13 اكتوبر لان الدراسه حسب مافهمت انها 15 اكتوبر للمعهد
وعلى طول علشان استفيد من الوقت حجزت على هالاساس
واللي خلاني احجز ان الجامعه رسلو لي صورة من الاي توني و قبول الجامعه
و رسلوه على طول تاريخ 16
بس المشكله اللي صارت
ان الاي توني ماوصلني بسبب البريد السعودي
من امريكا للسعودية 3 ايام
ومن مكتب البريد للبيت سبوعين و 3 ايام
يعني ماوصلني الا بعد سبوعين و 6 ايام
ومتى وصلني
العصر تاريخ 5 اكتوبر
ونصيحتي للكل
اصبروو وتفائلوووو
كنت بكنسل الموعد والطيران وبأجل الدراسه
بس الولده كانت دايما تقول لي اصبري
لدرجه 3 ايام متواصل يوميا ادخل موقع الطيران بكنسل الحجوزات و يطلع لي شغله وانسى الموضوع<<<<< سبحان الله مايصير الا المكتوب
ومن وصلني الاي توني على طووول من الساعه 4 الى الساعه 1 الليل
شغل متواصل
تعبية الابليكيشنات طباعة الصور
و تصوير الاوراق
و تصوير الشهادات والترانسكربت
تصوير الجواز ملون و اسود وابيض
ماخليت شي
ولاني من الشرقية و موعدي في الرياض كان لازم اطلع من البيت الفجر
وهذا اللي صار
صليت الفجر
واخذت معاي القرآن و كتاب ادعيه صغير في الشنطه علشان يمر الوقت بسرعه
ولان كنا متأخرين حتى الفطور مافطرنا
وطبعا كنت انا و الوالد
بس الله يعطيه العافيه ماقصر قبل مانمشي جهز شوية حلويات وشبسات ومكسرات خخخخخ
وصلنا الرياض تقريبا الساعه 9 الا ربع
ولان مانعرف مكان في الرياض كلم الوالد احد الاقارب واستقبلنا في بيته و قال للسواق يوصلنا السفاره
وماجت الساعه 9 ونص الا احنا واقفين هناك
شفت الناس اللي واقفه قبلنا وخفت تقريبا 40 شخص
بس قلت استغل وقتي في الاستغفار
ومامرت ساعه الا وصل دورنا
وشفت ام كشة صفرا ههههه
عند النافذه قالت لينا تبغى تشوف الصور
شيكت على صورت وماعجبتها

وهذي اول حاجه اعطيها البناااااات
الصوره لازم الشعر يكون طالع
منابت الشعر في مفهومهم ان الشعره تطلع على الاقل 5 سنتي
وصوري مايطلع الا الشعر الخفيف
وقالت اروح ساحة الكندي اصور
ورحت ادور استيديو مافيه الا رجالي ومارضى يصورني في البداية
بس بعدين كسرنا خاطره واحنا ندور وقال تعالو صورها
وصورني وفي الوقت اللي انتظر فيه الصور تطلع
قلت للي يشتغل يشيك على اوراقي كامله والا لا

وجهز لي الاوراق المطلوبه ودبسها سوا
وعطاني 2 ابليكيشن قالي اعبيه في وقت الانتظار
واحد عبيت مثله من الكمبيوتر اللي فيه اسماء العائلة والثاني ورقه وحده بس
مااعرف اسمائهم

ورحنا ننتظر وكان الرقم 107
ضاع الوقت واحنا نعبي الابليكيشن و صوتو على رقمنا
ودخلنا
للرجال اللي يشيك الاوراق
وكنت جالسه مع الوالد لان كل الاوراق عندي و رتبتها بطريقه اطلعها بسرعه ههههههه لو احد طلبها مني

واول شي شيك على اوراق الوالد وخلص
وجا دوري

طبعا ماعطيته فرصة يسألني في البدايه
جهزت له على طول صورة جواز ابيض واسود لانه شفته ماطلب الملونه من قبل
والابليكيشنات اللي عبيتهم واحد بالكمبيوتر والثاني بخط اليد
بس قال لي هذا الابليكيشن نفسه بس واحد نسخه جديده والثاني نسخه ققديمه وين تبغين ناخذ
قلت له اللي بالكمبيوتر ارتب واوضح ضحك وقال good
سألته في اوراق زياده تطلبها
قال شهادة المدرسه
قلت له انجليزي والا عربي
قالت جوووود عندي الثنتين وطلب الانجليزيه

وقلت له عندي ترانسكربت الجامعه
ونفس الشي قال خخخخخخخ جووووووووووود عطيني
وبعد ماشيك على الاوراق قال للوالد كل شي تماااام
رد علي وقال من زمان تجهز للاوراق و تقرأ
قال لا هي تعرف ويش قاعده تسوي ههههههه
وتغيرت اخلاقه و صار يسولف مع الوالد
وسأله عن الفيزا واني حطيت فزته F2
بدون ماادري والمفروض احط له فيزة سياحيه قال له مو مشكله مافيه اي غلط
ومن بعد ماشفته وشفت اخلاقه قلت كل اللي نسمعه اشاعاااااات
اخلاقهم رووووووعه
وانتظرنا و رجع طلع رقمنا علشان ياخذون الجوازات
واللي كان هناك نفس الشي اخلاقه مافيه احسن منها امريكي
سألناه اذا ممكن تطلع الفيزا قبل يوم 13 قال بكل سهوله تطلع ولاتتاخر بعد
بس بعدين قال ترى الاي توني مكتوب فيه ان الدراسه بعد شهرين مو الحين
قلت يمكن دراسه الجامعه والمعهد ماكتبوها
وقلت له قال مو مشكله
وطلعنا منه وجا وقت الانتظار للمقابله
رقمنا كان 500
وانتظرنا الى الساعه 4 وربع تقريبا
وفي هالوقت اخذو بصماتنا
ورجعنا ننتظر
وبعدين طلع رقمنا للمقابله


في البدايه يوم وصلو الارقام الى 498
توترررت مرررررره
وقلبي شوي ويطلع من مكانه
بس بعدين قعدت اردد
اللهم لا سهل إلا ما جعلته سهلا ولو شئت لجعلت الصعب سهلا

ووصل رقمنا ورحت للمقابله وشفت انسانه حبيتها
ولو اني ولد خطبتها وتزوجتها على اخلاقها خخخخخخخ

تعتذر منا ليش تأخرنا
بالعربي والانجليزي وكانه مسويه جريمه مو بس تأخرت
اقول وين دوائرنا الحكومية ننتظر بالايام ومانحصل حتى ابتسامه
فرق بين الاجانب و المسلمين

وقالت لي اسفه لازم اشيل النقاب
قلت ولايهمك خخخخخخ ماطلبتي شي
وشلته وابتسمت في وجهي على طووول
وتذكرت كيف اني لو رحت للمطابقه في مستشفى والا مكان اول مافتح وجهي لوحده احسها شوي وتاكلني
عكس هذي
وقالت لي لو سمحتي ممكن تكلميني من التلفووون وهي تبتسم
ماقدر على الاخلاااااااق
وسألتني هالاسئله
ليش رايحة امريكا؟
جاوبت للدراسه
اي ولاية رايحه؟
قلت الينوي
ليش اخترتي هالولايه ؟
ولاني حافظه الاجوبه قلت ليها لانها ولاية جميلة و آمنه خخخخخخخخ
ضحكت من قلب
هل درستي في السعودية ؟
قلت لا درست في البحرين
قالت كم سنه درستي ؟
سنتين ونص
متى تخرجتي من الثانوية؟
قلت قبل 3 سنوات
الى اين سافرتي غير البحرين؟
قلت ليها وين سافرت وطبعا من ضمنهم سوريا
والغريب انها ماسألتني متى و لا ليش ولاشي

وانتهى المقابله
وجا دور الوالد
وطبعا وصيت الوالد من البيت ابتسامتك ماتفارقك خخخخخخخ وخلك مزوح شوي و طيب ههههههه
والحمدالله مامرينا على واحد الا يسولف وياه ويمزح ويضحك وياه
واسئلة الوالد
لماذا ستذهب لامريكا؟
قال علشاني
وكم بتجلس هناك؟
قال من شهر الى شهرين
قالت له ويش تشتغل ؟
وجاوبها
وقالت له ويش تفكر تسوي بعد ماترجع ؟
قال ليها
وانتهت المقابله
وقالت في غضون اسبوع بتطلع الفيزا
على طول قلت شكرااااااااا
ومشيت وشوي واطير من الفرحه

وطلعنا من السفاره بعد مادفعنا للفيدكس الساعه 5
ورجعنا البيت
ويوم 7 شيكت الفيدكس مافيه شي
ويوم 8 نسيت مااشيك
ويوم 9 اليوم شيكت الا الجوازات في الدمام من امس

ورحت للوالد طيراااااااااااان وعندي ورقة الفيدكس اقول له روح جيب الجوازات
الا يقول لي بكل برود جبتهم الصباح ههههههههههههه
ماصدقت قلت وينهم
عطاني وياهم وكحلت عيوني بالفيزا ههههههههه


والحين النصايح اللي بعطيهم وياهاااا

لو انتو من الشرقية والا مكان غير الرياض
1\ لاتروحون في نفس اليوم للرياض لان تعب مررره
وغير هذا التوتر انكم تتأخرون
2\ اوراقكم خلوها جاهزة قبل الموعد بأسبوع علشان ماتنسون شي
وطبعا مااوصيكم لكل ورقة 3 والا 4 والا 5 نسخ للأحتياط
وهذا الاوراق اللي تاخذوها معاكم بالنسخ

الاي توني وانسخوووه لان مااخذو مني الاصلي واخذو النسخه
الجواز
الشهادات للثانويه و لو مثلي درستون في جامعه صورة الترانسكربت
كشف حساب
شهادة بنكية وماطلبو مني الاصليه
الابليكيشنات وصورتهم نسختين وحده كل ورقة لحالها والثانيه ورى وقدام
الصور اخذو وحده بس
لاتنسون الايصال اللي من البنك
معلومات تأكيد المقابله من موقع السفاره بعد حجز الموعد
ورقة دفع رسوم السيفس

3\ نامو قبلها بيوم ولاتروحووون وانتو نعسانييين
4\ واهم شي اكلوووو كل شي قبل لاتروحوون
واول ماتدخلون هناك اشترو ليكم من الاكل وخلوه للأحتياط
لان يبيع هناك مايكون موجود دايما

5\ استغلو وقت الانتظار بالاستغفار

وادعو لي ان انظم للبعثه لاني رايحه على حسابي

• نشر عبر تويتر
• نشر عبر فيسبوك
• نشر عبر جوجل