زوجتي غير مبتعثة هل اقدر اطلع لها f1 فيزا طالب

بالنسبة لحالتي..أنا طلعت فيزا F1 بقبول لغة مع العلم إن طالع ماجستير..واتوقع بالراحة يميدك خاصة أنك معاك الجنسية..


بالتوفيق

لا تشيل هم الموضوع سهل
اطلب من معهد اللغة I-20 لزوجتك على انها تدرس في امريكا
وقدم لها على فيزا
وراح تجيها ان شاء الله وكل شي طبيعي
ولما توصل اشنطن للملحقية. روح لمكتب اسمو: مكتب التنسق او اطلب من المشرف الدراسي حقك ضمان مالي لزوجتك عشان تدرس لغة.
وبعد كذا فلك محامي كويس وقدم لها على القرين كارد، وبكذا ما تحتاج فيزا

اتمنى اكون ساعدتك ولو احتجت اي شي انا في الخدمة

الف شكر لك انا ان شاء الله بقدم لها على فيزا f1 وهي للاسف ماخلصت ثالث ثانوي فماأقدر اجيب لها قبول جامعي يعني قبول لغة بس لكن السؤال هل هاذي الفيزا f1 تمشي ومقبولة لدراسة اللغة فقط

شكرا جزيلا

فيزا F1 هي فيزا طالب، وتصلح لدراسة اللغة والجامعة
اما بالنسبة لقبول الجامعة، لا تشيل هم لان الجامعة ما تعطيك I-20 الين تجيب شروط القبول وتاخذ قبول نهائي منهم. فهذي مو مشكلة لان في البداية ال I-20 ما راح يجيك غير من معهد اللغة. ولما تجي تقدر تظبط امورك على موضوع الجامعة
الله يوفقك
ولو احتجت شي انا في الخدمة ان شاء الله

أبــدا .!.!.!

فيه جامعات كثيرة جدا , تعطيك القبول المشروط ويكون الـ I-20 مصدر من قبل الجامعة وفيه اسم التخصص وعدد السنوات

بارك الله فيك اصيل على الردود ألي تثلج الصدر

باقي عندي مشكلة الضمان في مقابلة السفارة.. من وين اجيب الضمان وهل متطلب اساسي وانا على فكرة عندي ضمان مالي من بنك الرياض له ثلاث شهور تتوقع ينفع او لا

اخوي،،
الجامعة ما تعطيك I-20 الا في واحد من حالتين،،
اما تكون متسوفي شروط الدراسة الاكادمية، ومعاك قبول نهائي ويكون السيفيس حقك متحول لهم.
او انك تكون مسجل في معهد اللغة التابع للجامعة يكون ال I-20 عليه اسم الجامعة، بس لما تستوفي الشروط وتجي تدخل الجامعة يعطوك I-20 ثاني.
لان داخل امريكا مستحيل يكون معاك اثنين I-20 سارية المفعول الا انك تكون ناقل من معهد الى معهد ثاني او من معهد لجامعة، لان السيفيس حقك لازم يكون مسجل على مكان واحد فقط.

اذا وصل لك ال I-20 لازم تدفع 200$ حقت السيفيس على الموقع https://www.fmjfee.com/i901fee/
او اذا اتغيرت طيقة الدفع عاد انا ما ادري، لاني دفعت اول ما جيت مريكا قبل سنه ونص وكانت الرسوم 100$
بس اظن طريقة التسديد على الموقع

اما بالنسبة لموضوع الضمان المالي ما عندي خلفية بس انا لو مكانك وهذا رأي شخصي:

اخذ الضمان المالي الي معي واوضح لهم ان انا عندي بعثة وان زوجتي لها احقية انها تدرس وان الملحقية بتتكفل بتكاليف دراستها واني باحصل على ضمان مالي منهم لما اوصل لواشنطن.

اكرر هذا رأي شخصي ولك حرية التصرف،، واتمنى ربنا يسهلك امورك
ولو احتجت شي انا في الخدمة

يا طويل العمر الجامعات الامريكية بخصوص القبول المشروط على نوعين من الاجراءات ,

1 / تـعطيك رسالة القبول المشروط " Letter of Conditional Admission " و I-20 من مـعـهد اللغة .

2 / تـعطيك رسـالة الـقـبول المشروط " Letter of Conditional Admission " وتعطيك I-20 من الـجامـعـة , وتكتب في خانة الـ " Remarks " انه الطالب بحاجة إلى اتمام متطلبات اللغة , والـ I-20 يكون صادر من الجامعة ومدته نفس مدة الدراسة .