موعدي في السفاره بعد بكره ومعي قبول معهد بس اروح ولا لا ؟

شوفي يا اختي الكريمه ..
اذا قبولك الجامعه بيطول فتوكلي على الله ..

شكلك مسجله في السفارة الي بالظهران ..
اتوقع الرياض مافيها زحمه لهدرجه ..

انا بصراحه قدمت i20 الجامعه .. اما المعهد نو فما ادري بخصوص المعهد هل يعطونك فيزا 5 سنوات ولاالا

بالتوفيق ان شاء الله

ايه السفاره بالظهران زحمه مره
وبيجي موعد دراستي ولاحصلت موعد مدري وش اسوي اروح ولا لا

طيب شوفي السفاره الي بالرياض ..

لان هناك مش زحمه مثل الظهران

واذا ما قدرتي تروحي الرياض توكلي على الله وروحي الموعد

بس على فكره
لازم تغيري الموعد قبل اسبوع من تاريخ الموعد

الحين باقي يومين مدري شو الاجراء الي ممكن يصير

توكلي على الله ياختي وروحي
قولي لهم ان الـi20 الي من الجامعه رح يوصل .. وشوفي وش يقولوا

عزيزتي تقدرين تروحين الموعد بالاي توني

بس ما ادري اذا الابليكيشن 156 تقدرين تعبينه اون لاين تأكدي نه قبل لا يتقفل الحساب

واذا تبين رايي انصحكم تقدمين على السفارة بالرياض فاضية ولا يتأخرون بالفيزا بالنسة للطالب اما المرافق لا تطووول شويات

موفقه اختى

بس المشكله انو باقي ع الموعد يوم !!

فمارح تقدر تأجل !

عادي روحي بالايتوني حق المعهد واذا كان عندك ايميلات او اوراق تراسلين فيها الجامعه سوي لها برنت افضل وخذيها معك . لانو اذا سئلك عن قبول الجامعه او شي تورينه الاوراق وتقولين له اني اراسلهم الان .

بس جهزي اوراقك كويس وتأكدي كل شي كامل وتوكلي على الله.
خلي الاوراق هاذي بملف:
الايتوني الاصلي
رسوم السفارة من بنك سامبا
السيفس
الضمان المالي
جواز السفر
صور 5*5 خلفية بيضاء اهم شي يكون مافيها اي تعديل بالفوتوشوب .
النماذج 156 157 158
ورقة الموعد
واذا على كلامك انو باقي يوم فا ماتقدرين تدخلين على حسابك بموقع السفارة على اساس تطبعينه فا احسن حل انك تشيكين على الايميل لان السفارة اذا حجزتي معهم موعد يرسلون لك مسج عالايميل سوي له برنت ويكون ظاهر فيه تاريخ الموعد والوقت ورقم التعريف او شي زي كذا

هاذي خليها بملف لحالها على اساس ترتاحين وطبعا خذي اوراقك الثانيه شهاداتك والجوازات القديمه وخبرات العمل اذا كنتي قد اوتوظفتي خليها بملف لحالها.

وترى المقابله سهله مره ولا يبي لها شي (سؤال ورد غطاه) لاتزودين ولاتكثرين كلام .

الله يوفقك

شي ثاني نموذج 156 تقدرين تعبينه اون لاين ولازم يظهر فيها الباركود

شي ثالث >>> ياكثري

صوري صورة للجواز وارفقيها

وادفعي رسوم السفارة لكل جواز يعني جوازك وجواز المرافق معك
هذا على كلام (الله يعين) وموضوعه مثبت بعنوان متطلبات السفارة

موفقين

الله يعطيك الف عافيه يارب كلكم جزاكم الله الف خير

ابشركم كنسلت الموعد وابجلس انتظر قبول الجامعه افضل لي واريح لااعصابي اخاف ازل واغلط واقولهم اني انتظر قبول جامعه ويقولون روحي انقلعي اجلسي في بيتكم لين يجيكم قبول الجامعه
ارجعي لنا

بس الان افكر لو جاني قبول الجامعه بعد شهر او شهرين هل اقدر اكنسل معرفي حق سفاراة الظهران واحجز على سفارة الرياض تتوقعون سهل ولا صعب ولا احجز من جديد وخصوصا اني سددت رسوم السيفس وش رايكم وش الحل ؟ ولا راح يكتشفوني اني منكسله حق الظهران