December 17th, 2008, 03:23 PM
السلام عليكم ورحمة الله وبركاته
اليوم بحمد الله تمت مقابلتي مع السفارة الامريكية بالرياض وجايب لكم التفاصيل كلها
اول شي ببدا في المتطلبات للمقابلة (طبعاً فيزا دراسة ) هذي لااااااااازم تكون عندكم
1-الـــi20
2- صورة من الــi20
3- نموذج 156 , 157 , 158
3- شهادة الثانوية << المترجمة بسسسسس
4-صورة حديثة 5*5 انتبهوا لازم تكون جديدة وبقولكم ليه
5- الضمان المالي لدراسين على البعثه .... والشهادة المصرفية لدراسين على حسابهم الخاص
6-الجواز
7- صورة من الجواز
8-صورة صفحة تأكيد تسديد رسوم السيفيس
9-وصل تسديد رسوم السفارة الامريكية من بنك سامبا 498
10- طباعة صفحة تأكيد موعد المقابلة
بس كذا
واللي حاب يتطمن بنسبة 200% يجب جوازه القديم ويجيب كشف حساب مختصر لأخر ثلاث شهور< طبعاً الدارس على حسابه
اللي مستعجل وحاب يعرف الاسئلة في المقابلة راح اكتبهم اخر الموضوع.
رحت مواصل من الخوف يعني خايف انام وما اصحى
صليت الفجر وجلست ع النت شوي وبعدين رحت لسفارة
اول شي وصلت السفارة الساعة 7.15 دقيقة
اشوف قدامي سرا طووويل قلت الله يسترر طبعاً اللي بيشوف السرا بيقول مايمديني اليوم من طوله
جلست انتظر يجي دوري
طبعاً الجو بالرياض يذبح البـرودة كلها ياشيخ انا جالس اتراجف
جات الساعة 7:45 دقيقة وباقي قدامي ثنين
وفيه امريكية عجيز اشوفها تتكلم مع البشرية كلهم
عاد انا ماعندي ذيك اللغة خفت اتوهق اقول الله يستر بجد
اشوف الامريكية ترسل ناس على المبنى الي باليسار وناس يصفون سرا جمبها بس الاغلبية توديهم ع اليسار وماعاد نشوفهم
شوي واسمعها تقول اي ونت سي يور ابوينت منت
واللي صافين بالسرا يطلعون ورقة تأكيد الموعد
وطلعت الورقة وخليتها على الملف
ويسألني اللي وراي كم يبون صورة يابو الشباب قلت 3 اتوقع وشيكت على التعليمات لقيت وحده بس
شوي يقولي وش اقول لها ذي معرف اتكلم قلت له بغيتك عون صرت فرعون انا معرف اتكلم معها هههههه
وجا دوري
اول شي عطيتها ورقة الموعد وطلبت تشوف صورتي وعطيتها من اللحسه سألتني شي مدري وشو
تقولي آولد<<<<< انا فهمتها عمرك قلت 20<< ينقال فاهم قالت لاااا جديييد <<بالفصحى وتأشر على الصورة حسيت نفسي ابو 5 سنوات يلعن اووم الإحراج ياشيخ قلت اي جديد
ودبست الصورة على النموذج 156 اتوقع وخذت مني صفحة الموعد
واشرت علي اصف سرا
اثاري اللي يروحوا يسار ناقصه اوراقهم يعني مالها داعي على ذا البرد والوقت ذا كله تروح تعدل اوراقك وترجع فالاتنسوا الــ10 متطلبات اللي كتبتها فوق عشان ماترجعوا
واسمعها تقول للي وراي الصورة تختلف عن وجهك الحالي صاير افاتح فيها وارسلته للبمنى اللي ع اليسار مع الناس
حاولوا تكونوا مصورين قبل المقابلة بفترة بسيطة لأني سألت الرجال متى مصور يقوولي ابد صورة صورة وبعدين رحت للبر 5 ايام وجيت واسمريت شوي <<شوفوا قد ايش دقيقين
المهم
فيه وحنا صافين شباك على يسارنا فيه سكيروتي يسأل يو هاف موبايل اور ريموت كنترول
يبغى اللي عنده جوال ولاريموت كنترول حق السيارة ياخذه ويحطه بملف ويعطيك كرت احمر صغير
انا ماجبت شي
وفيه باب قدامنا يدخلون فيه دفعات كل دفعة شخصين
دخلت ولقيت سكيروتيين يقولي طلع اللي بجيبك كامل والساعة والحزام اللي لابسه
و اشيل الجزمة(وانتوا بكرامه)وحطها بالجهاز
وبعد التفتيش فيه مصرية اسمها فاطمة توي بلبس الحزام والساعة تقولي لا ود الاغراض زي ماهم للمبنى الثاني فيه تفتيش بعد
طلعت مع الباب ومشيت بساحة كبييرة شوي
وحصلت بوابة شوي كبيرة ودخلت معها على حسب كلام المصرية
وفيه هناك تفتيش بس هالمره اللي يسوي التفيش هندي اخلاقه شوي تجاريه
يعني انتبهوا لاتسوو اي شي الا اذا طلب منكم << لأنه فشلني
يطلب تنزلوا الاغراض بصندوق اللي حاطه وتمروا بالجهاز وبس وبعدين تقدرتوا تلبسوا اغراضكم وانتوا مرتاحين
تطلع ع اليسار
وتدخل مع الباب تلاقي ممر طولي وكله كراسي وتلاقي فيه شوي زحمه
اول ماتدخل يجيك سكيروتي ويعطيك رقم
طبعاً تجلس شوي فيه قدامك واحد امريكي اسود واناس قاعدين قدامه
هذا طال عمرك يعلمك وش الاشياء اللي لازم تعبيها >لاحظوا مو الغلط بس يعلمك وش ناقصك
تنتظر دقيقتين ولا ثلاث لأن ماعنده زحمه بينادي على رقمك وياخذ منك النماذج رقم
156 , 157 ,158
وانا مستانس اقول اكييييييييد مو مأشر على شي انا ماخليت شي الا ومتأكد منه
اخرتها اشر لي على 5 خانات
طبعاً لأني معرف انزل صورة من النماذخ راح اقولكم ارقام الاسئلة
اخطــائــي:
نموذج رقم 156 الصفحة الأولى رقم السؤال 15
عنوان المنزل......
ماكتبت شي نسيت
نموذج رقم 156 الصفحة الثانية سؤال رقم 34
34- اسماء الاشخاص الذين سوف يسافرون معك وماعلاقتك بهم
انا مو متزوج فا خليته فاضي
التصحيح
(NONE)
نموذج رقم 157 سؤال رقم 8
الاسم الكامل وعنوان الارقام والاتصال بشخص او شركة او جامعة لها علاقة بك في الولايات المتحدة..؟
(NONE)
نموذج رقم 157 سؤال 9 اكتب جميع الدول التي سافرت لها من عشر سنوات مع التاريخ.؟
انا كتبت دولة وحده بس ماحددت التاريخ
يعني مثلاُ انت رحت الإمارات ومصر والكويت
تكتب
kuwait 2002-2003
Emirat 2005-2006
egypt 2006-2006
حتى اللي مو عارف التاريخ يكتب اللي يتوقعه
لاتنسوا التواريخ ترى ناس كثيير اشوفهم يصححوا
نموذج رقم 157 سؤال رقم 10 اكتب جميع الدول التي اصدرت لك جواز السفر
التصحيح:
انت بتقرا السؤال وبتقول مافيه دولة اصدرت جواز لي وماراح تجاوب عليه ولا بتجاوب بـNONA
الصح تكتب Saudi Arabia
نموذج رقم 157 سؤال رقم 12 اكتب معلومات اخر جهتين عملت بها (لاتكتب عملك الحالي)
التصحيح
NONE<< طبعاً لطلاب
--------------------------------------------------------
ياشباب لاحد يترك شي فاضي بالنموذج رقم 156 و157 مهمين مرره
ترى فيه غلط شفت كل الطلاب يصححونه
اللي هو نموذج رقم 157 سؤال رقم 17
معلومات مدارس ومعاهد التي التحتقت بها بعد الأبتدائية(بالإضافة إلى المعاهد الصيفية)
لاتنسوا تكتبوا التواريخ من كذا إلى كذا
يعني مثلاُ
درست انا في متوسطة الملك عبدالله... رقم التيلفون العنوان 
..) المرحلة (تكتب متوسطة) تاريخ الألتحاق >>هنا شباب يلغطوا يكتبوا بس 2001 مثلاُ الصح تكتب 2001- 2002
ودرست في متوسطة الامير سلطان بن عبدالعزيز نفس الحكاية والتاريخ 2002- 2004
ودرست في ثانوية المدينة المنورة 2004-2007
-------------------------------------------
نرجع نكمل احداث المقابلة
لاتقط الرقم اللي عاطك اياه السكيروتي
مشيت في الممر ولقيت سكيورتي ثاني ينادي على الارقام <نفسها طبعاً
ورحت لشباك على طول وعطيته اوراقي كان شباك رقم 1 سوداني هو حبوب شوي بس مستعجل مدري ليه هع
عطاني الاوراق اللي مالها داعي وانا حاطها بالملف >اللي هي شهادة الثانوية<باللغة العربية
وورقة انا حاطها جايه مع الاI20 < بس مالها فايدة
وطلب مني صورة للجواز وصورة للـI20
انا من زود التخريع جايب معي ملف ثاني اتوقع فيه 100 ورقه 
كل شي مصور منه ثلاث نسخ حتى بطاقة الاحوال صورتها وجايب كشف حساب وخرابييط عاد طلعت له اللي يبه واخذ جوازي ودبسة مع بقية الاوراق
انا استانست توقعت المقابلة خلصت 
طلع يقولي انتظر
وطلعت من الغرفة اشر لي السكيورتي اني اجلس بالقاعة الكبيرة
هنا راح تلاقوا الزحمه اللي كانت بررى
ولاحد يرمي الرقم القديم باقي تحتاجه
وجاني خويي هذاك القديم اللي يسأل كم يبون صورة
جلسنا نسولف شوي واطالع قدامي فيه 10 شبابيك تقريباً
وكل شوي ينادون لرقم
انا وخويي نقوم على باله رقمنا 
وجا رقمي اخيراً وانا ماشي وقلبي 33الف نبضة بالدقيقة من زود الرعب
الا والامريكي يأشر لي بيده وهو معصب يقووولي كووويك لي اقوله سوري ولامعبرني
قلت في بالي عدل ياولد عز الله الفيزا تحت الإجاراءات لمدة 6 شهور وقالي كيب يور هاند ويأشر بيده على آلة قدامي
واخذ بصماتي وقالي خلاص روح
انا اقول خير ياولد خلصت المقابلة يأشر لي بنناديك روح
ويافرحه ماتمت
جلست مع خويي شويات ونادوا لي بلهجة عربية : رقم ... واسمي(....) تعال شووبآآك اثنا عشرر
الأسئلة في المقابلة.
-------------------------------------------------------------
جيت لها الا وامريكية وش حليلها
على طول شغل التميلح عاد اقولها
هاي
ردت هاي
جود مورنق وردت علي
وهوار يو <<ههههههههههه مابقى الا اقولها حياك الله على العشا
الموهم البنت حبوبه تبتسم لي
قالت تيك فون
هنا عاد قلت لها ام سوري ام ليتل سبيك انجلش 
تقول سوف اتحدث معك بالفصحى
1- لماذا اخترت الدراسة في الولايات المتحدة الامريكية
لأنها دولة تملك افضل الجامعات في العالم
2-مااذا تعرف عن المدينة ....<<اللي بدرس فيها
مدينة رائعة وحضارية
3-ماهوا التخصص الذي سوف تدرسه
هندسة كهربائية
4-هل تعرف شخص بالولايات المتحدة
نعم الدكتور ......
5- من هو الدكتور .....
هو صديق العائلة وهو العميد السابق للجامعة والآن متقاعد
6-كيف عرفة الجامعة ......
عن طريق الدكتور.... والأنترنت
7-اين سافرت من قبل
انا كاتب في الأبلكيشن البحرين وفعلاً انا خلال العشر سنوات ماسافرت غير البحرين بس قبل سافرت لدول ثانية
جاوبتها : نعم سافرت البحرين وسوريا وقطر
8- سوريا اين بسوريا؟
قلت بولدان< المنطقة يعني
قالت زرت ..............؟ هنا بصراحة يعني انصدمت وش عرفها ذي هههههههههههههههه
قلت لها اني سافرت سياحه فقط وبعدين انا سني
((مع احترامي للآخوان في جميع المذاهب))
9- من سيتكفل بمصاريف دراستك
الوالد
10- كم المدة التي ستقضيها في الولايات المتحدة
5سنوات
وبسسس
بعدين شفتها ماسكه الــI20 حقي وصافطته بالطول ودبست عليه ورقة صفرا
انا مدري وش قصة الأوراق خصوصاً اشوف المواضيع بالمنتدى اللي ورقه زرقا واللي حمرا وخضراا وصفرا المهم اني معرف شي عنهم بس خفت تقولي اقرى الورقة
((شكراً لاختياركم الدراسة في الولايات المتحدة الامريكية. الرجاء ترك هذا المنوذج مع جواز السفر .سوف تحتاج ابرازه للضابط المسؤول في مكتب الهجره لدى وصولك الولايات المتحدة الامريكة)).
تقولي سوف نرسل جوازك خلال اسبوعين ومعه الفيزا
وانا اللي تشققت من الوناسه واخيراااااااااااااااااً
اقولها ثآنكيو ثانكيووو
وام سوووري بيكوز ام نت سبيك انجلش تقولي لاعليك وهي تبتسم
لو انها جمبي كان بست راسها هههههههههه
وعطتني ورقة اعطيها للفيدكس
مكتب الفيدكس بنفس القاعة
رحت له وعطيته الورقة الصغيرة طبعاً غير اللي بالـI20
هذيك مايفكها الا موظف مكتب الهجره
وعطاني ورقة اكتب فيها اسمي ورقم جوالي وبعدين قال وين نرسله لك
قلت الدمام يقولي طيب بنكلمك اول ماتوصل الفيزا وعطاني ورقة وطلب مني 125ريال
--------------------------------
ماعليش كثرت هذره بس لآخذ الفائدة يعني
شوفوا ياشباب انا حضرة ملتقى المبتعثين في فندق مرديان الخبر من كلام الدكتور عبدالله الموسى
يقول حنا تفاهمنا مع السفارة الامريكية وفهمناهم انه ماله داعي بعض الطلاب تأخذ فيزتهم ثلاث شهور واكثر
ويقوول الإجراءات تغيرت عن قبل اللحين راح يتساعدون معكم وعلى فكرة اغلب اللي اعرفهم شخصياً اجراءات الفيزا ما عدت اسبوعين وغالبية الفيز جاتهم 5 سنوات
يعني بأذن لله ماراح يصير الا كل خير
كل اللي عليكم تتوكلون عل الله وتكملون اوراقكم وان شاء الله كل شي بيكون تمام
النماذج المطلوبة:
http://www.state.gov/documents/organization/79965.pdf اي استفسار انا حاضر
LinkBack URL
About LinkBacks
December 17th, 2008, 03:23 PM
(NONE)
ردت هاي
http://www.state.gov/documents/organization/79965.pdf