الأعضاء الإشتراك و التسجيل

الملتقيات
ADs

السفارة الأمريكية .. من طق طق الى السلام عليكم

السفارة الأمريكية .. من طق طق الى السلام عليكم


NOTICE

تنبيه: هذا الموضوع قديم. تم طرحه قبل 5568 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية 3zzam
    3zzam

    مبتعث مستجد Freshman Member

    3zzam الولايات المتحدة الأمريكية

    3zzam , ذكر. مبتعث مستجد Freshman Member. من الولايات المتحدة الأمريكية , مبتعث فى الولايات المتحدة الأمريكية , تخصصى MSF , بجامعة Texas A&M University
    • Texas A&M University
    • MSF
    • ذكر
    • Dallas, Texas
    • الولايات المتحدة الأمريكية
    • Aug 2008
    المزيدl

    December 31st, 2008, 09:20 AM

    بسم الله الرحمن الرحيم

    الحمد لله رب العالمين .. والصلاة والسلام على اشرف الأنبياء والمرسلين .. نبينا محمد وعلى آله وصحبه اجمعين .. اما بعد :

    السلام عليكم ورحمة الله وبركاته ..

    موضوعي ان شاء الله راح يفيد الكثير من الطلاب وهو تجربتي مع السفارة الامريكية بالرياض .. ونبدأ من البداية .. ما لي ساعة طالع والحمد لله الامور سهلة


    صحيت الساعة 6 صباحا .. توضيت وصليت .. ولبست وأخذتلي فنجان شاهي وطلعت احمي السيارة , بعد ما تحمت السيارة طلعت مع مخرج 10 على الدائري الشرقي ( بسبب سكني في مخرج 10) لما جاني مخرج 8 وطلعت معه ومسكت طريق الدائري الشمالي .. الـــى مخرج 1 وطلعت نفس الشي على الدائري الغربي ( او ما يسمى طريق الملك خالد على ما اعتقد ) المهم وصلت لمخرج السفارات .. دخلت معه سألني العسكري وين رايح .. قلتله للسفارة الامريكية .. قالي ثالث دوّار خذ يمين .

    المهم دخل واول دوّار رحت قدام , ثاني دوّار رحت قدام , ثالث دوّار رحت يمين , جاني دوار ثاني رحت قدام , جتني المواقف كبيييرة على اليسار والسفارة من الجهة الثانية من المواقف اما على اليمين كان فيه مبنى الأمم المتحدة .. سألت العسكري الواقف هناك من وين السفارة .. اشر لي على الطريق .. وشفت الناس تمشي له .. وقف السيارة ونزلت وتوجهت للطريق.

    وقفت بالطابور على الساعة 7 الا ربع صباحا .. وفي تمام الساعة 7 حضرت الموظفة الامريكية اللي تشيّك على الأوراق معها قهوتها هههههه تستقبل الناس بإبتسامة وتسأل عن احوالك, شيكت على اللي قدامي لمّا جاء دوري اخذت: ( 1- ورقة تأكيد الموعدة , 2- ايصال الدفع من بنك سامبا , 3- النماذج 156 و157 و158 وشيّكت عليها بشكل سريع , 4- صورتين خلفية بيضاء وبدون نظارة او شي فوق راسك ) دبست الصورة بالاوراق ومشيت ,وقفت عند الباب المؤدي لداخل السفارة في انتظار دوري في الدخول , هنا وقفة للأهمية .. هناك الكثير من اللي صوّروا صورهم لم تكن بالاضاءة او الوضوح المناسب .. فطلبت منهم الموظفة الذهاب لإلتقاط صورة جديدة وهي راح تدلكم على المكان , فأحرصوا على ان تكون صوركم بإضاءة مناسبة وممتازة علشان تختصرون الوقت.

    قبل دخولي للسفارة وانا في انتظار دوري كان جنبي كاونتر .. هذا الكاونتر الغرض منه اذا عندك جوال او ريموت سيارة او لابتوب ... الخ .. تحطها عنده بظرف ويقفل الظرف ويعطيك رقم علشان وانت طالع تاخذ اغراضك .

    دخلت السفارة وهو باب يدخل كل شخص على حده ( كل واحد لحاله ) اول ما تدخل تحط كل اغراضك في صندوق يمرره بالأشعة وكذلك الجزمة وانتم بكرامة , وتروح انت تدخل من بوابة الاشعة علشان يتأكدون مامعك اغراض ثانية . وبعدين تلبس الجزمة وتستلم اوراقك واغراضك وتطلع مع الباب المقابل .

    اذا طلعت تتجه مباشرة قدامك فيه باب كبير .. تدخل معه وتحط اغراضك بنفس الصورة السابقة .. وتخلع جزمت وانت بكرامة وتدخل مع بوابة الاشعة مرة ثانية .. بعدين يوجهك مع المكان وهو ممر طويل ( سيب طويل هههه ) اول ما تدخل يعطيك رقم .. وانت ماشي يوجهونك بشكل ممتاز وواضح .

    تدخل القاعة الأولى وهي قاعة التأكد من الأوراق السليمة:
    هي قاعة تجي على يدك اليمين ,في هالقاعة اذا جاء رقمك ( او انه بالدور او السراء ما ادري لأني اول مادخلت كان فاضي) تروح للكاونتر وهو يطلب منك الأوراق ورقة ورقة علشان يرتبها يطلب الجواز والنماذج المعبأة ( 156/157/158) ويتأكد من التواقيع ومن انها كاملة ويطلب ورقة اثبات دفع السيفيز, الضمان المالي اطلع عليه ورجعه بدون ما يطلبه .. الخ من الأوراق , ولكن هنا وقفة .. في النموذج 158 اعتقد هو اللي تكتب فيه اسماء اهلك .. يسألك يقول اللي كتبتهم كلهم ولا باقي احد ما كتبته .. انا كتبت في جميع الفراغات المتاحة وبقى 4 خوات الله يخليهم يارب .. المهم قلت لا باقي .. عطاني ورقة ثانية كتبت فيها اسمائهم وعناوينهم والأرقام. وكان رجل حبيب يستقبلك بابتسامة وسهل التعامل معه

    و بعد ماتخلص من تسليم الأوراق يقولك اطلع للممر واتجه يمين ( يعني تكمل الطريق في الممر) , اذا وصلت آخر الممر تحصل مجموعة كراسة كثيرة نسبيا .. تروح وتجلس عليها الى ان يناديك الكاونتر برقمك اللي اخذته من اول الممر , ويقول الكاونتر رقم كذا .. مثلا ( رقم سبعة الى الكونتر رقم 6) , بالنسبة لي اول مرة اقدم على السفارة الامريكية .. فــ رحت لأول كاونتر ناداني بالرقم وكان كاونتر رقم 6 .. وكان عربي حبيب جدا طلب يآخذ البصمات .. وما أخذت وقت خلال دقيقتين خلصت وقالي اجلس الى ان يناديك الكاونتر رقم 7 , اعتقد هذي فقط للي أول مرة يدخلون الولايات المتحدة او أول مرة يقدم على السفارة لأنه فيه ناس بدون ما يوقف على هالكاونتر يروح على كاونتر 7 مباشرة .

    المهم .. بعد فترة عشر الى خمسة عشر دقيقة مرّت بشكل سريع الى حد ما .. ناداني الكاونتر رقم 7 , رحت له .. امريكي يتكلم بالعربي بشكل جيد حبيب جدا .. جلست عنده دقيقتين او اقل .. سألني سؤالين :
    الأول: ليه اخترت هالجامعة والمدينة .
    الثاني: هل لك احد تعرفه هناك.
    وعطاني كرت ازرق وقالي ان الجواز راح يطلع بعد اسبوعين , وقالي رح للفيديكس وسجل اسمك علشان يوصلك الجواز ..
    رحت للفيديكس عطيته الكرت عطاني ورقة بيضاء فاضية قالي عطني اسمك ورقم جوالك علشان نتصل عليك .. وقعد يعبي البيانات .. وطلب مبلغ 65 ريال .. واذا كنت من الشرقية يطلب 125 ريال (كانت جنبي وحدة بالشرقية وطلب منها كذا) هههههههه

    وطلعت من نفس المكان اللي جيت منه وأخذت اغراضي ( مفتاح السيارة فقط لا غير ) لان باقي الاغراض حاطها بالسيارة .. وكان خروجي من هناك في الساعة 8 وو 23 دقيقة صباحا


    ارجوا يكون الموضوع مفيد للي يروحون اول مرة للسفارة


    ولا تنسونا من خالص دعائكم

    تقبلوا تحياتي
    3zzam
  2. مشاء الله عليك نفس الي صار لي بس انا الي اخذت اوراقي سوريه نفسها شينه والي قابل معي امريكيه حبووووووووبه


    بس الغريب تقول عطاك كرت ازرق واخذ جوازك !!

    انا عطتني اصفر واخذت جوازي ورقه مكتوب عليها من اسبوعين الى ثلاث تكون الفيزا جاهزه والي عطوهم كرت ازرق اخذو جوازاتهم !!
    7 "
  3. ههههههههههههههههههه شرهتك على اللي شافه

    مدررري والله بس الموظف قالي اسبوعين ويطلع الجواز ..

    بالنسبة للقبول .. معهد فقط .. بس حطيت بالابلكيشنز اني رايح ادرس لغة وماجستير وراح تآخذ تقريبا 3 سنوات
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.