الأعضاء الإشتراك و التسجيل

الملتقيات
ADs

اجب وأنا اسأل !!

اجب وأنا اسأل !!


NOTICE

تنبيه: هذا الموضوع قديم. تم طرحه قبل 6391 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية mo7ammad
    mo7ammad

    مبتعث فعال Active Member

    mo7ammad غير معرف

    mo7ammad , تخصصى NONE , بجامعة YIC
    • YIC
    • NONE
    • غير معرف
    • PERTH, Yanbu
    • غير معرف
    • Jul 2006
    المزيدl

    September 30th, 2006, 07:56 AM

    انا عارف عنوان الموضوع شدكم لاكن عيدوا اقروه مره ثانيه بتمعن .

    اول شي احب اقول كل عام وانتم بخير ورمضان كريم علينا وعليكم وكلها كم شهر ويجي رمضان الجاي واقول بعد كل سنه وانتم طيبين ((ويروح رمضان ويجي رمضان ومافيش ياحبيبي أي بيان !! )) <<<موجه الاغنيه للوزارة

    الا على طاري الوزارة مافيه اخبار جديده ؟؟
    لنا كم يوم الاشاعات ماتوقف كل شوي واحد ناقز بموضوع عن موعد الاعلان للاسماء النهائيه اللي يقول اتصل وقالوا له واللي يقول ولد عمه يعرف واحد بالوزارة وعطاه الموعد واللي جاهم وماطلع الا بالعلم الاكيد واللي يقول انا كنت اعبي بنزين بالمحطه وسمعت العثمان يكلم العامل الهندي عن موعد الاسماء هههههههههههههههه صارت سالفة في كل محل , والله مهزله لا والمشكله كل الاشاعات يردونها عن زامل العثمان المسكين , صار شماعه كل من جاء علق عليه ورد الخبر عنه ... ماعلينا .

    ندخل بالموضوع
    اول شي انا الحمد لله جاني قبول من الجامعه بامريكا قبل يومين ( ماابي احد يقول لي مبروك ابيكم تقولون حمد الله على السلامه ) وطبعا ماابي اقول اسم الجامعه لاني ماابي أي احد يتبهذل زي ماتبهذلت انا , داعية عليه امه اللي يقدم على هاذي الجامعه , مالت عليهم 3 شهور وانا في حالة كر وفر معهم لا وفي النهاية بعد ماارسلوا الا قبول من معهد الانجليزي بس ! طوفان انشاء الله يجيها ويدمرها طبعا بعد مااخلص دراستي فيها واكيد بعد مايكون فيها أي سعودي ويارب مايكون فيها أي مسلم وبعد أي انسان او أي مخلوق انشاء الله مايجيها أي شي لانه يمكن تكون لي فيها ذكريات جميلة خخخخخ . بس كل اللي ودي انه ينكسر قزاز شباك مكتب مديرة قسم الانجليزي في المعهد ((جيني)) لانها هي المسؤله عن تاخيري وعلشان تحس بشئ بسيط من اللي جاني بسببها >>>>>>> غلبته العاطفه .

    طبعا بعد ماجاني القبول رحت علطول وعدلت في بياناتي اللي في موقع السفارة وطبعا دخلت رقم الاي تونتي الصدقي مو الخيالي اللي انا دخلته قبل وبكذا ولا اول مره احس اني نصاب وانا ادخل الرقم الجديد وابتسم ابتسامه المكر والدهاء ولسان حاله يقول ( تغدينا فيهم قبل يتعشون فينا ) هاهاهاهاها <<<. وش رايكم بضحة المكر والدهاء؟؟
    بس وش نسوي مجبر اخاك لابطل ,, الله يستر احس انهم بيزقطوني هههههههههههههه . وانا انصح أي واحد دخل رقم أي تونتي عشوائي انه يلحق يعدل لانه يوقفون التعديل قبل المقابلة باسبوع انا ستر الله علي والله ماكان باقي على ايقاف التعديل الى يومين. يعني لو تاخر الايتونتي يومين بس رحت فيها.

    المقابلة مع السفارة بعد اسبوع والوزارة حايسة وملخبطتنا معها والضمان المالي ماكو وانا مخلص كل اوراقي ومتوقف على الضمان المالي :

    كل ماقلت هانت جد علم جديد,,, ان قلت زانت خالف الوقت ظني ..... وان قلت هانت عاجلتني بلاوي .

    طبعا انا قررت بعد تدبر وتمحيص دقيقين في موضوعي وبعد البت فيه مع اعضاء المجلس العالي في عائلتنا الموقرة عزمت امري ان اطلع ادرس على حسابي حتى اشعار اخر وانشاء الله يجي الاشعار هذا قريب هههههه.

    انا عارف ان الوزارة تطلب كشف حساب لاخر ثلاث شهور وطبعا انا مايهمني لان الوالد حط وديعه في حسابي بمليار ريال <<<<< الشطار فقط يفهمون . وكل هذا علشان اوري السفارة الامريكيه ان عندي فلوس, وبصراحه هو حط الوديعه هاذي لانه شافني من المنكوبين مع الوزاره هع هع هع.

    طيب حنا مانطول عليكم انا استفساري كله للي راح السفارة وقدم لهم كشف حساب لاخر ثلاث شهور ,

    كشف الحساب لازم يكون بالعربي ولا بالإنجليزي وبالريال ولا الدولار ؟؟
    ومتى يجب اسدد رسوم المقابلة مع السفارة ببنك سامبا ؟؟

    دمتم سالمين وشكرا
  2. اخوي انا توي جاي من السفارة
    وكان ناقصني ثلاث شغلات
    الضمان المالي وهو خطاب من البنك بتوفر مبلغ لا يقل عن 30 الف دولار بالحساب
    الشئ الثاني صور شخصية لك بخلفية بيضاء بدون شماغ الظاهر يبون 4 في 6
    الشئ الثالث تسديد رسوم المقابلة او الفيزا كل واحد يسميها على مزاجه ببنك سامبا قيمتها 380 ريال وجيب الوصل معك
    وشكراا
    7 "
  3. ابو صالح مشكور على مرورك وموفق انشاء الله مع موعدك , انا سؤالي اذا ابغى اطلع كشف حساب باسمي لان زي منت عارف الوزارة ماعندها ضمان مالي الى بعد الاسماء وانا ابي اعرف طريقة كشف الحساب وش لون تكون بالعربي او الانجليزي او ورقة توضح المبلغ فيها بغض النظر عن قيمة المبلغ!! ,, تحياتي وشكرا
    7 "
  4. كشف الحساب لازم يكون بالعربي ولا بالإنجليزي وبالريال ولا الدولار ؟؟
    يكون بالعربي أو الإنجليزي
    عموماً العمليات راح تكون بالإنجليزي
    والريال-دولار ماتفرق
    ومتى يجب اسدد رسوم المقابلة مع السفارة ببنك سامبا ؟؟
    نصيحة
    ادخل حي السفارات قبل موعدك بيوم
    وروح لفرع البنك الأمريكي اللي في نفس الحي
    وسدد
    ويوم المقابلة ادخل لهم ومعاك الوصل

    ملحوظة وتنوية:
    الصورة المطلوبة
    مقاس 5×5
    على خلفية بيضاء
    بدون شماغ أو غطاء على الرأس

    وأي سؤال نحن دائماً بالخدمة

    دمتم سالمين وشكرا
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.