مبتعث جديد New Member
الولايات المتحدة الأمريكية
mrs_bebi , أنثى. مبتعث جديد New Member. من السعودية
, مبتعث فى الولايات المتحدة الأمريكية
, تخصصى MBA
, بجامعة ELS CONCORDIA
- ELS CONCORDIA
- MBA
- أنثى
- PORTLAND, OR
- السعودية
- Apr 2007
المزيدl January 22nd, 2009, 08:56 PM
January 22nd, 2009, 08:56 PM
السلام عليكم ورحمة الله وبركاته ،، أنا مبتعثة من المرحلة الرابعة لأمريكا - ماجستير ورايحة إن شاء الله أنا وزوجي وولدي عمره سنة ونص في البداية استلمت قبولي من أيام الملتقى وكان معهد ELS في Portland بولاية Oregon ومقره داخل جامعة كونكورديا وللعلم هي جامعة غير معترف بيها من وزارة التعليم يعني ما نقدر نلتحق بيها. وطبعاً زوجي راح يدرس هماك إن شاء الله فكان لازم نجيب له قبول من نفس المعهد، دخلت موقع المعهد www.els.edu وطبعت الأبليكشن تبع القبول وجهزت الأوراق المطلوبة وأرسلته عن طريق أرامكس لأنه عندي تخفيض فيه وكلف تقريباً 100 ريال بعد التخفيض دي اتش ال يكلف حدود 480 ريال وفيديكس حوالي 320 ريال مو فاكرة تمام المهم كان وقتها راس السنة والإجازات حقتهم بس الحمدلله كان في أحد مداوم .. المهم أنا من جدة أرسلت الأوراق الخميس، يوم الأحد كانت هناك وآخر الأسبوع أرسلولي قبول زوجي مع I-20 حقه والـ I-20 لمعدل حقي وحق ولدي لأنه تم تغيير عدد المرافقين إلى 1 بدل 2 بحكم إنه زوجي صار طالب لوحده مو مرافق. أنا كنت آخده موعد في السفارة من بدري بأرقام الـ I-20 القديمة يوم 31 يناير ولما جات الجديدة عدلت البيانات وكمان قدمت الموعد إلى 19 يناير، وكمان مرة قدمته إلى 13 يناير إللي هوه الموعد اللي رحنا فيه. حجزنا للرياض يوم 12 يعني قبلها بيوم وكانت رحلتنا في الليل لكن الحمدلله زوجي قلي قدميها وقدمناها لرحلة الساعة 3 ومرة الحمدله لأنه مرة كان الطريق زحمة إلى ما وصلنا الأجنحة الفندقية اللي حجزنا فيها وكانت في طريق العليا واسمها بودل وخدماته فندقية والحمدلله استفدنا من هادي النقطة لأنه الساعة 5 الفجر اكتشفت خطأ في النموذج Ds-156 حقي وحق زوجي وكان عندهم مركز أعمال عدلناها فيه وطبعناها تاني. خرجنا الساعة 6:50 دقيقة تقريباً وكان الجو بارد جداً فيا ليت تحسبوا حسابكم ورحنا بليموزين على السفارة، المشوار أخد 15 دقيقة وكلف 25 ريال، نزلنا الليموزين وكملنا مشي لجوا.. وصلنا للسرا اللي واقف، كان تقريباً قدامنا 10 أو 12 شخص بس مشيوا بسرعة .. المهم وصلنا للأمريكية اللي برا في واحد قدامنا مشته عشان صورته مقاسها غلط صغيرة وقالتله روح اتصور وارجع تاني، المهم طلبت اوراقنا شيكت على ورقة الموعد مرة مهمة والصور وقالتلنا nice picture وشيكت بسرعة على اوراق رسوم سامبا وقالتلنا اتفضلوا، طبعاً أنا ما اخدت ولدي معايا ومو مطلوب أي طفل أقل من 14 سنة إنه يحضر إلا لو طلبوه لاحقأً بس أهم شي يكون معبأ له أبليكشن DS-156 المهم صفينا سرا تاني وكانوا يدخلوا واحدواحد بس لو أحد معاه مرافقين يدخلوا مع بعض، قبلها في شباك تسلم فيه جوالك والريموت كنترول .... ويعطوك الظرف تدخله معاك مرينا في أول تفتيش ومرة رحبوا فينا وقالولنا اكيد مرة بردانين وكانوا مرة متعاونين، طلبوا مني أحط صندلي الله يكرمكم في الجهاز وكل أغراضي ساعتي والمحفظة لأنه ما اخدت شنطة معايا بس في ناس كانوا أخدين شنط ودخلوها معاهم عادي و لما جا دور زوجي مرة دخلوا صحبة معاه حتى جا يشيل جزمته اله يكرمكم حلفوا عليه انه يرجعها وما يفصخها .. مرينا من التفتيش الأول ودخلنا من باب لساحة مفتوحة وكان في واحد عسكري طويل معاه بندقية أطول منه وقال روحوا من هنا سيدا سيدا .. ودخلنا من باب تاني في تفتيش تاني نفس الأول وبرضه كانوا مرة متعاونين وبعد مامرينا منهم رجعنا لبسنا اغراضنا ودخلنا في سيب طويل. أول شي يقابلك واحد يعطيك رقم زي حق البنك لازم تحتفظ فيه لأنه ينادوا عليك به 3 مرات وكان رقمنا 23 المرة الأولى نادونا عن شباك التشييك على الأوراق وكانت فيه الأردنية ولا السورية اللي بس تتأمر على خلق الله ومرة نرفزتني وقالتلنا ليش منتو مرتبين الاوراق طبعا مررة مسكنا اعصابنا لأنه أوراقنا مرة كانت مرتبة ومالوا داعي تتتفلسف. المهم اخدت الاوراق مع الجوازات وقالت خلاص روحوا انتظروا الين ما ينادوا رقمكم تاني. ملاحظة: الأوراق اللي اخدتها مننا كانت: - صورة من i-20 لكل واحد مننا ولازم تكون موقع تحت وكاتب التاريخ - الجوزات الأصلية لكل واحد مننا ولازم يكون باقي أقل شي 6 شهور على انتهاء الجواز مو من وقت التقديم لأ من وقت دخولك لأمريكا. - صور الجوازات لكل واحد مننا أنا صورتها ملونة في البيت طبعاً عشان بره ممنوع بس مولازم ملون اهم شي تكون واضحة. - صورة بطاقة الملتقى كضمان مالي للمبتعث يعني ليه، وشهادة بنكية لزوجي عشان هوه مقدم لفيزة F1 - صورة من كشف درجاتي، وكشف درجات زوجي لآخر مرحلة دراسية ومو لازم تكون صورة مصدقة.
- أيصال تسديد رسوم التاشيرة لكل شخص رايح يعني ليه وزوجي وولدي.
- إيصال تسديد رسوم السيفيس لكل واحد راح يدرس دوامكامل وفيزته F1 يعني أنا وزوجي.
- الأبليكشنات : 165 لكل واحد رايح ومدفوعله رسوم فيزا ولازم تعبيه اون لاين وتطبعه بعد ما يطلع الباركود
167 لأي شخص ذكر راح يروح طالب، مرافق ... أي شي يعني زوجي بس – ممكن تعبيه بالكمبيوتر او باليد
158 لكل طالب سواء مبتعث أو على حسابه .. يعني أنا وزوجي - ممكن تعبيه بالكمبيوتر او باليد
- I-20 لي ولزوجي وولدي الأصلي شيكت عليه ورجعته لنا
رحنا انتظرنا برا وكان زحمة شوية وكان في كاسي مرة كتير، بعد ربع ساعة تقريبا نادوا رقمنا تاني مرة ورحنا عشان التبصيمـ و قلنا خلاص انتظروا الين ما ينادوا رقمكم تاني.
رجعنا نفس المكان وانتظرنا مدة طويلة نوعاً ما تقريباً ساعة وأصلاً ما بدات شبابيك المقابلات تستقبل الناس غير الساعة 8 ونص وأعصابنا خلاص تعبت لأنه كم واحد كدا راح قبلنا وما اعطوه الفيزا لأنه قدامك كدا ..
بدأوا المقابلات والأرقام مو مرتبة مرة يعني ممكن رقمين يتأخروا شوية ويعدوا قبل رقم قبلهم وكدا.. على الساعة 8 و50 دقيقة تقريبا طلع رقمنا عند شباك 12
رحنا وطبعا المقابلة وانت واقف وبينك وبين اللي قابلك زجاج، واللي قابلتنا كانت أمركية مرة كووول ما شاء الله وزوجي دخل فيها عرض على طول وقلها قود مورننغ وقالتلنا قود مورننغ ورحبت فينا، بعدين طلبت مننا نعيد بصمات كم اصباع كدا شكلهم ما كانوا واضحين عندها. طلبت مني ارفع السماعة عشان اتكلم معاها وقالتلي فين راح تتركي ولدك، قلتلها راح آخدوا معايا، قالتلي لأ لما تروحي الكلاس راح تاخديه معاكي قلتلها لأ راح اتركه في الدي كير قالتلي أوكي، بعدين قالتلي ايش راح تدرسي قلتلها تسويق قالتلي ماجستير قلتلها ايوه.. وقالتلي خلاص اعطيني زوجك، اول سؤال سألته انت فين تشتغل دحينقلها مدير خدمة عملاء في شركة BMW قالته طيب أنا أبغى BMW قالها لو عندك فلوس كتير أجيبلك واحدة وجلست تضحك، زوجي راح يكمل بكالوريوس إن شاء الله فسألته كم كان معدلك في الثانوية قالها كان مرة واطي قالتله ليش قالها كان عندي ظروف في عائلتي بس انا اشتغلت في Ford فقالتله انا مرة أحب Ford وقالها عن كل الأماكن اللي اشتغل فيها من وقت تخرجه حتى الآن .. قالتله يعني انت اشتغلت على طول قلها ايوه، ورجعت مرتين سألته يعني ما جلست بدون شغل ابداً قلها لأ ،، قالتله ايش راح تدرس قلها لغة بعدين هندسة ميكانيكية وكان كل ما يقول شي تأشر على أوراقه وما اعرف ايش تكتب ،، بعدين سألته بكالوريوس وقالها ايوه وما اعرف كمان ايش كتبت .. بعدين سألته ليش اخترتوا بورتلاند وقالها لأنه مدينة جامعية وجوها رائع ،، قالتلنا انتوا رحتوها قبل كدا قلنالاها لأ بس قرأنا عنها في الانترنت .. آخر شئ سألتوا فين سافرت آخر 5 سنين قلها ولا مكان قالتله يعني ما عندك جواز قديم قالها لأ ،، قلتلها انا معايا تبغيه قالت لأ،، قالتلنا وشهر العسل قلنالها كان في السعودية لأنه كان عندنا شغل وما قدرنا نسافر،، قالتلنا طيب شهر العسل في امريكا .. اسبوع وتوصلكم الفيزا .. قالها زوجي كلامك معناه اننا راح نروح امريكا قالته ايوه واعطتي 3 ورقات صفرا قالت اعطوها لفيديكس وحوالي اسبوعين وتوصلكم الفيزا. واعطتنا ورقة صفراء صغيرة مكتوب عليها بالأسود شكرا لأختياركم الدراسة في الولايات المتحدة الأمريكية ورحنا لفيدكس ودفعنا 125 ريال وسلمنا الجوازات وخرجنا. طبعاً لو رحت بليموزين صعب تلاقي احد ترجع معاه، احنا بالصدفة كان في ليموزين منزل أحد ورجعنا معاه .. وكنا في الفندق الساعة 9 و20 دقيقة الحمدلله .. 
اليوم 22 يناير وصلت جوازتنا ،، جوازي انا وولدي كان جاهز من 14 يناير يعني بعدها بيوم بس كانوا ينتظروا جواز زوجي ماخلص غير امس سألت فيدكس اللي في السفارة قلي عادي مرة،، وارسلوهم امس الساعة 12 في الليل اليوم 10 ونص الصبح جاني مسج عالجوال ورحنا استلمناهم الظهر انا وزوجي ،، وكانت الحمدلله 5 سنين لنا كلنا وبقبول معهد فقط ..الحمدلله حالياً بأجهز أوراقي عشان اطلع قرار الابتعاث وامر الاركاب واكيد راح نوافيكم بكل التفاصيل .. أي استفسار انا في الخدمة .. 
ماشاء الله
الف مبرووووووك
الله يوفقكم يارب
بس بسأل عن الشهادة البنكية هم طلبوها ؟
وانتوا مسوين شهادة خاصة للسفارة ولا نفسها اللي قدمتوها عشان قبول المعهد؟
المقابلة كانت بالعربي ولا بالانجليزي؟
puzzle January 22nd, 2009, 09:22 PM
7 " ما شاء الله الف مبروووك وعقبال الشهاده
ابي اسألك بالنسبه للمرافق هل يذكر انه بيدرس على حساب الدوله او على حسابه الشخصي؟
يعني يحضر كشف حساب وشهاده بنكيه ولا لا؟
شكرا
الغلا2006 January 22nd, 2009, 11:20 PM
7 " 
LinkBack URL
About LinkBacks
January 22nd, 2009, 08:56 PM
السلام عليكم ورحمة الله وبركاته ،،أنا مبتعثة من المرحلة الرابعة لأمريكا - ماجستير
ورايحة إن شاء الله أنا وزوجي وولدي عمره سنة ونص
في البداية استلمت قبولي من أيام الملتقى وكان معهد ELS في Portland بولاية Oregon
ومقره داخل جامعة كونكورديا وللعلم هي جامعة غير معترف بيها من وزارة التعليم يعني ما نقدر نلتحق بيها.
وطبعاً زوجي راح يدرس هماك إن شاء الله فكان لازم نجيب له قبول من نفس المعهد،
دخلت موقع المعهد www.els.edu وطبعت الأبليكشن تبع القبول وجهزت الأوراق المطلوبة وأرسلته عن طريق أرامكس لأنه عندي تخفيض فيه وكلف تقريباً 100 ريال بعد التخفيض
دي اتش ال يكلف حدود 480 ريال وفيديكس حوالي 320 ريال مو فاكرة تمام
المهم كان وقتها راس السنة والإجازات حقتهم بس الحمدلله كان في أحد مداوم ..
المهم أنا من جدة أرسلت الأوراق الخميس، يوم الأحد كانت هناك وآخر الأسبوع أرسلولي قبول زوجي مع I-20 حقه والـ I-20 لمعدل حقي وحق ولدي لأنه تم تغيير عدد المرافقين إلى 1 بدل 2 بحكم إنه زوجي صار طالب لوحده مو مرافق.
أنا كنت آخده موعد في السفارة من بدري بأرقام الـ I-20 القديمة يوم 31 يناير ولما جات الجديدة عدلت البيانات وكمان قدمت الموعد إلى 19 يناير، وكمان مرة قدمته إلى 13 يناير إللي هوه الموعد اللي رحنا فيه.
حجزنا للرياض يوم 12 يعني قبلها بيوم وكانت رحلتنا في الليل لكن الحمدلله زوجي قلي قدميها وقدمناها لرحلة الساعة 3 ومرة الحمدله لأنه مرة كان الطريق زحمة إلى ما وصلنا الأجنحة الفندقية اللي حجزنا فيها وكانت في طريق العليا واسمها بودل وخدماته فندقية والحمدلله استفدنا من هادي النقطة لأنه الساعة 5 الفجر اكتشفت خطأ في النموذج Ds-156 حقي وحق زوجي وكان عندهم مركز أعمال عدلناها فيه وطبعناها تاني.
خرجنا الساعة 6:50 دقيقة تقريباً وكان الجو بارد جداً فيا ليت تحسبوا حسابكم ورحنا بليموزين على السفارة، المشوار أخد 15 دقيقة وكلف 25 ريال، نزلنا الليموزين وكملنا مشي لجوا..
وصلنا للسرا اللي واقف، كان تقريباً قدامنا 10 أو 12 شخص بس مشيوا بسرعة .. المهم وصلنا للأمريكية اللي برا في واحد قدامنا مشته عشان صورته مقاسها غلط صغيرة وقالتله روح اتصور وارجع تاني، المهم طلبت اوراقنا شيكت على ورقة الموعد مرة مهمة والصور وقالتلنا nice picture وشيكت بسرعة على اوراق رسوم سامبا وقالتلنا اتفضلوا، طبعاً أنا ما اخدت ولدي معايا ومو مطلوب أي طفل أقل من 14 سنة إنه يحضر إلا لو طلبوه لاحقأً بس أهم شي يكون معبأ له أبليكشن DS-156
المهم صفينا سرا تاني وكانوا يدخلوا واحدواحد بس لو أحد معاه مرافقين يدخلوا مع بعض، قبلها في شباك تسلم فيه جوالك والريموت كنترول .... ويعطوك الظرف تدخله معاك
مرينا في أول تفتيش ومرة رحبوا فينا وقالولنا اكيد مرة بردانين وكانوا مرة متعاونين، طلبوا مني أحط صندلي الله يكرمكم في الجهاز وكل أغراضي ساعتي والمحفظة لأنه ما اخدت شنطة معايا بس في ناس كانوا أخدين شنط ودخلوها معاهم عادي
و لما جا دور زوجي مرة دخلوا صحبة معاه حتى جا يشيل جزمته اله يكرمكم حلفوا عليه انه يرجعها وما يفصخها ..
مرينا من التفتيش الأول ودخلنا من باب لساحة مفتوحة وكان في واحد عسكري طويل معاه بندقية أطول منه وقال روحوا من هنا سيدا سيدا .. ودخلنا من باب تاني في تفتيش تاني نفس الأول وبرضه كانوا مرة متعاونين وبعد مامرينا منهم رجعنا لبسنا اغراضنا ودخلنا في سيب طويل.
أول شي يقابلك واحد يعطيك رقم زي حق البنك لازم تحتفظ فيه لأنه ينادوا عليك به 3 مرات وكان رقمنا 23
المرة الأولى نادونا عن شباك التشييك على الأوراق وكانت فيه الأردنية ولا السورية اللي بس تتأمر على خلق الله ومرة نرفزتني وقالتلنا ليش منتو مرتبين الاوراق طبعا مررة مسكنا اعصابنا لأنه أوراقنا مرة كانت مرتبة ومالوا داعي تتتفلسف. المهم اخدت الاوراق مع الجوازات وقالت خلاص روحوا انتظروا الين ما ينادوا رقمكم تاني.
ملاحظة: الأوراق اللي اخدتها مننا كانت:
- صورة من i-20 لكل واحد مننا ولازم تكون موقع تحت وكاتب التاريخ
- الجوزات الأصلية لكل واحد مننا ولازم يكون باقي أقل شي 6 شهور على انتهاء الجواز مو من وقت التقديم لأ من وقت دخولك لأمريكا.
- صور الجوازات لكل واحد مننا أنا صورتها ملونة في البيت طبعاً عشان بره ممنوع بس مولازم ملون اهم شي تكون واضحة.
- صورة بطاقة الملتقى كضمان مالي للمبتعث يعني ليه، وشهادة بنكية لزوجي عشان هوه مقدم لفيزة F1
- صورة من كشف درجاتي، وكشف درجات زوجي لآخر مرحلة دراسية ومو لازم تكون صورة مصدقة.
- أيصال تسديد رسوم التاشيرة لكل شخص رايح يعني ليه وزوجي وولدي.
- إيصال تسديد رسوم السيفيس لكل واحد راح يدرس دوامكامل وفيزته F1 يعني أنا وزوجي.
- الأبليكشنات : 165 لكل واحد رايح ومدفوعله رسوم فيزا ولازم تعبيه اون لاين وتطبعه بعد ما يطلع الباركود
167 لأي شخص ذكر راح يروح طالب، مرافق ... أي شي يعني زوجي بس – ممكن تعبيه بالكمبيوتر او باليد
158 لكل طالب سواء مبتعث أو على حسابه .. يعني أنا وزوجي - ممكن تعبيه بالكمبيوتر او باليد
- I-20 لي ولزوجي وولدي الأصلي شيكت عليه ورجعته لنا
رحنا انتظرنا برا وكان زحمة شوية وكان في كاسي مرة كتير، بعد ربع ساعة تقريبا نادوا رقمنا تاني مرة ورحنا عشان التبصيمـ و قلنا خلاص انتظروا الين ما ينادوا رقمكم تاني.
رجعنا نفس المكان وانتظرنا مدة طويلة نوعاً ما تقريباً ساعة وأصلاً ما بدات شبابيك المقابلات تستقبل الناس غير الساعة 8 ونص وأعصابنا خلاص تعبت لأنه كم واحد كدا راح قبلنا وما اعطوه الفيزا لأنه قدامك كدا ..
بدأوا المقابلات والأرقام مو مرتبة مرة يعني ممكن رقمين يتأخروا شوية ويعدوا قبل رقم قبلهم وكدا.. على الساعة 8 و50 دقيقة تقريبا طلع رقمنا عند شباك 12 رحنا وطبعا المقابلة وانت واقف وبينك وبين اللي قابلك زجاج، واللي قابلتنا كانت أمركية مرة كووول ما شاء الله وزوجي دخل فيها عرض على طول وقلها قود مورننغ وقالتلنا قود مورننغ ورحبت فينا، بعدين طلبت مننا نعيد بصمات كم اصباع كدا شكلهم ما كانوا واضحين عندها. طلبت مني ارفع السماعة عشان اتكلم معاها وقالتلي فين راح تتركي ولدك، قلتلها راح آخدوا معايا، قالتلي لأ لما تروحي الكلاس راح تاخديه معاكي قلتلها لأ راح اتركه في الدي كير قالتلي أوكي، بعدين قالتلي ايش راح تدرسي قلتلها تسويق قالتلي ماجستير قلتلها ايوه.. وقالتلي خلاص اعطيني زوجك، اول سؤال سألته انت فين تشتغل دحينقلها مدير خدمة عملاء في شركة BMW قالته طيب أنا أبغى BMW قالها لو عندك فلوس كتير أجيبلك واحدة وجلست تضحك، زوجي راح يكمل بكالوريوس إن شاء الله فسألته كم كان معدلك في الثانوية قالها كان مرة واطي قالتله ليش قالها كان عندي ظروف في عائلتي بس انا اشتغلت في Ford فقالتله انا مرة أحب Ford وقالها عن كل الأماكن اللي اشتغل فيها من وقت تخرجه حتى الآن .. قالتله يعني انت اشتغلت على طول قلها ايوه، ورجعت مرتين سألته يعني ما جلست بدون شغل ابداً قلها لأ ،، قالتله ايش راح تدرس قلها لغة بعدين هندسة ميكانيكية وكان كل ما يقول شي تأشر على أوراقه وما اعرف ايش تكتب ،، بعدين سألته بكالوريوس وقالها ايوه وما اعرف كمان ايش كتبت .. بعدين سألته ليش اخترتوا بورتلاند وقالها لأنه مدينة جامعية وجوها رائع ،، قالتلنا انتوا رحتوها قبل كدا قلنالاها لأ بس قرأنا عنها في الانترنت ..
آخر شئ سألتوا فين سافرت آخر 5 سنين قلها ولا مكان قالتله يعني ما عندك جواز قديم قالها لأ ،، قلتلها انا معايا تبغيه قالت لأ،، قالتلنا وشهر العسل قلنالها كان في السعودية لأنه كان عندنا شغل وما قدرنا نسافر،، قالتلنا طيب شهر العسل في امريكا .. اسبوع وتوصلكم الفيزا ..
قالها زوجي كلامك معناه اننا راح نروح امريكا قالته ايوه واعطتي 3 ورقات صفرا قالت اعطوها لفيديكس وحوالي اسبوعين وتوصلكم الفيزا. واعطتنا ورقة صفراء صغيرة مكتوب عليها بالأسود شكرا لأختياركم الدراسة في الولايات المتحدة الأمريكية ورحنا لفيدكس ودفعنا 125 ريال وسلمنا الجوازات وخرجنا.
طبعاً لو رحت بليموزين صعب تلاقي احد ترجع معاه، احنا بالصدفة كان في ليموزين منزل أحد ورجعنا معاه .. وكنا في الفندق الساعة 9 و20 دقيقة الحمدلله ..
اليوم 22 يناير وصلت جوازتنا ،، جوازي انا وولدي كان جاهز من 14 يناير يعني بعدها بيوم بس كانوا ينتظروا جواز زوجي ماخلص غير امس سألت فيدكس اللي في السفارة قلي عادي مرة،، وارسلوهم امس الساعة 12 في الليل اليوم 10 ونص الصبح جاني مسج عالجوال ورحنا استلمناهم الظهر انا وزوجي ،، وكانت الحمدلله 5 سنين لنا كلنا وبقبول معهد فقط ..الحمدلله
حالياً بأجهز أوراقي عشان اطلع قرار الابتعاث وامر الاركاب واكيد راح نوافيكم بكل التفاصيل ..
أي استفسار انا في الخدمة ..