January 31st, 2009, 08:44 AM
السلام عليكم ورحمه الله وبركاته
وش اخبااركم طيبين ان شاء الله بخير
أول شي أحب أشكر حبايبي سلطان العتيبي وناصر هيف واقول ماقصرتم يالغلا وبيض الله وجيهكم
اليوم كان موعدي بالسفاره الامريكيه لاعادت
أول شي الاوراق اللى اخذتها معي
النماذج الثلاثه 156 157 158
الاي تويني الاصل وصوره منه
الجواز و صوره ملونه منه - انا جبت صورتين اخذو وحده
رسوم السفاره ورسوم السيفس
الشهاده وكشف الدرجات
ورقه الموعد
صور 5 x 5 الخلفيه بيضاء ولازم تكون خشتك زينه ماهيب عدله كمبيوتر ولازم تكون مفتح عيونك تقول مواصل لك يومين
طبعا طلعت بدري صليت الفجر وحركت وصلت الساعه 7:05 قدامي 5 تقريبا انلطعنا شوي
الا هذي زول الامريكيه وربي حبيتها عليها لبس ياناس ذوق ولا ماشفتوها يوم قالت اسمي
خقيت وبغيت اصارحها
قعدت تحوس ومدري وش سوت اخذت ورقه الموعد ودبست خشتي بالاوراق المهم مشيت ولقيت
الهندي مفغر مدري وش يحس فيه قال جوال ريموت سياره اي شي جهاز الكتروني نزل هنا ظرف حط قلت كل تبن مامعي غير ولاعه تبيها قال خلاص روح
لفيت من عنده ولقيت هندي ثاني قلت الحين ابي اعرف يالسلنتح امريكا ماهيب لاقيه غيركم تحطهم في ذا قال حط قشك اخلص علينا قلت طيب
هذا التفتيش الاول
بعده مشيت طوالي للبهو ودخلت جوا لقيت هندي ثالث قلت ياليل ابو لمبه هذا التفتيش الثاني
خشيت يسار قسم التأشيرات واخذت رقم 7 ورحت كوانتر 4 لقيت حرمه متحجبه قلت لس هذي اللى العيال يقولو عليها اخلاقها ماش قالت صباح الخير قلت ايه هينه علومتس بعد شوي تقفل معتس
اخذت اوراقي قعدت تحوس وتدوس ابي ذا مابي ذا بعدين قالت ياأبني وقع هنا قلت طيب هدي اللعب ارجعي دفاع انا وش درا جدتي اني اوقع هنا هاتو اوراقكم كلها اوقعها ماعندتس مشكله
طالعت فيني وقعدت تضحك قالت يالله انقلع لين ننادي عليك قلت ابشري
جلست شوي افغر بالخلق هذا رايح هذا جاي هذا ينقل اوراقه وانلطعت ابو نص ساعه بعد شوي نادو رقمي رحت وبصمت عند واحد سعودي ذوق وحبوب بجهاز ماسح ضوئي قال ايديك رطبه وعطاني فاين
قلت ياخوي غصب من الصبح تواقيع وتفاتيش بغى يموت من الضحك وقال يالله انقلع لين يناديك القنصل
هنا جلست اقول كرت احمر كرت اصفر كرت اخضر كرت اسود وقاعد احسب واتخصبق
شوي الا وبنت جلست جنبي حبوبه وبريئه وانا دعيت ربي ماأجيب العيد واقول رقمتس
شوي الا البنت طولت وهي جالسه وسألتها كم رقمك قالت 600 قلت ابوي انا رقمتس 9
تحركي الا وتروح تغلق امورها
<< شفتوني اني طيب والشباب مايقصرون ماهوب تقولون تماسيح وماينفعون بريال
المهم وانا جيت ابي اغفي الا شفت رقمي طلع عند القنصل طويل وشعره منسدح والشهاده لله انه اطخم هنا قلبت رسمي
طبعا المحادثه كلها باللغه الانجليزيه
قال صباح الخير
قلت صباح النور
قال وش سويت بعد التخرج
قلت والله منبطح بالبيت
قال معقوله !!!
قلت ايه
قال معدلك مرتفع والترانسكربت ممتاز ( قعد يقلب بالاوراق )
قلت انطم لاحوسك جبتها عالجرح رح قل الكلام ذا لـ ...
قال لغتك ممتازه ليش تبي تاخذ لغه
قلت ابي ازيد ثقافتي
الى الان وانا وياه سمن على عسل الين ماجا الشي اللى خلاني ابي العن خير المتحجبه ذيك
اعطاني الاي تويني القديم واستغرب من التاريخ قال قديم التاريخ طبعا بدايه الدراسه 5 - 1 - 2009
قلت لااااااا هذا لاقديم الجديد موجود ( المتحجبه ذيك ام عيون تقول هجمه مرتده اخذت القديم واعطتني الجديد وانا مفهي مادريت )
اعطيته الاي تويني الجديد واخذه راح صوره وجا
يوم جا الا طلع الورقه الزرقاء
وانا اقول لا لا لا ياخي حرام عليك انت غشاش
كنا حلوين ونسوولف مع بعض
قال شيك بعد اسبوع واخذت جوازي وانقلعت
وماتشوف غير الشباب ناشبين بحلقي ها وش سويت وش سويت قلت ضفو وجيهكم
لالعن خامسكم
انا مو مزعلني الا انه موعد الدراسه قريب في 23 - 2 - 2009
والورقه الزرقاء لابارك الله فيها تاخذ من اسبوعين الى شهر يمكن والله مايمديني
الف شكر لكم واسف ع الاطاله بس وربي ابي افضفض منقهر شوي
تحياتي لكم
ملاحظه : ياخوان اللى موعده قريب والله وثم والله ان السفاره تااااااااااااافهه لاتشيل هم نهائيا
ولا تتضايق واهم شي ثقتك بنفسك لاترتبك ظبط اوراقك وماعليك منهم
LinkBack URL
About LinkBacks
January 31st, 2009, 08:44 AM
السلام عليكم ورحمه الله وبركاتهوش اخبااركم طيبين ان شاء الله بخير
أول شي أحب أشكر حبايبي سلطان العتيبي وناصر هيف واقول ماقصرتم يالغلا وبيض الله وجيهكم
اليوم كان موعدي بالسفاره الامريكيه لاعادت
أول شي الاوراق اللى اخذتها معي
النماذج الثلاثه 156 157 158
الاي تويني الاصل وصوره منه
الجواز و صوره ملونه منه - انا جبت صورتين اخذو وحده
رسوم السفاره ورسوم السيفس
الشهاده وكشف الدرجات
ورقه الموعد
صور 5 x 5 الخلفيه بيضاء ولازم تكون خشتك زينه ماهيب عدله كمبيوتر ولازم تكون مفتح عيونك تقول مواصل لك يومين
طبعا طلعت بدري صليت الفجر وحركت وصلت الساعه 7:05 قدامي 5 تقريبا انلطعنا شوي
الا هذي زول الامريكيه وربي حبيتها عليها لبس ياناس ذوق ولا ماشفتوها يوم قالت اسمي
خقيت وبغيت اصارحها
قعدت تحوس ومدري وش سوت اخذت ورقه الموعد ودبست خشتي بالاوراق المهم مشيت ولقيت
الهندي مفغر مدري وش يحس فيه قال جوال ريموت سياره اي شي جهاز الكتروني نزل هنا ظرف حط قلت كل تبن مامعي غير ولاعه تبيها قال خلاص روح
لفيت من عنده ولقيت هندي ثاني قلت الحين ابي اعرف يالسلنتح امريكا ماهيب لاقيه غيركم تحطهم في ذا قال حط قشك اخلص علينا قلت طيب
بعده مشيت طوالي للبهو ودخلت جوا لقيت هندي ثالث قلت ياليل ابو لمبه هذا التفتيش الثاني
خشيت يسار قسم التأشيرات واخذت رقم 7 ورحت كوانتر 4 لقيت حرمه متحجبه قلت لس هذي اللى العيال يقولو عليها اخلاقها ماش قالت صباح الخير قلت ايه هينه علومتس بعد شوي تقفل معتس
اخذت اوراقي قعدت تحوس وتدوس ابي ذا مابي ذا بعدين قالت ياأبني وقع هنا قلت طيب هدي اللعب ارجعي دفاع انا وش درا جدتي اني اوقع هنا هاتو اوراقكم كلها اوقعها ماعندتس مشكله
طالعت فيني وقعدت تضحك قالت يالله انقلع لين ننادي عليك قلت ابشري
جلست شوي افغر بالخلق هذا رايح هذا جاي هذا ينقل اوراقه وانلطعت ابو نص ساعه بعد شوي نادو رقمي رحت وبصمت عند واحد سعودي ذوق وحبوب بجهاز ماسح ضوئي قال ايديك رطبه وعطاني فاين
قلت ياخوي غصب من الصبح تواقيع وتفاتيش بغى يموت من الضحك وقال يالله انقلع لين يناديك القنصل
هنا جلست اقول كرت احمر كرت اصفر كرت اخضر كرت اسود وقاعد احسب واتخصبق
شوي الا وبنت جلست جنبي حبوبه وبريئه وانا دعيت ربي ماأجيب العيد واقول رقمتس
شوي الا البنت طولت وهي جالسه وسألتها كم رقمك قالت 600 قلت ابوي انا رقمتس 9
تحركي الا وتروح تغلق امورها
المهم وانا جيت ابي اغفي الا شفت رقمي طلع عند القنصل طويل وشعره منسدح والشهاده لله انه اطخم هنا قلبت رسمي
طبعا المحادثه كلها باللغه الانجليزيه
قال صباح الخير
قلت صباح النور
قال وش سويت بعد التخرج
قلت والله منبطح بالبيت
قال معقوله !!!
قلت ايه
قال معدلك مرتفع والترانسكربت ممتاز ( قعد يقلب بالاوراق )
قلت انطم لاحوسك جبتها عالجرح رح قل الكلام ذا لـ ...
قال لغتك ممتازه ليش تبي تاخذ لغه
قلت ابي ازيد ثقافتي
الى الان وانا وياه سمن على عسل الين ماجا الشي اللى خلاني ابي العن خير المتحجبه ذيك
اعطاني الاي تويني القديم واستغرب من التاريخ قال قديم التاريخ طبعا بدايه الدراسه 5 - 1 - 2009
قلت لااااااا هذا لاقديم الجديد موجود ( المتحجبه ذيك ام عيون تقول هجمه مرتده اخذت القديم واعطتني الجديد وانا مفهي مادريت )
اعطيته الاي تويني الجديد واخذه راح صوره وجا
يوم جا الا طلع الورقه الزرقاء
وانا اقول لا لا لا ياخي حرام عليك انت غشاش
قال شيك بعد اسبوع واخذت جوازي وانقلعت
وماتشوف غير الشباب ناشبين بحلقي ها وش سويت وش سويت قلت ضفو وجيهكم
لالعن خامسكم
انا مو مزعلني الا انه موعد الدراسه قريب في 23 - 2 - 2009
والورقه الزرقاء لابارك الله فيها تاخذ من اسبوعين الى شهر يمكن والله مايمديني
الف شكر لكم واسف ع الاطاله بس وربي ابي افضفض منقهر شوي
تحياتي لكم
ملاحظه : ياخوان اللى موعده قريب والله وثم والله ان السفاره تااااااااااااافهه لاتشيل هم نهائيا
ولا تتضايق واهم شي ثقتك بنفسك لاترتبك ظبط اوراقك وماعليك منهم