February 2nd, 2009, 01:41 PM
السلام عليكم
أنا مبتعثة أمريكا لدراسة الماجستير
راح اذكر اللي صار لي مع زوجي بالسفارة
انا من الشرقية ومقابلتي كانت يوم السبت قبل يومين 31 يناير 2009
جهزنا اوراقنا ومشينا لمطار الملك فهد بالدمام يوم الجمعة الظهر وكلنا حماس وأمل
ولما وصلنا المواقف ودخلنا المطار وكنا نهم بركوب السلم المتحرك
الا شي يشدني للأسفل ..أطالع الا العباية تعلقت بالسلم والسلم توقف ومو راضية تفك منه
انا قلت اذا هذي اولها الله يستر
المهم حاولنا انا وزوجي نشيلها مافي فايدة نادينا عالصيانة وفكوا المكان المتعلقة فيه العباية
وبصعوبة قدرنا نحررها لكن مع خسائر فادحة لأنها انشقت
لا والعباية توي مشتريتها ماصار لها يومين
المهم لحقنا عالطيارة قبل ماتطير ووصلنا بالسلامة وانا ابي متى اوصل للفندق
لأن شكلي جاية من حرب ..وصلنا الفندق وقلت لزوجي لازم تروح تاخذ لي عباية ثانية
وماقصر راح لفرع المحل نفسه اللي اخذت منه العباية واخذ زيها بالضبط
المهم ما اطول بهالموضوع
جلسنا بالليل نراجع اوراقنا ونجهزها
طبعا انا قدمت بقبول المعهد (سنة) اللي جابت لي الوزارة
وزوجي جاب قبول من نفس المعهد وقدم فيزا طالب وراح يكمل ماجستير
الأوراق كانت على النحو التالي
صورتين
ابلكيشن 156
ابلكيشن 157 (لزوجي المرافق فقط)
ابلكيشن 158
الاي توني الأصلي وصورة منه
وصل رسوم السيفيس
وصل سامبا
الشهادة البنكية وكشف حساب (لزوجي المرافق فقط)
تعريفة من العمل (لزوجي المرافق فقط)
صورة من الجواز
صورة من الشهادة وكشف الدرجات (زوجي ماحط كشف الدرجات له وماسألوه عنه)
جهزناهم وجلسنا نتدرب على الأسئلة والأجوبة المتوقعة
وقرأنا سورة البقرة كاملة عشان ربي يسهلها علينا
ونمنا تقريبا الساعة 10
عالساعة 6 جلسنا وتجهزنا وطلعنا من الفندق الساعة 7 الصباح
وصلنا على 7 ونص ووقفنا بالطابور كان فيه قدامنا تقريبا عشرة أشخاص
جا دورنا ووصلنا عند الأمريكية وشيكت على اوراقنا ودبست الصور في الابلكيشن 156
وبعدين عند السيكيوريتي قبل ماتدخل اذا عندك جوال او اشياء الكترونية تسلمها لهم ويعطوك رقم
بعدين دخلنا كل شخص على حده فيه تفتيش أولي بعدين تطلع وتمشي شوي وتدخل المبنى
وتفتيش ثاني وبعدين فيه هندي يعطيك رقم وتدخل غرفة عشان تسلم اوراقك
احنا يوم دخلنا كان دورنا على طول وسلمنا الأوراق لوحدة متحجبة ما انتبهت لجنسيتها
لكنها طيوبة ..تأكدت من الأوراق وقالت لنا خلاص استريحوا في القاعة الثانية الين ننادي عليكم بنفس الرقم
رحنا للقاعة الثانية وفيها زحمة شوية وكانت الساعة 8 ونص
جلسنا ننتظر الين تقريبا 9 ونادوا على رقمنا عشان التبصيم على شباك 6
بصمنا ورجعنا جلسنا وماجا دورنا الا الساعة 10 ونص تقريبا تأخروا كثير
كان فيه ناس ماشاء الله جايبين العيلة والجيران والحي كمرافقين
واحنا جالسين ننتظر نسمع اللي ينادوا فنقول مثلا هذا اللي في شباك 10 شكله طيب
لأن طريقته لما ينادي هادية اما رقم 13 هذا شكله متوحش لأنه يصارخ
المهم بعد وقت طويل نادوا علينا بشباك 13 قلنا الله يستر
وصلنا للشباك وأول ماوصلنا طلع لنا من الشباك الآي توني حقي أنا وزوجي ومدبس عليهم ورقة صفرا
صغيرة مكتوب عليها شكرا لإختياركم الدراسة في الولايات المتحدة الأمريكية
وبعدين عطانا كرتيين لونهم اخضر للفيدكس لي ولزوجي مكتوب عليهم رقم الجوازات
وقال لزوجي يرفع السماعة
زوجي رفع السماعة وقاله قود مورنينغ رد عليه بدون مايطالع بوجهه قود مورنينغ
وظل مدة 7 دقايق ساكت مدري شنو يسوي بالكمبيوتر وبعدين قال جيبوا الكروت
عطيناه الكروت قام أخذ كرت زوجي ورجع لي كرتي ورجع جواز زوجي وعطاه ورقة زرقا
بعد دقيقتين قال لزوجي يحط صبعه الابهام اليسار والوسطى اليمين على الجهاز
شوي والا يقول عطني زوجتك
أخذت السماعة وقال لي أسوي نفس الشي أحط الابهام اليسار والوسطى اليمين
بعدين قعد يختم على الابلكيشن حقي وحق زوجي ويوقع ومدري شنو يسوي
بعدين قال لي ان خلاص روحي للفيدكس واعطيه الكرت حقك واول ماتخلص الفيزا بتوصلك
وبالنسبة لزوجك راح يكون فيه اجراءات ادارية بحدود اسبوع الى اسبوعين
وأول ماتخلص راح نبلغه عشان يرسل جوازه
وبس
ماسألنا ولاسؤال ولاحتى طلع على زوجي ..طبعا زوجي كان راح يسأله ليش غير رايه فجأة
بس خاف يسويله سالفه بس هو مستغرب ليش ماسألنا ولا سؤال ولا استفسر عن اي شي
ولا طلب الجوازات القديمة ولا كان فيه اي حوار ..يعني حتى ماسمع صوتي
هذا واحنا مذاكرين صار لنا شهرين
المهم رحنا للفيديكس اللي في نفس القاعة ومشينا للفندق
طيارتنا كانت العصر ورجعنا
اليوم (الاثنين) الصباح دقوا الفيدكس علينا ...وصل جوازي في يومين وفيه خمس سنوات
باقي الآن زوجي ان شاء الله مايطولوا وان شاء الله يعطوه خمس سنوات
هو يقول انه خايف يعطوه سنة ...
وكل شوي يقل لي الحين انا مارحت الا اوروبا والامارات والبحرين وعطوني الزرقا
وانتي رايحة ايران والعراق وسوريا وفيزتك وصلت لك بعد يومين
وشك في نفسه كل شوي يقول ليش؟ والله ماسويت شي انا برييييييء
وأنا اقول له هذي اجراءات يمكن اسمك مشتبه به ويبغوا يتأكدوا بس
مساكين الرجااال
الله يوفق الجميع ان شاء الله وأي سؤال انا بالخدمة
LinkBack URL
About LinkBacks
February 2nd, 2009, 01:41 PM
السلام عليكمأنا مبتعثة أمريكا لدراسة الماجستير
راح اذكر اللي صار لي مع زوجي بالسفارة
انا من الشرقية ومقابلتي كانت يوم السبت قبل يومين 31 يناير 2009
جهزنا اوراقنا ومشينا لمطار الملك فهد بالدمام يوم الجمعة الظهر وكلنا حماس وأمل
ولما وصلنا المواقف ودخلنا المطار وكنا نهم بركوب السلم المتحرك
الا شي يشدني للأسفل ..أطالع الا العباية تعلقت بالسلم والسلم توقف ومو راضية تفك منه
انا قلت اذا هذي اولها الله يستر
المهم حاولنا انا وزوجي نشيلها مافي فايدة نادينا عالصيانة وفكوا المكان المتعلقة فيه العباية
وبصعوبة قدرنا نحررها لكن مع خسائر فادحة لأنها انشقت
لا والعباية توي مشتريتها ماصار لها يومين
المهم لحقنا عالطيارة قبل ماتطير ووصلنا بالسلامة وانا ابي متى اوصل للفندق
لأن شكلي جاية من حرب ..وصلنا الفندق وقلت لزوجي لازم تروح تاخذ لي عباية ثانية
وماقصر راح لفرع المحل نفسه اللي اخذت منه العباية واخذ زيها بالضبط
المهم ما اطول بهالموضوع
جلسنا بالليل نراجع اوراقنا ونجهزها
طبعا انا قدمت بقبول المعهد (سنة) اللي جابت لي الوزارة
وزوجي جاب قبول من نفس المعهد وقدم فيزا طالب وراح يكمل ماجستير
الأوراق كانت على النحو التالي
صورتين
ابلكيشن 156
ابلكيشن 157 (لزوجي المرافق فقط)
ابلكيشن 158
الاي توني الأصلي وصورة منه
وصل رسوم السيفيس
وصل سامبا
الشهادة البنكية وكشف حساب (لزوجي المرافق فقط)
تعريفة من العمل (لزوجي المرافق فقط)
صورة من الجواز
صورة من الشهادة وكشف الدرجات (زوجي ماحط كشف الدرجات له وماسألوه عنه)
جهزناهم وجلسنا نتدرب على الأسئلة والأجوبة المتوقعة
وقرأنا سورة البقرة كاملة عشان ربي يسهلها علينا
ونمنا تقريبا الساعة 10
عالساعة 6 جلسنا وتجهزنا وطلعنا من الفندق الساعة 7 الصباح
وصلنا على 7 ونص ووقفنا بالطابور كان فيه قدامنا تقريبا عشرة أشخاص
جا دورنا ووصلنا عند الأمريكية وشيكت على اوراقنا ودبست الصور في الابلكيشن 156
وبعدين عند السيكيوريتي قبل ماتدخل اذا عندك جوال او اشياء الكترونية تسلمها لهم ويعطوك رقم
بعدين دخلنا كل شخص على حده فيه تفتيش أولي بعدين تطلع وتمشي شوي وتدخل المبنى
وتفتيش ثاني وبعدين فيه هندي يعطيك رقم وتدخل غرفة عشان تسلم اوراقك
احنا يوم دخلنا كان دورنا على طول وسلمنا الأوراق لوحدة متحجبة ما انتبهت لجنسيتها
لكنها طيوبة ..تأكدت من الأوراق وقالت لنا خلاص استريحوا في القاعة الثانية الين ننادي عليكم بنفس الرقم
رحنا للقاعة الثانية وفيها زحمة شوية وكانت الساعة 8 ونص
جلسنا ننتظر الين تقريبا 9 ونادوا على رقمنا عشان التبصيم على شباك 6
بصمنا ورجعنا جلسنا وماجا دورنا الا الساعة 10 ونص تقريبا تأخروا كثير
كان فيه ناس ماشاء الله جايبين العيلة والجيران والحي كمرافقين
واحنا جالسين ننتظر نسمع اللي ينادوا فنقول مثلا هذا اللي في شباك 10 شكله طيب
لأن طريقته لما ينادي هادية اما رقم 13 هذا شكله متوحش لأنه يصارخ
المهم بعد وقت طويل نادوا علينا بشباك 13 قلنا الله يستر
وصلنا للشباك وأول ماوصلنا طلع لنا من الشباك الآي توني حقي أنا وزوجي ومدبس عليهم ورقة صفرا
صغيرة مكتوب عليها شكرا لإختياركم الدراسة في الولايات المتحدة الأمريكية
وبعدين عطانا كرتيين لونهم اخضر للفيدكس لي ولزوجي مكتوب عليهم رقم الجوازات
وقال لزوجي يرفع السماعة
زوجي رفع السماعة وقاله قود مورنينغ رد عليه بدون مايطالع بوجهه قود مورنينغ
وظل مدة 7 دقايق ساكت مدري شنو يسوي بالكمبيوتر وبعدين قال جيبوا الكروت
عطيناه الكروت قام أخذ كرت زوجي ورجع لي كرتي ورجع جواز زوجي وعطاه ورقة زرقا
بعد دقيقتين قال لزوجي يحط صبعه الابهام اليسار والوسطى اليمين على الجهاز
شوي والا يقول عطني زوجتك
أخذت السماعة وقال لي أسوي نفس الشي أحط الابهام اليسار والوسطى اليمين
بعدين قعد يختم على الابلكيشن حقي وحق زوجي ويوقع ومدري شنو يسوي
بعدين قال لي ان خلاص روحي للفيدكس واعطيه الكرت حقك واول ماتخلص الفيزا بتوصلك
وبالنسبة لزوجك راح يكون فيه اجراءات ادارية بحدود اسبوع الى اسبوعين
وأول ماتخلص راح نبلغه عشان يرسل جوازه
وبس
ماسألنا ولاسؤال ولاحتى طلع على زوجي ..طبعا زوجي كان راح يسأله ليش غير رايه فجأة
بس خاف يسويله سالفه بس هو مستغرب ليش ماسألنا ولا سؤال ولا استفسر عن اي شي
ولا طلب الجوازات القديمة ولا كان فيه اي حوار ..يعني حتى ماسمع صوتي
هذا واحنا مذاكرين صار لنا شهرين
المهم رحنا للفيديكس اللي في نفس القاعة ومشينا للفندق
طيارتنا كانت العصر ورجعنا
اليوم (الاثنين) الصباح دقوا الفيدكس علينا ...وصل جوازي في يومين وفيه خمس سنوات
باقي الآن زوجي ان شاء الله مايطولوا وان شاء الله يعطوه خمس سنوات
هو يقول انه خايف يعطوه سنة ...
وكل شوي يقل لي الحين انا مارحت الا اوروبا والامارات والبحرين وعطوني الزرقا
وانتي رايحة ايران والعراق وسوريا وفيزتك وصلت لك بعد يومين
وشك في نفسه كل شوي يقول ليش؟ والله ماسويت شي انا برييييييء
وأنا اقول له هذي اجراءات يمكن اسمك مشتبه به ويبغوا يتأكدوا بس
مساكين الرجااال
الله يوفق الجميع ان شاء الله وأي سؤال انا بالخدمة