موعدي الاثنين بس خانة المدة وش اكتب فيها ..؟؟

اكتب المدة اللي انت تبغاها

اذا انت ناوي تكمل الجامعه اكتب 5 سنوات

وطبعا اصلا هم ما راح يسالونك عن قبول الجامعه

لكن اذا سالك القنصل قله ما بعد وصلني

ويمكن انه يعطيك ورقة صفرا ويقولك اول ما يوصلك القبول حق الجامعه ارسله لنا لكن هذي احتمالية بنسبة 10 بالمية انه يسويها

الافضل انك تكتب مثل ماهو موجود عندك بالورقه لاني الا لحظته ان اغلبيه الاعضاء كتبوا المده الموجوده في الi20 وانا منهم واعطوني 5 سنوات وانا كاتبه سنه اتقيد في الموجود وان شاء الله بيعطوك 5 سنوات لانهم صاروا يعطوا للاغلبيه في هالسنه 5 سنوات
بالتوفيق
وطمنا ايش يصير معك

شعول

المجنونه الهادئه

حبايب قلبي تسلموووون ع ردودكم

بس كل رد يختلف عن الثاني

بس بما ان المجنونه الهادئه مجربه احتمال اسوي مثل ماقلتي >>

وكلام شعول هو اللي كنت بسوييه والله احترت

وياليت الاعضاء يفيدوني اكثر

لازم اليوم اعبيها انا في الرياض الحين

وددي اخلص الابلكيشن العصر وامشي الشرقيه

انا الاي تونتي حقي كان مدته سنة وكتبت بالطلب خمس سنوات طبعا جايب معي قبول الجامعه احتياط لكن ما اخذوه ولا سالني القنصل عنه حتى

ودي اسوي مثلك وارتاح

بس لو يقول وين قبول الجامعه

اهاااااااااااااااااااااا ساعتها انا اقعد اتلفت

والله يالبلشه

مدري اجازف ولا اكتب مثل ماهو موجود في الاي توني

هل فيه جامعه وافقت عليك وانت بس تنتظر الاوراق توصلك؟؟

اذا ايه حطها خمس سنوات واذا وسالوك قلهم ايه ولكن ما بعد وصلتني الاوراق <-- مع اني ما اظن انه راح يسالك ابدا

اذا لا سو طريقة اختنا الغاليه المجنونة اظمن

في كل الحالتين اذا الباكجرواند حقك اوكي راح يقبلونك

لكن المشكلة في كم راح يحطون لك المدة...

اوكيه انا قابلتني الجامعه

اللي تابع لها المعهد بس ماجاني القبول

العصر ابروح اعبي الابلكيشن وشكلي ابستخير الله

واختار اي شي حقره بقره

وبعد الباكجراوند حق ايش ؟؟

لا اجل نصيحه يالغلا حط خمس سنوات

ترى ولله ماله داعي ترجع بعد سنة عشان فيزا

وصدقني ما راح يسالك

في اسوء الاحتمالات لو سالك وقلت له انه في الطريق جاي توهم راسلينه بعطيك ورقة صفرا بيقولك اول ما توصل جبها لي وينتهي الموضوع

اما بالنسبة للباكجراوند

يعني الخلفيه حقتك يعني حياتك ^_^

يعني مثلا هل انت قد رحت لسوريا او ايران او العراق او افغانستان او السودان

اذا لا فأنت بالسليم

وفيه برضو هل انت جلست وقت فراغ لمدة طويلة او لا

يعني حاول تكتب في الاستمارات اللي عندك عن كل شي يعني لا تخلي سنة راحت كذا ومعناها انك جالس بالبيت لان كذا بياخرك وبيعطيك ورقة زرقا وبيجلس يشيك على الباكجراوند حقك وبتتاخر فيزتك من 3 اسابيع الى اربعه

ولا تخاف وتشيل هم المقابلة

تراها وربي ما تستاهل كل هالخوف وربي اسهل منها واطيب منهم ما فيه ولا فيها اي صعوبات تذكر



فيه سؤال

هل انت على البعثه ولا على حسابك الخاص؟؟

الله يسهل لك امورك ان شاء الله اهم شئ لاترتبك ووكل امورك لرب العباد وان شاء الله تتيسر امورك وترى هم ع مزاجهم يحطوا السنين يعنى اذا عجبتهم او لا فعشان كذا خلك واثق من نفسك ومبتسم وان شاء الله بتجي بتبشرنا بالبشاره الحلوة
الله يوفقك يارب