مقابلتي مع السفارة الأمريكيه.... تساهيــــــــل

March 8th, 2009, 05:49 PM

السلام عليكم ..
مقابلتي مع السفارة ......اليوم 08/03/2008

اول شـــي جيت ابي ادخل مع المدخل حق السفارة و وقفت عند التفتيش الساعة 6:27 قالي العسكري ارجع ما تدخل قلت ليش قالي لازم 6:30 مسوي راعي نظام.
الزبدة يوم جت الساعة 6:30 دخلت ورحت للسفارة الأمريكية ولقيت الناس صافين طابور وصف معهم والساعة تقريبا 7 جات الأمريكية وقعدوا يمشونا على واحد واحد اول شي الأمريكية تطلب جوازك والنماذج الثلاثة وموعد المقابلة وصورتين مقاس 5×5 اذا ما جبت 5×5 يرجعونك
وبعد ما اخذتها واصفطتها مع الجواز رحت لشباك فيه هندي وحطيت جوالي في ظرف وعطاني اياه ثم جاء التفتيش ونزلت الحزام واخذو الظرف وعطوني رقمه واذا طلعت تستلمه وقالت لي مصريه رووح للباب ذاك.
ورحت للباب ودخلت لقيت هندي مستقبلني برقم وكان رقمي 13 وجاء دوري في الكاونتر على طول قلت ايام لتل سبيك انقلش وهو يضحك قالي لغتك بسيطه يقولها بالعربي الظاهر انه سعودي واخذ مني :

1-النماذج 156و157و158
2-الجواز
3-صوره من الجواز
4-صوره من شهادة الثانويه
5-i-20 وصوره منه
6- الضمان المالي
7-ورقة تسديد السيفس
8-ورقة تسديد الفيزا من سامبا
وقال لي رح لصاله وانظر لين يجي دورك بنفس الرقم المهم وانتظرت ممكن ربع ساعة وجاء دوري وكانت على ماظن سودانيه وقالت لي بصم يديك كلها ثم قالت انتظر بنفس الرقم للمقابلة وانتظرت ممكن نص ساعة وجت المقابلة:

مع أمريكي على طوووول قلت ايام لتل سبيك انقلش وكلمني بالعربي وقال ضع ابهامك هنا وثم الأبهام اليسار للتبصيم
وقال لي انت تخرجت من الثانوية 8/2008 ماذا فعلت بعد التخرج قلت اجراءات الأبتعاث والتقديم وقال لي لماذا ذاهب الى امريكا قلت للدراسة وقال ماذا تدرس قلت اللغة والهندسة وعــطاني الورقة الخضراء وقالي سوف تصدرفيزتك من 1-3 اسابيع وعطاني I-20 ومدبس فيه شكرا لأختياركم الدراسة في الولايات المتحده.
قلت له طيب هذا جوازي القديم قال لي لا احتاجه ولا حتى ناظر فيه. وقالي رووووح للفيدكس وعطاني ورقه للفيدكس وسسدت بــ 65 ريال وطلــعـت من السفارة تقريبا الساعة 8:40 دقيقه وســـلا متكم.

اللي ابغا اسال عنه ياشباب انا عطيتهم الضمان المالي الأصل ولا رجعوووه لي عادي ولا فيه اشكال

• نشر عبر تويتر
• نشر عبر فيسبوك
• نشر عبر جوجل