متطلبات الماجستير .. انظر الرد 48 و 52 للاهمية ..

اقتباس:

---

المشاركة الأصلية كتبت بواسطة May.M

جزاك الله خير اخوي

انا ان شالله بقدم عالماستر، ومن المتطلبات 3 توصيات من الدكاتره انا رحت الجامعه عشان اخلص اموري من طلب وثيقه وغيره وكان شي متعب صراحه جننوني و لما جيت بطلب من الدكاتره توصيات هلكوني نصهم ما الاقيهم بكل مره واللي الاقيه يتفلسفلي انوا انا ما اعطي الا ممتاز:rifle: بعد جهد طلعت بوحده:nerd2:

فهل تنفع مع هذي التوصيه توصيات من العمل لان عندي ثنتين ؟؟؟؟ :(

---

وياك اختي ..
شوفي قدامك الحين شهرين على ما تخلص الجامعة .. دوري لين تلقين ..
الحمدلله حصلتي وحدة .. القادم احلى ان شاء الله ..
انا مثلك .. تصدقين قالي ارسلي ايميل عشان اسمك !!!!
صبرتي عليهم 4 سنين .. شهرين سهلة ..
وربي يوفقك ..

اقتباس:

---

المشاركة الأصلية كتبت بواسطة Mariam.Z

مساء الخير

الله لا يهنكم عندي كم سؤال و ابغا الإجابه منكم لو تكرمتو:

أنا ناويه اقدم على البعثه في المرحله الثامنه باذن الله, أنا قسمي علوم حاسبات. الى الأن ما قررت وين ابغا ادرس فبتالي مو عارفه ايش هي الجامعه الي راح ادرس فيها, وهذا الموضوع متعبني لاني ما اعرف ايش هي شروط القبوال في الجامعات و الأي مدى شروط القبول تختلف من دوله الى اخرى ؟

بالنسبه للغه الأنجليزية, أنا لغتي الحمد الله جيدة, لكن ما اعرف هل ضروري يكون معاي التوفل و كم الدرجه المطلوبه فيه ؟

و اذا كانت لغتي جيده, الجامعه كيف تعرف ؟ هل تسوي لي اختبار و تحدد مستواي وتشوف هل انا محتاجه ادرس في معهد و لا لا ؟

أعتذر جداً على الإطاله, و الله يوفق الجميع يارب.

---

تحديد الدولة اهم من ان معك انجليزي او لا ..
تحتاجين توفل .. او ايلتس .. عشان تدخلين معهد ..
يسوون اختبار مستوى ثم تخلصين المعهد .. ثم تختبرين التوفل
هم يحددون الدرجة ..

بسم الله الرجمن الرحيم
اصباح الخير amh

حبيت اسال انا عندي بكالوريس صحه عامه وحاب اكمل ماستر
اكمل في نغس التخصص او اختار تخصص شوي مختلف
مع الشكر

اقتباس:

---

المشاركة الأصلية كتبت بواسطة اسمح لي ياقلبي

بسم الله الرجمن الرحيم
اصباح الخير amh

حبيت اسال انا عندي بكالوريس صحه عامه وحاب اكمل ماستر
اكمل في نغس التخصص او اختار تخصص شوي مختلف
مع الشكر

---

صباح النور
لا تغير تخصصك .. كمل عليه ..
فيه تخصص حلو يمكن يصلح لك ..
ادارة مستشفيات .. ابحث عنه وشف ..

بسم الله الرمن الرحيم
mr ahm
والله العظيم يا خوك مادري ووووين اروح

بالنسبه لاداره مستشقيات دوررت حصلت في الملك سعود ماستر
لكن بسالك وش التخصصات اللي اقدر ادرسها ماستر واكمل فيها دكتوراه
تكفى دلني باي معااوووومه
لاني بصرتحه ماني مرتاح بالمره من الصحه العامه

اقتباس:

---

المشاركة الأصلية كتبت بواسطة Mr.AMH

تحديد الدولة اهم من ان معك انجليزي او لا ..
تحتاجين توفل .. او ايلتس .. عشان تدخلين معهد ..
يسوون اختبار مستوى ثم تخلصين المعهد .. ثم تختبرين التوفل
هم يحددون الدرجة ..

---

عفوا أخوي بس الي فهمته من كلامك ان دخول المعهد شئ الزامي ؟

اتمنى منك توضح لي اكثر الله لايهينك

اقتباس:

---

المشاركة الأصلية كتبت بواسطة اسمح لي ياقلبي

بسم الله الرمن الرحيم
mr ahm
والله العظيم يا خوك مادري ووووين اروح

بالنسبه لاداره مستشقيات دوررت حصلت في الملك سعود ماستر
لكن بسالك وش التخصصات اللي اقدر ادرسها ماستر واكمل فيها دكتوراه
تكفى دلني باي معااوووومه
لاني بصرتحه ماني مرتاح بالمره من الصحه العامه

---

والله ما ادري وش اقولك ..
انت قدم ع الجامعات .. ان قبلوك على تخصصات العلوم الادارية ..
خير وبركة .. ان ما قبلوك .. قدم على ادارة المستشفيات .. لانه تخصص حلو ..
وبعيد عن الصحة ..

اقتباس:

---

المشاركة الأصلية كتبت بواسطة Mariam.Z

عفوا أخوي بس الي فهمته من كلامك ان دخول المعهد شئ الزامي ؟

اتمنى منك توضح لي اكثر الله لايهينك

---

ما عليش غلطت بالرد ..
عشان تدخلين الجامعة تحتاجين التوفل ..
اول شي اختبار .. تحديد مستوى ..
اذا كان مستواك تعدى الدرجة الي هم يبونها .. دخلوك الجامعه بدون معهد ..
اذا ما تعدى الدرجة لازم تدخلين معهد ..
فيه اختبار بالمجلس الثقافي البريطاني .. بحي السفارات .. اختبار تحديد مستوى ..
اختبري وشوفي ..
وربي يوفقك .

جزاك الله خير و الله يعطيك حتى يرضيك.. آمين

اقتباس:

---

المشاركة الأصلية كتبت بواسطة Mariam.Z

جزاك الله خير و الله يعطيك حتى يرضيك.. آمين

---

وياك يا رب .. والجميع يا رب .