شروط المرحلة الثامنة ( توقعآتكم )

• ألا تقل نسبة الثانوية العامة عن 90% في قسم (
العلوم الطبيعية أو ما يعادلها ).
• أداء اختبار القدرات العامة، والحصول على
درجة لا تقل عن 80% .
• أداء الاختبار التحصيلي، والحصول على درجة لا تقل عن 80%
.
• ألا يكون قد مضى على حصوله على شهادة الثانوية العامة أكثر من ثلاث
سنوات.
• إذا كان المتقدم حاصلاً على شهادة علمية من خارج المملكة فيشترط
معادلتها من جهة الاختصاص قبل التقدم إلى البرنامج .
• ألا يزيد عمر المتقدم على
اثنتين وعشرين سنة.
• يشترط للقبول في الجامعات الأوربية الحصول على درجة ( 5 )
في IELTS.

___________________


الخلاصة توقعآتي رآح يفكون الهندسة وبس

السلام عليكم ورحمة الله وبركاته

ما ودي أحطمك , لكن اِسمع

أصلاً ترى مستحيل أنهم يفتحون الهندسه ؛ لأن عدد المبتعثين كثير , ولو كانوا يبون يرسلون أكثر كانوا زادوا المقبولين بالطب
لكن زي ما تشوف كل سنه يعقدون الشروط أكثر وأكثر وينقبل عدد أقل وأقل من العام اللي قبله

لذلك إذا كنا محظوظين وأمهاتنا داعيات لنا راح تبقى الشروط نفس ما هي

لأن الإشاعات تقول : أنه ممكن المرحله الثامنه تؤجل للعام القادم
أو إمكانية أنها تستمر لكن بتعقيد الشروط أكثر , أو ربما أنهم يكنسلون الباكلوريوس لهذي السنه !

/

اللي رايحين أمريكا وكندا يختبرون توفل ويجيبون درجة معينة ومحددة ،

أو يختبرون " كفايات " ويجيبون درجة تحددها الوزارة ،

أول حاجه ايش فائدة اِختبار كفايات إذا كانت المعاهد والجامعات الأجنبيه ما تقبل فيه ؟

شيل فكرة كفايات من راسك , هذا أولاً

وثانياً : كيف تبي ناس ما عندهم لغه يجيبون لغه قبل ما يروحون ؟ هذا مستحيل !!

إلا إذا كان قصدك أن الطالب السعوديه دايركت من بلده للجامعه ودون المرور لمعهد اللغه ! وهذا شيء أعتقد البلد المٌبتعث إلبه ما راح يرضى فيه ؛ لأنهم ما حطوا المعاهد عبث !
وأكيد فيه إتفاقيات ما بين الوزاره وهذيك البلدان , وألا ما كان اعترفوا بثانوياتنا وكان أجبروا الطالب يعيد الثانويه ; )

مابي أتعمق أكثر لكن اِسمع ..

بالنسبه للعام الماضي لمّا طلبوا من طلاب الباكلوريوس يختبروا آيلتس , كان هالشيء بسبب أن الجامعات الأوروبيه أصبحت تشترط درجة آيلتس للقبول ! ولو تلاحظ هالشيء كان مفاجئ ولخبط الوزاره بالمرحله السادسه

فلو قلنا أن الدراسات العاليا يٌطلب منهم يجيبون 5 آيلتس , معناتها أن المعاهد تطلب هذا الشيء !!
إذاً يصير الأمر بسيط , اِدخل على موقع آي معهد وشوف الشروط .. إذا ما فيه أثر لهذا الشرط معناتها أنهم ما راح يطلبونها بالثامنه

وكمان معناتها اللي ما عنده أساس لغه ينسى يتعلم لغه ولو على حسابه وهذا شيء مستحيل يَ أخوي

ولحد يسوي ذكي ويروح يشيك على الجامعات

معروف أن الجامعات تطلب آيلتس , وتجيب آيلتس أو توفل بعد المعهد


لذلك أعتقد أن سالفة اللغه مسأله تتعلق بطلاب الباكلوريوس "وهو إعاده وتكرار للمراحل السابقه" , أو أنها مجرد دوره بسيطه مثل اللي كان يحصل في المراحل الأولى - كأني قريت بصفحات قديمه بالمنتدى أنهم كانوا يسوون دورة حاسب وحضورها إجباري - نسيت صراحه


/


توقعاتي للشروط , الدراسات العليا ترتفع بنسبة 90%
10% تظل نفس ماهي ؛ والسبب التكدس والأعداد الهائله اللي ترجع بعد سنة اللغه بدون إجتياز التوفل والآيلتس !

والباكلوريوس ترتفع بنسبة 10%
90% تظل نفس ماهي ؛ والسبب أنها الآن تعتبر عاليه ولو رفعوها أكثر ربما ما يبتعث إلا من رحم الله

وصراحه لو كان الأمر بيدي رجعتها نفس شروط السادسه , وخليتها كلها بالسبعينات ! :" عشان أعطي فرصه للطلاب ؛ لأن ما فيه مقارنه بين عد الباكلوريوس والدراسات العليا !!!

الدراسات العليا 6500
الباكلوريوس 500

هالأعداد تقريبه من المرحله السابعه

الله ييسر بس