هل من امل لي ؟.. آخر سنة بعد الثانوي...

السلام عليكم و رحمة الله و بركاته ...

كيف حالكم يا شباب ان شاء الله بخير؟...

انا اتخرجت من الثانوي قبل سنتين ...

انقبلت و لله الحمد في جامعة الملك فهد , خلصت ترم و طلعت
قعدت عاطل فترة و بعدها رحت للهند على اساس اني التحق...
قعدت 4 شهور ادرس لغة خلصت و طفشت و لا جاني شيء طبعا فتحت ملف و كل شيء بس الملحقية مطنشة في الهند مدري ليش زعلانين....
رجعت السعودية و مالي نية ارجع الهند ... صرفت حدوووود 35 الف الحمد لله طارت كذا و الحياة طيبة...

سؤالي ...

انا ليا سنتين ( لو نحسب السنة هذه بتخلص بعد شهرين اعتقد )
بقي لي سنة و بعدها ما بيقبلوني في اي جامعة
انا مصر بدرس في الخارج ...

هل .. اذا قدمت على الابتعاث حق السنة هذه ... الي المفروض يفتح التقديم في الصيف اعتقد... هل حنقبل؟...
ثانوي 98 قدرات 83 تحصيلي 87 اللهم لك الحمد و الشكر و المنة...

سؤال ثاني ..

التخصصات طبية فقط...؟ يعني لو أطلع مثلا و ابتعثوني و قلت بقلب هندسة .... بنفصل؟... التخصصات الطبية انا سمعت فيها شيء اسمه BIOMEDICAL engineering
هل هذا الكلام صحيح؟... بما انها شاملة طب و هندسة.. كلام كبير....

سؤال ثالث ..

لو ما انقلبت في البعثة... هل باستطاعتي الذهاب لأمريكا و فتح ملف هناك و طلب الحاق بالبعثة ( اجيب لهم 5 في الآيلتس و لا التوفل الي يبونه + قبول جامعي مشروط ) هل الموضوع بيطول لأنه الميزانية عندي محدودة جدا...

جزاكم الله خير... مع السلامة.

اختبر الايلتس او التوفل و جيب قبول جامعة و انت في السعودية و طبعا يحتاج ضمان مالي,, و لمن تطلع امريكا قدم اوراقك للملحقية و يشترط ان تكون الجامعة معترف بها من قبل وزارة التعليم العالي

أووه نسيت الضمان ... هذا موضوع ثاني اللحين... كم الضمان المالي ..؟ لمن اطلع امريكا كيف النضام؟...

و جزاك الله خير..

انت يعني اهم شي عندك تدرس برا هذا وانا اخوك بس مرحله نشوة صدقني كلنا مرينا بهاذا الشعور يعني انا اشوف انك طلعت للهند ثم رجعت وقبلها كنت بجامعة الملك فهد والحين بتروح ابتعاث ولاكن صلاحية درجه التحصيلي تنتهي بعد سنتين ثم تُلغى هذا اولا ثانيا ترا انا كنت مثلك قُبلت في البترول و وقدمت للملك سعود ثم ودرسة الاسبوع الاول ثم سلمت اوراقي للابتعاث هذا مشكله انه اذا حصل درجات طيبة وفُتحت له الابواب كثيرة يدخل من باب ويطلع من الثاني وهكذا لان اختيار التخصص غير سليم و اختصاصك هذا غير موجود سوى تخصصات طبيه بحته اخوي استخر واول شي تسويه خطط والسلام عليكم

انت مستوفي الشروط ,,,
والتخصصات محصورة على الطبيةة ..بس اتوقع تقدر تحول بعد وصولك الى بلد الابتعاث ..

بالنسبةة للتخصص اللي تقوله ماسمعت فية ...

بس احسك حايس...لازم تحدد انت وش تبي ..وش التخصص اللي تبيه لا تروح كذا ..!!وتضيع منك سنة ثالثة ..

وبالنسبةة للالحاق انا حسب مااسمع انو سهل ومايطول بامريكا...

هذاماعندي اتمنى اني افدتك..

بالتوفيق لك ..

إنت مستوفي الشروط و بإذن الله تنقبل بالإبتعآث
بس تأكد من صلآحية درجآت القدرآت و التحصيلي إذآ إنتهت أو لسى بآقي

الله يوفقك و يسهل أمورك

السلام عليكم ..
اخوي صاحب الموضوع .. وش صار عليك ؟
انقبلت في الابتعاث والا ؟

لأن قصتي مشابهة لقصتك و ابي اعرف وش الترتيب اللي ينبغي ارتبه

بالمختصر المفيد
انا تخرجت سنة 1433 و دخلت البترول وقعدت فيها سنة و ترم ... بس اموري ما مشيت
والحين ابي اقدم على ابتعاث هذي السنة 1435

فاللي ابي اعرفه .... لازم اعيد اختبار التحصيلي و قياس والا كيف ؟