الأعضاء الإشتراك و التسجيل

الملتقيات
ADs

خريج إدارة من جامعة الملك سعود, بـ ودي اكمل ماجستير وماعندي خلفية .. بحاجة لمساعدتكم

خريج إدارة من جامعة الملك سعود, بـ ودي اكمل ماجستير وماعندي خلفية .. بحاجة لمساعدتكم


NOTICE

تنبيه: هذا الموضوع قديم. تم طرحه قبل 2050 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Bader M
    Bader M

    مبتعث مستجد Freshman Member

    Bader M الولايات المتحدة الأمريكية

    Bader M , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى الإدارة , بجامعة الملك سعود
    • الملك سعود
    • الإدارة
    • ذكر
    • الرياض, الرياض
    • السعودية
    • May 2012
    المزيدl

    May 8th, 2012, 03:47 PM

    السلام عليكم ,

    انا خريج الترم الأول الماضي من جامعة الملك سعود تخصص إدارة .. وودي اكمل ماجستير في امريكا وانضم لبعثة خادم الحرمين الشريفين ,

    لكن ماعندي معلومات عن الخطوات المتبعة للابتعاث وكل ماقرأت اكثر ينلحس مخي اكثر .. ودي اعرف الخطوات وحدة بوحدة وودي اعرف وش افضل جامعة تناسب التخصصات الادارية مثل التسويق والإدارة .. انا معي بكالوريوس إدارة فـ وش افضل ماجستير اخذه وبأي جامعة بالضبط ؟ .. وهل كل ماصار ترتيب الجامعة اعلى صارت اصعب ؟ .. ودي افهم اكثر عن انسب جامعة لتخصصي .. لو مثلاً واحد يقدر يفيدني بعدد معين من الجامعات والولايات المفيدة بتخصصي لأن كل ماطالعت المواضيع اللي تخص الولايات واعداد الجامعات احتار اكثر .. ماودي اختار شئ ويطلع بايخ وماودي اختار شئ ويطلع معقد بطريقة لا تحتمل ,

    ودي افهم اجراءات الابتعاث كلها .. من معهد ومن تقديم ومن تسجيل ومن ضمان بنكي ومن ملتقى ومن سفارة ومن قرار ابتعاث واركاب وi20 وكل هالمصطلحات اللي اقرأها واسمعها ,


    بالعربي ودي افهم كل شئ بطريقة واضحة .. وبترتيب معين .. انا ماسويت خطوات الى الآن فـ محتاج توضحيات تساعدني من اللي عندهم خبرة ,

    جزاكم الله خير وبانتظار مساعدتكم.
  2. هلآ بزميل التخصص و الجآمعة
    ع البركة التخرج و عقبآلي هالترم إن شآء الله
    إمممم أنآ لي يمكن سنة مآ غير أقرآ و أقرآ بالمنتديآت

    الحين بالوقت هذآ كل اللي عليك تجهز الأورآق المطلوبة اللي هي :
    ( جوآزك - 3 توصيات من دكاترة درسوك - صورة من الوثيقة طبق الأصل - صورة من السجل الأكاديمي طبق الأصل )
    و تأكد إن الشروط تنطبق عليك من معدل و عمر , و غآلباً رآح تكون نفس شروط المرحلة السآبعة
    و رآح اوضح لك الابتعاث على شكل نقآط
    1- بإذن الله التقديم رآح يكون بنص شهر شعبآن أو بدآية رمضآن , و هذآك الوقت تقدم
    2- رآح يكون فيه ترشيح مبدئي للي مستوفين الشروط
    3- يعطونك موعد لتدقيق الأوراق و إذآ كل شي مضبوط يجيك القبول النهآئي
    4- يعطونك الوزارة ضمان مالي عشآن تقدم للمعهد و هذآ من إسمه وآضح , يعني عشآن المعهد يضمن إن عندك فلوس و قآدر على تسديد رسوم الدرآسة
    5- إذا قبلك المعهد , رآح يرسل لك آي توني
    6- تحجز موعد في السفارة عشآن تطلع الفيزآ الدراسية
    7- بعد مآ تطلع الفيزآ تروح للوزارة و تصدر قرآر الابتعاث ( قرار الإبتعاث اللي هو تذآكر السفر و موعد السفر )
    8- تطيييييييير للدولة اللي تبي < يآربي متى تجي هاللحظة : (

    أمآ بالنسبة للجآمعآت أحسهآ خطوة بدري عليهآ شوي
    يعني إنت الحين ركز على وضعك من نآحية شروط البرنآمج و هل تنطبق عليك و إلآ لآ
    و جهز الأورآق المطلوبة منك و جوآزك إذآ منتهي تجدده
    و ذيك السآعة إذآ إنقبلت بإذن الله
    و سآفرت و بديت تدرس اللغة بالمعهد و إستقريت , إبدآ فكر بالجآمعآت

    ووبس

    أتمنى إني قدرت أفيدك و أوضح لك الصورة ولو بشي بسيط
    دعوآتك لي
    7 "
  3. حياك الله اخوي انا برضو خريج الترم الحالي اخر ترم .. جامعة الملك سعود كلية ادارة الاعمال .. بس التخصص يمكن مختلف عنك انا محاسبة

    يمكن تعرفني لان واجد اللي يعرفوني بالكلية واحس اني اعرفك

    انا عبدالله العتيبي ...

    بروح لامريكا على المرحلة الثامنة القادمة إن شاء الله

    اما فيما يخص الابتعاث

    انا لي تقريب 12 شهر ابحث هنا .. ومسجل من 5 شهور وفاهم كل شي تقريبًا من البداية للنهاية وعن مدن وولايات امريكا .. فلو بغيتني اساعدك تواصل معي على الخاص .. وارسل لك رقم جوالي او اتصل عليك انا من مكتبي < لاني اداوم بالليل .. ^_^ وادرس بالنهار في المبنى الجديد بالكلية ..

    ^_^
    7 "
  4. يعطيكم العافية جميعاً وبانتظار اي رأي يفيدنا كلنا ,

    اختي بنت حصة .. ,

    فهمت منك ان المهم حالياً ان الواحد يجمع هالشروط "الجواز والتوصيات وصورة للوثيقة وصورة للسجل" .. طيب اللحين هالأربع اشياء عشان التقديم هنا ولا عشان ارسلها للمعهد او الجامعة ؟ والتدقيق تقصدين يدققون هالمتطلبات ؟ ,

    وبالنسبه للتوصيات كيف المفروض صيغتها .. وهل بالجامعة موجودة ولا انا اجهزها لهم ؟ ,

    وهل التقديم للجامعة والمعهد يكون بعد التقديم هنا ولا قبله .. لاني كنت احسب ان المفروض نتفق مع المعهد والجامعة قبل الحصول عالموافقة هنا .. يعني اجيب الموافقة برا وبعدها اجيبها لهنا ويوافقون لي على الجامعة اللي اتفقت معها ,

    وبالنسبه لتأجيل اختيار الجامعة الى مابعد الدراسة بالمعهد .. مو المفروض او الأفضل ان الواحد ينضم للمعهد التابع للجامعة اللي يبيها ؟ ,

    نقاطك واضحة بس ودي توضحين لي نقاطي السابقة كترتيب زمني .. يعني وش المفروض مني اسويه خلال هالاسابيع والمفروض مني بعد شهر وكذآ ,, الله يجزاك خير ويوفقك بحياتك ,

    ,

    عبدالله ,

    آكيد معروف يابو عابد .. ان شاء الله برسلك رسالة عالخاص ونتواصل عالجوال ,

    وشكراً بنيه ,

    واللي عنده توضيحات اكثر لا يبخل علينا والله يوفق الجميع.
    7 "
  5. المشاركة الأصلية كتبت بواسطة Bader M
    اختي بنت حصة .. ,

    فهمت منك ان المهم حالياً ان الواحد يجمع هالشروط "الجواز والتوصيات وصورة للوثيقة وصورة للسجل" .. طيب اللحين هالأربع اشياء عشان التقديم هنا ولا عشان ارسلها للمعهد او الجامعة ؟ والتدقيق تقصدين يدققون هالمتطلبات ؟ ,

    الله يعآفيك أخوي
    هالأربع أشيآء و خاصة التوصيات و صور الوثيقة و السجل الأكاديمي لازم تجهزهآ قبل السفر لأنهآ لآزم تكون معك و إنت هنآك إذآ جآ وقت التقديم لللجامعات
    أمآ الجواز عشان وقت التقديم مطلوب
    و المعهد ماله شغل بالوثيقة و السجل , المعهد كل اللي يبيه الضمان المالي و الفيزآ تكون فيزآ درآسية
    و بالنسبة للتدقيق يعني يدققون على معلوماتك اللي دخلتها بالموقع و إنت تسجل إذا كلها صحيحة و متطابقة مع أوراقك يجيك القبول النهائي

    المشاركة الأصلية كتبت بواسطة Bader M

    وبالنسبه للتوصيات كيف المفروض صيغتها .. والى متى الدكاترة موجودين بالجامعة ؟ لأن ماعندي علم باوقات اختبارات طلاب الترم هذا ,
    التوصية لآزم تكون على شكل برقراف بالإنجليزي و مطبوع على ورق الجامعة الرسمي وموجودة وسيلة إتصال بالدكتور و توقيعة و مختوم من قسمك
    أتوقع أحسن وقت تروح للجآمعة الأيآم هآذي , لأن أغلبهم خلصو المنآهج و فآضين و تلآقيهم بمكاتبهم
    ومو شرط تكون كلها من دكاترة ممكن وحدة من دكتور و ثلاث مثلاً من محاضرين < هذا الكلام من وحدة مجربة التقديم على الجآمعآت , والله أعلم


    المشاركة الأصلية كتبت بواسطة Bader M

    وهل التقديم للجامعة والمعهد يكون بعد التقديم هنا ولا قبله .. لاني كنت احسب ان المفروض نتفق مع المعهد والجامعة قبل الحصول عالموافقة هنا .. يعني اجيب الموافقة برا وبعدها اجيبها لهنا ويوافقون لي على الجامعة اللي اتفقت معها ,
    بردي اللي قبل هالنقطة كآنت وآضحة
    أول شي التقديم هنااا
    و اللي كنت تحسبه مفروض , لآ مو صحيح
    إذآ جآك القبول النهآئي من وزآرتنآ العزيزة , تبدآ بإجراءات قبول المعهد و الجامعة

    المشاركة الأصلية كتبت بواسطة Bader M

    وبالنسبه لتأجيل اختيار الجامعة الى مابعد الدراسة بالمعهد .. مو المفروض او الأفضل ان الواحد ينضم للمعهد التابع للجامعة اللي يبيها ؟ ,

    لآ هو مو مفروض بس إذآ أفضل مآ أدري
    بالنسبة لي انآ مأجلة التفكير بالجامعة , ع الأقل إلى بعد خمس أو ست شهور من فترة اللغة
    و ذآك الوقت أقرر على الجامعة اللي أبي و التخصص اللي أبيه و أقرآ عنه و أشوف المتطلبات اللي يبونها و أقدم بنفسي دآم لغتي صارت أحسن


    المشاركة الأصلية كتبت بواسطة Bader M

    نقاطك واضحة بس ودي توضحين لي نقاطي السابقة كترتيب زمني .. يعني وش المفروض مني اسويه خلال هالاسابيع والمفروض مني بعد شهر وكذآ ,, الله يجزاك خير ويوفقك بحياتك ,

    إن شآء الله إقتبآسآتي وضحت لك الحين
    أي سؤال أنآ حآضرة
    و مشكككور على الدعوة , آمين ويآك يآآرب
    7 "
  6. ماقصرت بنت حصه الله يوفقها

    وبخصوص التوصيات انا اخذت الترم هذا من 11 دكتور من اكثر من قسم صدقني على السرييييييييع تااااخذ التوصيات

    بس انا افضل لك بقووة تروح من الساعة 8 الصبح لان كثييييير من الدكاترة يمشون وحده او 12 .. يروحون يتغدون او ينتهي دوامهم ولما يرجعون يروحون لقاعة بدون مايمرون المكتب ثم يطلعون

    ارسلت لك رقم جوالي على الخاص .. يهمني اتصالك يابدر ...
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.