اقدم بالشهادة البنكية ؟ ولا انتظر الضمان المالي من الوزارة .

السلام عليكم ورحمة الله وبركاته ...

حياكم الله الحمد لله توصلت لمرحلة كبيرة من الفهم وكلش بالابتعاث للماستر

بس في سؤال حسيت انه صعب القى له حل

وهو

هل من الممكن اني اقوم بمراسلة معهد في امريكا .. باستخدام الشهادة البنكية لحسابي قبل لااقوم بالتقديم على الابتعاث عشان بسرعة اخلص اجراءات المعهد ثم اخذ I-20 واقدم على الابتعاث ثم احجز على السفارة الامريكية ..؟

طيب بعد ماخذت اي تونتي قدمت على الابتعاث وان شالله قبلت .. طيب ودققت اوراقي طيب كيف يصير الدفع عن طريق الوزارة ؟ يعني اقدم قبولي للمعهد للوزارة ويعطوني ضمان مالي ارجع اراسل المعهد وانبههم ان السداد بيكون من الضمان المالي؟ ولا وش الطريقة اللي اخلي المعهد يعرف اني على حساب الدولة ؟

هذا السؤال الوحيد اللي لو عرفته ان شالله كلللش تمام

باختصار شديد
في السنوات الماضية كانوا يرفضوا انك تجيب قبول من عندك ولازم تطلع على القبول اللي هم يجيبوه لك

موفق

باختصار شديد
في السنوات الماضية كانوا يرفضوا انك تجيب قبول من عندك ولازم تطلع على القبول اللي هم يجيبوه لك

موفق

السلام عليكم ورحمة الله وبركاته

ما أنصحك تسوي كيذآ ، لأن هم ترى ما يعطونك الضمان عبث ،

وزي ما أنت عارف الضمان مهم عشان تجيب قبول المعهد ، وثم تطلع الفيزا ، وبعد كيذآ أمر الإركاب ! لذلك لربما أنو هذا يسبب لك عائق لم تططلب أمر الإركاب فيما بعد ، وخاصةً أن التعويض يكون من الملحقيه في بلد الإبتعاث ، وليس من الوزآره - مو متأكد -

سوو / امشي دايركت وسيبك من اللفلفه عشان ما تتوهق بعدين p;

موفق <3 ،

وعليكم السلام

لازم تحدد اول شي انت مرافق او مبتعث .؟

المبتعث في الملتقى ياخذ ضمان مالي مؤقت من الوزارة لغرض جلب قبول
والمرافق مجبور يجيب قبولة بشهادة بنكية الوزارة ماتعطية ضمان مالي مؤقت مثل المبتعث

انا من رايي تصبر لاتجيب القبول الحين لان الوزارة بتنزل قائمة للمعاهد المقفله و المفتوحه كل سنه فتخاف تجيب قبول ويطلع المعهد مقفل لاسمح الله وتطير فلوسك .. ترا الايتوني ماياخذ اسبوع و يوصلك وحسب المعهد ونظامه
بالنسبة كيف يصير الدفع عن طريق الوزارة ان شاء الله اذا وصلت لدولتك تفتح ملف طالب واذا كنت مرافق تفتح ملف مرافق دارس من نفس ملف المبتعثه و الملحقية ترسل لكم ضمانات مالية
اذا وصلك الضمان المالي تروح تعطية للمعهد ضروري . انا كنت احسب مو لازم اخذ صورة الضمان للمعهد بس طلع ضروري و طلبوا الضمان ع شكل صورة
الضمان المالي يوصلك ع ايميلك بملف pdf انت بس تطبعه وتعطيه المعهد
- لاتقول للمعهد انك ع حساب الوزارة ولا شي ولاتشيل هم من الناحية هذي انت بس طلع الضمان المالي اللي يوصلك من الملحقية و خذ نسخه منه للمعهد . اصلاً هم يعرفون ان اغلب الطلاب عن طريق الملحقية و الضمانات المالية .

ان شاء الله اكون افدتك لو بشي بسيط . واذا عندك سؤال لايردك شي راسلني خاص واذا اعرف اجابته ماراح اقصر معاك :)

اخوك نايف

جزاكم الله خير .. لا ماني متهور اجل واخذ شهادة بنكية

اخوي نايف انا مبتعث مو مرافق .. ^_^ جزاك الله خير وجميع اللي شاركوا عطيتوني اجابة شافية .. الله يسعدكم ..

طيب الضمان متى الواحد ياخذه
في الملتقى اوبعد

وياخذ وقت او لا

^

في الملتقى ؛ لذلك حضور الملتقى إجباري وتلغى البعثه في حال ما تم الحضور !