انا طبيبة اود الاستقالة و الالتحاق ببعثات الملك هل يمكن ذلك
السلام عليكم
لأني لم اتمكن من الابتعاث عن طريق وزارة الصحة افكر بالاستقالة و التحويل لبعثات الملك هل يمكن ذلك
علما انه لدي قبول وانا خريجة عام 1428
رد: انا طبيبة اود الاستقالة و الالتحاق ببعثات الملك هل يمكن ذلك
من شروط الابتعاث برنامج الملك انك تكونين مستوفيه الشروط من معدل وعمر وغير موظفه حكوميه
انتي والحمد لله موظفه وتقدرين تقدمين بعثه من وزارة الصحه
ماتضمنين اذا رجعتي من البعثه هذي تلقين وظايف
على العموم اختي استخيري استخيرررررررررري
وبالتوفيق
رد: انا طبيبة اود الاستقالة و الالتحاق ببعثات الملك هل يمكن ذلك
اختي بدال ماتقطعين وظيفتك عشان الابتعاث .. في برنامج الابتعاث من وزارة الصحه قدمي عليه وكذا ضمنتي الوظيفه وطلعتي بعثه
رد: انا طبيبة اود الاستقالة و الالتحاق ببعثات الملك هل يمكن ذلك
انا رأيي انك تبقين في وظيفتك حتى تجيك البعثة من وزراة الصحة ..
او تأخذين اجازة بدون راتب وتطلعين على حسابك وممكن تنضمين للبعثة ..
او اذا كنتي مقتدره ماديآ صلي الاستخارة مرة ومرتين وعشر وعشرين وبيوفقك الله وييسر امرك ان شاء الله ..
اما اذا ناوية على الابتعاث فما فية مشاكل الاهم انك ..
1/ تدرسين بجامعة معترف فيها ..
2/ تختارين تخصص توافق علية الوزارة وتلقين الاستفساراة في موقع الوزارة خانة الاستفسار ..
3/ تحطين في بالك ان راح تجلسين اذا طولت 8 شهور على حسابك .. جهزي مصروفك ..
وومكن الابتعاث يجي باسبوع او شهر او شهرين او 7 شهور .. كلة بيد الله تعالى ..
4/ تختارين دولة ما فيها مشاكل من ناحية الابتعاث مثل / استراليا بما اني فيها .. الملحقية مرة متساعدين
بشرط انك مستوفية الشروط ..
واذا بغيتي اي استفسار انا موجود اذا قدرت اخدمك ما راح اقصر .. اذا تبين قبول من استراليا ببلاش عندي ارقام مكاتب تجيب قبولات ببلاش..
وبالتوفيق ان شاء الله
رد: انا طبيبة اود الاستقالة و الالتحاق ببعثات الملك هل يمكن ذلك
عزيزتي "مجــرد حــلم !!"
أنا أقلك شي واحد وبالعامية، "لا تعلقي رجولك في الهوا"
يعني لا تستقيلي وتطلعي من وظيفتك وتقدمي على البعثة وما يقبلوكي -لاقدر الله- وبعدين تبقي بدون شي.
أنا من رأيي خليكي بوظيفتك الحالية، وقدمي مبدئياً على التقديم المبدأي أو الالكتروني اللي حيكون بعد شهر أو شهر وشوي عن طريق تعبئة الاستمارة الالكترونية للتقديم على موقع الوزارة على الانترنت، وبعدين إذا جاكي قبول إنشاء الله ممكن ساعتها انك تستقيلي.
بس الشي اللي بصراحة مني متأكد منه هوا، انه من شروط التقديم المبدأي طبعا انك ما تكوني شاغله وظيفة حكومية، فما أدري هل هذا الأمر قد يتعارض مع موضوع التقديم المبدأي أو لأ ؟؟
وزي ما قالتلك الأخت "بنيه" استخيري فـ (ما خاب من استشار، ولا ندم من استخار).
ربي يوفقك إنشاء الله.
رد: انا طبيبة اود الاستقالة و الالتحاق ببعثات الملك هل يمكن ذلك
احس موضوع الاستقاله صعب شوي
استخيري ربك وشاوري اهل الخبره
والله يووووووفقك ان شاء الله
رد: انا طبيبة اود الاستقالة و الالتحاق ببعثات الملك هل يمكن ذلك
اقول توكلي على الله وادعسي بس ورحي بعثه بس اذا على حسابك الخاص
لاتروحين لنهم مارح يقبلونك :p
رد: انا طبيبة اود الاستقالة و الالتحاق ببعثات الملك هل يمكن ذلك
انا كنت في الصحة واستقلت والان ع بعثة الملك والحمدالله
