خيارات السكن بالولايات المتحدة الامريكية .. شرح مفصل
السلام عليكم ورحمة الله وبركاته
هذا الموضوع موجه للطلاب الراغبين في الدراسة في الولايات المتحدة الامريكية بحكم ان اغلب الطلاب اللذين يرغبون في الابتعاث يرغبون بالدراسة في أمريكا ...
وقد حصلت على المعلومات من خلال بحثي الموسع هنا في هذا المنتدى او حتى من مصادر اخرى .. بينما لم اذهب الى الولايات المتحدة الامريكية ... فمن الممكن الاستفادة من هذا الموضوع كثقافة كمعلومات مبدئية قبل الدخول في معمعة الابتعاث ...
بالاضافة الى ان الموضوع هو اقتباس لردي على احد الاشخاص الذين يسألون عن السكن ورأيت انه من الجيد ان يطلع عليه الاخرون ممن يرغب في مثل هذه المعلومات .. كما نعلم ولمن لا يعلم .. الوزارة لا تقدم لنا سكن ولا تقدم خيارات سكن ولا لها شغل في هالموضوع نحن من يوقع عقد مع احد المؤجرين ... خيارات السكن بامريكا على النحو التالي ..
1- الايجار الشهري ... ويختلف قيمته من ولاية لاخرى حيث في اغلب الولايات في امريكا وفي المتوسط تجد شهريا السكن بـ 600 الى 1000 دولار والغالب حول ال 700 .. بس من جد كل ولاية لها اسعارها .. وطبعا فيها غرفة وحدة وفيها غرفتين وفيه 3 يختلف .. مثلا في ولاية اوريقون نجد الاسعار من 650 الى 1200 دولار .. للغرفة وممكن غرفتين فوق 850 .. وفي ولاية كاليفورنيا .. في لوس انجلوس تلقى بس غرفة واحدة رديئة بـ 1600 دولار على الاقل مقارنة بغرفتين في اوكلاهوما بـ 500 دولار !!!!! يعني مرررره يفرق بين المدن والولايات ..
2-امتلاك سكن .. وهذا يفضل لو انت بتدرس معهد + جامعة بنفس المدينة والولاية .. وفي عندك مقدرة مالية انك تشتري شقة .. ولن تخسر فيها الكثير لانك راح تشتري ثم تبيع اول ماتخلص ..!! وترتاح من تكلفة الايجار .. ويمكن تبيع بنفس السعر اللي شريته به .. فيصير بدال ماتحط فلوسك بالبنك تخليها في السكن ليين تخلص ولا تصير تدفع ولا ريال للسكن .. طبعا مااعرف الاسعار .. ..
3- السكن مع روم ميت .. وهي طريقة حلوة تبحث فيها عن شخص عبر النت .. او اي وسيلة اخرى او تجده هناك وقد يكون سعودي من هالمنتدى او تعرفه .. على ان يدفع كل منكم نصف الايجار .. او ان تكونوا مجموعة ويصير الايجار بينكم .. ويخفض عليك سعر السكن .. وهي حلوة لو لقيت لك روم ميت امريكي عشان تتعلم منه اللغة بس انتبه من المكسيكان .. لا تجي معهم في بيت ..
4- الخيار المفضل لدي .:. وخصوصا في فترة اللغة .... السكن مع عائلة ... طبعا في عائلات تستضيف الطلبة الاجانب .. بس خذ في الاعتبار ان هذه العائلات تختلف فيها الكويس وفيها الشين وفيها من يستضيف معك 4 وفيها من يستضيف معك واحد ثاني قد يكون اسيوي او من اي دولة وفيها من يستضيفك لوحدك .. والغالب بنسبة 99% من هذه العائلات تقدم لك وجبتين في اليوم .. مع امكانية استخدام المطبخ .. والغالب ايضا يعطونك دورة مياة مشتركة الا اذا دفعت اكثر لبعض العوائل وليكن في معلومك ان دورات المياة وانت بكرامة مافيها موية للاستنجاء فطبعا قبل لا تروح لامريكا جب معك شطاف الوضوء او اي شي ثاني واعمل حسابك ان الارضية ماتبتل .. واحرص على الكهرباء لانهم يعاتبونك عليه .. وترا اغلب العوائل تقدم لك النت والموية ببلاش بس لا تبذر لانهم بيتهاوشون معك ..
كيف تحصل على هالخيارات
.. في 3 طرق ..
1- عن طريق النت .. وهي الطريقة الشائعة والاكثر استخدامًأ وفي مواقع متخصصة بايجار الشقق والاستديوهات ( الاستديوهات شقق صغيرة الصالة تكون مربوطة بالمطبخ .. ) وبعضها متخصص في السكن مع عوائل او مايسمى homestay وبعضها في بيع العقارات وبعضها في .... الخ .. وبعضها مشترك فيها كل شي .,,,,, والغالب الصور للمساكن في تلك المواقع تكون خادعة ومغرية وتجيب اجمل مافي السكن ويتم تعديل الصور وتصويرها بواسطة محترفين .. فالافضل انك تروح تشوف ..
2- عن طريق احد المعارف او احد اخوانك السعوديين هناك .. ويقوم بالبحث لك اذا جيت مدينته وفي ناس متعاونة كثير هناك .. وبعضهم يفرح لانك جيت مدينته لقلة السعوديين فيبحث لك ويخدمك او يبي الاجر ... وهو شي حلو ... وممكن تطلب منه صور للشقة ...
3- البحث في المواقع اللي بالنت عن خيارات السكن .. واختر عدة بدائل .. نقول 20 شقة .. تروح للمدينة حقت الدراسة إن شاء الله بعد ماتحجز فندق وتسكن فيه مدة خلالها تفرفر في هالشقق لين ماتقرر اي شقة بتاخذ .. وهذا الشي اشوف انه قرار حكيم وحلو .. فيما لو كان معكم فلوس للفنادق واحب اطمنكم ان الفنادق في امريكا رخيصة جدا مقارنة بالسعودية وفااااارق كبيييير جدا بينهما ...
4- في طريقة سيئة ولا انصح فيها .. وهي انك تاخذ سكن خارجي عن طريق المعهد او الجامعة .. .. فيصير هي وحدة من ثلاث ... ياما ان المعهد رحيم وبس بياخذ منك مبلغ لمجرد انهم وصلوك للعائلة او وصلوك للبيت والغالب هالمبلغة 150 الى 300 دولار .. تدفعها مره
5- في طريقة انو ممكن انك تسكن في سكن المعهد او الجامعة وهذي يعيبها انك بتكون مع طلاب سعوديين او ناس لا تعرف اللغة في مرحلة اللغة فيصير في لخبطة .. ^_^
رد: خيارات السكن بالولايات المتحدة الامريكية .. شرح مفصل
وفيه طريقة .. ممكن يجهلها البعض ..
المعهد .. يجيب لك سكن مع عائلة .. ويكفيك شر التدوير ..
ما عليش اختصرت موضوعك بسطرين ..
مشكور ابو عابد .. وربي يوفقك ويكتب لك الابتعاث ..
رد: خيارات السكن بالولايات المتحدة الامريكية .. شرح مفصل
اقتباس:
المشاركة الأصلية كتبت بواسطة Mr.AMH
وفيه طريقة .. ممكن يجهلها البعض .. المعهد .. يجيب لك سكن مع عائلة .. ويكفيك شر التدوير .. ما عليش اختصرت موضوعك بسطرين .. مشكور ابو عابد .. وربي يوفقك ويكتب لك الابتعاث ..
هلا انا حطيتها بالموضوع ^_^ بس يالغالي انت ماقلت الا نوع ... بس تراه مو زين لانهم ياخذون عليك مبلغ .. وانت ماتشوف شي .. يعني لو تلقاها عن طريق النت افضل ... .. لانك ماراح تدفع شي للمعهد + انك لقيت .. اما المعهد فانت بتلقى بس بتدفع .. ومن غير ماتعرف كيف البيت ولا هل هو كويس ولا لا ...
رد: خيارات السكن بالولايات المتحدة الامريكية .. شرح مفصل
اقتباس:
المشاركة الأصلية كتبت بواسطة shy heart
هلا انا حطيتها بالموضوع ^_^ بس يالغالي انت ماقلت الا نوع ... بس تراه مو زين لانهم ياخذون عليك مبلغ .. وانت ماتشوف شي .. يعني لو تلقاها عن طريق النت افضل ... .. لانك ماراح تدفع شي للمعهد + انك لقيت .. اما المعهد فانت بتلقى بس بتدفع .. ومن غير ماتعرف كيف البيت ولا هل هو كويس ولا لا ...
لا .. انت تتشرط باختيار العائلة .. والفلوس .. الي تدفعها للعائلة .. ياخذ منها المعهد .. هذا الي اعرفه ..
رد: خيارات السكن بالولايات المتحدة الامريكية .. شرح مفصل
جزاك الله خير الجزاء على ه\ه الموضوع
رد: خيارات السكن بالولايات المتحدة الامريكية .. شرح مفصل
اعتذر لانه بعض المعلومات جت هنا ناقصة مادري ليش
بس هنا المعلومات كاملة في ردي على الموضوع انا قمت بنسخ ردي لنشر الفائدة ,, http://www.mbt3th.us/vb/forum163/thread367135.html
رد: خيارات السكن بالولايات المتحدة الامريكية .. شرح مفصل
اقتباس:
المشاركة الأصلية كتبت بواسطة طموحه 2
جزاك الله خير الجزاء على ه\ه الموضوع
وياك اختي حياك الله ...
رد: خيارات السكن بالولايات المتحدة الامريكية .. شرح مفصل
في مواضيع اتمنى ان تثبت بالقسم
يعطيك العافيه اخوي
رد: خيارات السكن بالولايات المتحدة الامريكية .. شرح مفصل
يعطيك العافية
ماشاءالله مواضيعك قيمة تستحق التثبيت
موفق,,
رد: خيارات السكن بالولايات المتحدة الامريكية .. شرح مفصل
اقتباس:
المشاركة الأصلية كتبت بواسطة بنيـه
في مواضيع اتمنى ان تثبت بالقسم
يعطيك العافيه اخوي
حياك الله اختي .. وياك يارب ياكريم ...
اقتباس:
المشاركة الأصلية كتبت بواسطة الريم شيخة الحريم
يعطيك العافية
ماشاءالله مواضيعك قيمة تستحق التثبيت
موفق,,
وياك اختي ....
حياك الله