استفسار حول الابتعاث الخارجي المرحلة الثامنة والالتحاق بها
السلام عليكم ورحمة الله وبركاته
اخواني انا متخرج السنة الي راحت 1432
وفاتني التسجيل في المرحلة السابعة
وانا الحين طالب في جامعة الملك خالد
على وشك اخلص سنة تحضيرية ان شاء الله
حبيت اسأل عن الساعات الي درستها في السنة التحضيرية هل استطيع الاستفادة منها في الابتعاث المرحلة الثامنة ..؟
واذا لم استطيع الاستفادة واريد التسجيل في المرحلة الثامنة هل لا بد ان أخذ اخلاء طرف من الجامعة ..؟
وسؤالي الثاني عن الالتحاق بالبعثة
اذا خرجت على حسابي وقدمت طلب التحاق بالبعثة هل يضر تسجيلي في الجامعة لانهم ذكروا في نموذج التحاق بالبعثة
( هل سبق ان درست في جامعة في المملكة او خارجها )
رد: استفسار حول الابتعاث الخارجي المرحلة الثامنة
من جد انا تقريبا نفس الحاله
وواحد من قوانين الاتحاق بالبعثه انك ماتكون انفصلت من جامعه في السعوديه
رد: استفسار حول الابتعاث الخارجي المرحلة الثامنة
آممم
برضو انا نفس الحالة بس ادرس بجامعة الملك عبدالعزيز ..
وحآبة أكمل دراسة تخصصي " ادراة عآمة .. تنظيم وتطوير اداري " في الخآرج ..
ايش الطريقة بذي الحآلة ..
رد: استفسار حول الابتعاث الخارجي المرحلة الثامنة
اذا الشروط منطبقه عليك ومستوفي وتبغى تكمل بالتخصصات البكالوريوس المطروحه بالبرنامج ( العام كان فقط طب هالسنه الله اعلم احتمال يضيفون هندسه )
لازم اخلا طرف من الجامعه
وتغيير مهنه من عند الاحوال من طالب الى ..
اما عن الساعات انا مادري بالضبط بس يمكن يعادلونهن بالجامعات هناك الاهم البعثه مايبغون دراستك بالجامعه يبغون شهاده ثانويه او شهاده بكالوريوس او ماجستير علشان تكمل دراسه
اتمنى ان الفكرة وصلت
وبالتوفيق
رد: استفسار حول الابتعاث الخارجي المرحلة الثامنة
طيب يالغالية ...
اذا خرجت على حسابي وطلبت نموذج التحاق بالبعثة وجاني الحقل الي مكتوب فيه ( هل سبق ان درست في جامعة في المملكة او خارجها )
احط نعم واكتب اسم الجامعة والرقم الجامعي ( لانها مطلوبه )
ولا احط لا ...؟
لاني بصراحه خايف احط لا ويعرفون اني كنت في جامعة وما يقبلوني
وخايف احط نعم ويقولون ما نقدر نلحقك بالبعثة لانك كنت في جامعة في المملكة
:sweatingbullets::sweatingbullets::sweatingbullets ::sweatingbullets:
رد: استفسار حول الابتعاث الخارجي المرحلة الثامنة
انا ماعندي الدرايه الكافيه لموضوع الالحاق بس المفروض تضع نعم درست بجامعه بالمملكه ( والمفروض انت لما تدرس بجامعه ثانيه هنا ولا برى تسحب ملفك وتسوي اخلا طرف والحوسه هذي )
فاذا سويت كذا ماتوقع يرفضونك بالالحاق او بالبرنامج نفسه
لاكن الفكرة الاساسيه انه البرنامج يقبلك على اساس شهادتك الثانويه
او الالحاق على حسب شروط الالحاق
وان شاء الله الاعضاء يفيدونك اكثر
وحاول تغير عنوان الموضوع وتخليه متناسق مع الموضوع نفسه علشان مايغلق الموضوع
رد: استفسار حول الابتعاث الخارجي المرحلة الثامنة
واتوقع ان يطلبون الرقم الجامعي علشان يتحققون انك مو مفصول من الجامعه لاسبباب اكادميه
انت طلبت سحب الملف من نفسك
يعني بالعربي مو مطرود
وبالتوفيق
رد: استفسار حول الابتعاث الخارجي المرحلة الثامنة والالتحاق بها
يعطيكم الف عافية ...
وان شاء الله نفرح بالالبتعاث الخارجي و الالتحاق لمن ينتظره
رد: استفسار حول الابتعاث الخارجي المرحلة الثامنة والالتحاق بها
اللهم امممممممممممممممممممممين
رد: استفسار حول الابتعاث الخارجي المرحلة الثامنة والالتحاق بها
نفس سؤال الاخ هل اذا انقبلنا في جامعة وانفصلنا ما نقدر نبتعث