الردود الرسمية من الوزارة سواءً عن طريق الايميل أو من أحد الموظفين, ضعهـا هنـا

السلام عليكم ورحمة الله وبركاته ..

كيفكم ان شاء الله بخير ..

طبعا مثل ماوعدتكم رحت لوكالة البعثات وسألت الاسئلة اللي طلبتوني اياها .. لكن للتوضيح من سألت في موضوعي السابق هو نائب مدير البرنامج والان موظف .. لكن كلهم فاهمين فلا تخافون .. دعوني اضع الاسئلة والردود عليها ..

1-تأكيد الزامية الايلتس ومتى لازم تقدم وهل اذا ماجابها سيحول على امريكا وكندا علوم طبية ..؟؟!!!

فيما يخص الايلتس هو مطلوب بشكل الزامي وكشرط بالنسبة لمن سيذهب بكالوريوس إلى هولندا فقط !!! وهذا مالم يوضحه المرة السابقة نائب المدير وقال بأنها مطلوبة فقط ..
لكنها تستخدم للمفاضلة بين الطلاب في بكالوريوس الطب في الدول الاخرى مثل ماوضح الموظف قال لو المقاعد في تركيا 40 .. والمتقدمين 100 على تركيا يتم المفاضلة بينهم نفترض انه قدم ايلتس منهم 50 ... ياخذون افضل 40 درجة منهم .. ولكن لو حصل نقص في الدولة يعني المتقدمين 100 بس اللي معهم ايلتس 30 كل ال30 لهم مقاعد و10 من اللي مامعهم ايلتس ..

والبقية من الطلاب اللي ماجوا في الطب ولا انقبلوا فيه يحولون الى امريكا وكندا علوم طبية تلقائيًا ...

معلومة هامة .. العلوم الطبية تفاجأت لما قالي الموظف فيها كيمياء وأحياء !!!!

2-اذا فيه طب في امريكا انا سمعت انه فيه طب بس طريقتهم تدرس 4 سنوات علوم طبية بعدين تدخل طب اسأله هل يقدر الطالب السعودي يدرس طب عندهم

صحيح موجود ولكن الدراسة ستستغرق مدة خيالية قال الموظف من 10 الى 11 سنة .. ولا يوجد سعودي عملها كما قال الموظف .. حتى لو كملت 4 سنوات علوم طبية فلن تضمن مقعد لانه سيتم المفاضلة بالترتيب التالي .. ابناء الولاية .. ابناء البلد ... طلاب الخارج ..

فافضل شي تدرس طب هنا وتاخذ زمالة من برا ..

3-وهل المعهد سيتم تغطيته مابعد الايلتس

نعم في كل الاحوال

4-و دول الطب وهل فيها من يدرس باللغة الانجليزية

لم يتم تحديدها لحد اللحظة لكن متوقع تكون مثل المرحلة السابعة يختلف اللغة الانجليزية فيها من جامعة الى جامعة ...

5- ومتى لازم ان الطالب ياخذ ايلتس واي نوع في الايلتس اظنه بيكون الاكاديمي ..وهل يعادل شهادة كفايات او توفل به ؟

لو كان ملزم به زي هولندا او يبي يدخل في المفاضلة ويصير له ميزة يقدمها في يوم التقديم 2 رمضان في خانة خاصة بها ..


6- ماذا عن السنة التحضيرية هل تعطي الطالب ميزة في التقديم ....

نعم

7-تأكيد تخصصات البكالوريوس ومتى سيتم الاعلان عنها

تخصصات البكالوريوس لا يعلم عنها الموظف لكن سبق وان قلت لكم ان نائب مدير البرنامج ذكر بأنه الطب والعلوم الطبية والنقل البحري .. وقالي سيتم الاعلان عنها بالتأكيد في التقديم وفي النموذج ..

8-وكيف التحويل وهل اللي مبتعث على البرنامج يقدر لما يصل لدولته ان يحول لتخصص من خارج البرنامج

بسهولة تتم عملية تغيير التخصص في حدود شروط البرنامج قبل اصدار قرار الابتعاث لكن لو صدر قرار الابتعاث فالامر سيعود إلى الملحقية ينبغي ان تراسلهم وتراسل مشرفك هناك ليقبل طلبك من عدمه ومن الممكن هناك ان تغير التخصص خارج الشروط دام انها من جامعة وتخصص معترف فيه من قبل الوزارة وليس البرنامج ..


9-واللي ملتحق وكان على حسابه الخاص هل يقدر يحول على تخصص غير موجود ...

نعم

10-وهل برنامج خادم الحرمين يختلف عن برنامج الالحاق يعني حتى لو انتهت المراحل كلها ممكن يستمر الالحاق ..!!! و هل له نفس الشروط او امكانية الترقية للبعثة بعد ذلك ..

نعم حيث بدأ برنامج الالحاق حسب كلام الموظف عام 1419 ..!!!

11-وهل الطالب المبتعث للمرحلة الثامنة قادر على ترقية بعثته للدكتوراة على الرغم من انتهاء مراحل الابتعاث ..؟

الترقية حق للمبتعث والملتحق ومالها دخل بالمراحل فالبرنامج ينتهي منك بمجرد اصدارك قرار الابتعاث ..

12-هل من الممكن تغيير الدولة بعد الملتقيات .. ؟

نعم

13- اللي درجته عالية بس اختل في احد الشروط يعني مثلا 79 او 89 !!!

شرط المعدل للجامعة 3.74 بالضبط مايقدر بس لو 3.74 وكسور يقبل ان شاء الله في بعض الحالات او على اغلب الاحوال ..

اما بالنسبة للثانوي والتحصيلي والقياس لا يمكن التهاون فيه ولو كان بكسور .. (الله يعين البعض)


معلومة شدتني للأمانة خارج هالاسئلة هو ان نظام التقديم على الجامعات سيختلف عن المرحلة السابعة .. ولربما الاغلب على كلام الموظف يطبق طريقة المرحلة السادسة في ان الطالب يراجع الملحقية في القبول !!! الله يكتب اللي فيه الخيرة ..