تجربة مبتعث من المرحلة السابعة ـ من التقديم إلى الابتعاث

طيب اخوي يعطيك العافيه بس تنصحني اروح بأي بلد.؟ وانا ما عندي الايلتس

جزاك الله خير أخوي .. استفدت كثير من الموضوع ..

عندي سؤال هل بولندا فيها مفاضلىة على مقاعد الطب ولا بمجرد ابتعاثك تضمن مقعدك ؟

بالنسبة للغة كم شهر ؟

انا عندي سنة تحضيرية من جامعة سعودية وحجزت للايلتس بس يمكن ما اجيب 5 اتوقع اجيب 4 او 4 ونص تتوقع يقبلوني لبولندا عارف انه ما طلبو منكم الايلتس بس احتياطاً السنة ذي يمكن ضروري

وشكراً

الوضع في ألمانيا غير اللي قلته
بحاول أشرحه للي مهتم

1 / أول ما نروح هناك لازم ندرس اللغة الألمانية
اللغة الألمانية لها ست مستويات
1A - 2A - 1B - 2B - 1C - 2C
كل مستوى شهرين تقريباً
لازم نوصل للمستوى 2B عشان ننتقل للمرحلة التالية اللي هي السنة التحضيرية
يعني ندرس لغة تقريباً تقريباً 8 شهور

2 / السنة التحضيرية .. ترمين
ندرس فيها كيمياء و فيزياء و أحياء و رياضيات و لغة ألمانية
تقريباً نفس مناهجنا بالثانوي بس بالألماني طبعاً مع شوية إضافات

3 / بعد ما نخلص التحضيرية يحسبون معدلنا كذا :
50 ٪ من نسبة الثانوي + 50 ٪ من نسبة التحضيري
و بعدها تقدر تقدم على كل الجامعات الألمانية و اللي يجيك قبول منها تروح تختبر عندها اختبار القبول و تبدأ تدرس جامعة
يعني لو تقدم على 10 جامعات مثلاً على الأقل يجي قبولك من جامعتين ثلاث
كل جامعة تقبل عدد معين من طلاب جنسية معينة مثلاً جامعة برلين تقبل 3 طلاب سعوديين فقط جامعة ميونيخ طالبين سعوديين فقط و هكذا ( الأرقام تمثيلية )

4 / الطب تدرس أول شيء سنتين و بعدها تختبر اختبار الفيزيكوم يختبرونك باللي درسته خلال هالسنتين و إذا عديته تقدر تكمل طب و تقدر تختبر هالاختبار 3 مرات و الكل يعدي فيه

5 / بعدين تدرس 3 سنوات و في نهايتها تختبر اختبار اسمه المطرقة يختبرونك باللي درسته خلال هالثلاث سنوات و تقدر تعيده 3 مرات .. و بهالثلاث سنوات يبدأ التطبيق العملي بالمستشفى أتوقع

6 / سنة الامتياز و تكون تطبيق كامل في المستشفى و ما لك شغل بالجامعة

أتمنى أفدت أحد
و معلوماتي جبتها من طلاب درسوا هناك قرأت مواضيعهم في ملتقى ألمانيا هنا
بالتوفيق للجميع

يا اخوان انا عارف اني ازعجتك بس والله اني بحيرة لا يعلم بها الا الله انا مقبول بجامعة طيبة للعلوم الصحية (سنة تحضيرية) ومالي اي نفس ادري فيها . . واتمنى من صميم قلبي اني ابتعث وانا موفي الشروط وبزيااده -ولله الحمد- باستثناء اختبار الايلتس .. فهل في امل اني اروح بعثة للطب يعني مو علوم طبية بكندا وامريكا .. !!
واذا ما كان فيه امل ممكن اروح بعثة علوم طبية لامريكا ولا كندا وادرس لغة واختبر الايلتس واجيب درجة حلوة وبعدها اروح احول البعثة طب لاوربا .!!! وايش هيا الاجراءات لذا شيئ .؟!
واذا عندكم اي حلووول ياليت تقولولي .

أشكرك جزيل الشكر اختي الكريمة على التوضيح وإذا تسمحيلي اعدل ردي السابق واحط ردك

الله يجزاك خير

بالتوفيق