اختبار القدرات و الكفائات

مرحبا يا حلويين

انا مرره مرفوع ضغطي من الاختباراات الغريبه الي
كل يومين يطلعولي فيها:mad:

المهم دحين : (موعداختباري في الكفائات و القدرات للجامعين الاسبوع الجاي
وانا ماعندي توفل ولا اي اختبار يعادل التوفل ..يعني يحتاجلي وقت على بال ماخد التوفل

واكيد الجامعات حتفتح باب القبول في الماستر وتقفل وانا لسا ماخلصت التوفل)..

هل ممكن اخذ راحتي في دراسة التوفل و اخلص واقدم على الماستر حتى لو السنة الجاية؟؟

ولا لازم ارجع اختبر تاني كفائات وقدرات؟؟؟



كمان بليز الي يعرف معهد ممتاز بالمدينة المنورة للغه الانجليزية يقولي؟؟
او مدرسين اجانب؟؟

أهلا" وسهلا" فيكي ومرحبا ياعزيزتي ..
في البدايه وأنا أختكي إستهدي باالله وإذكريه ,, ولايرتفع ضغطك ولا تتنرفزين ولاشي لأن ماله نفعه ..
بخصوص إختبار القدرات فـ أنا برضو عندي إختبار قدرات الأسبوع الجاي يوم الثلاثاء إن شاء الله ومو زعلانه بالعكس
راح أدخل جو هالإختبار إللي الكل يخافه ويتوتر بسببه ,, وبرضو حابه أعرف لحد وين وصلت قدرتي عالحلول السريعه وإن شاء الله إني قد هالإختبار وزود ..
لأني حيل أستمتع باللعب في المعادلات والشغل بحلها وحتى صعوبة حلها تخليني في تحدي ..
عزيزتي إستمتعي وإنتي تستعدين للإختبار وخلي التوتر لأن ماراح ينفعكي ..
أما بخصوص التوفل : فإنتي إللي بمقدورك إنك تحددي سرعة وبطء حصولك عالتوفل ..
وبمقدوركي برضو تقدمي عالماستر السنه الجايه مافيه أي إشكاليه إن شاء الله ..
تمنياتي لكي ولي وللجميع التوفيق في جميع أمور حياتنا ..

شكرا شاعره عسكرية

بس انا ابدا ما استمتع باي شي له علاقه بالرياضيات

العفو عزيزتي وحنا أخوان وخوات في هالمنتدى ..
وبعدين وأنا أختك " حب ماتعمل حتى تعمل ماتحب " ..
وربي يكتبلنا جميعا" التوفيق دائما" ..