الأعضاء الإشتراك و التسجيل

الملتقيات
ADs

لا اعرف اي شي لكن اريد الأبتعاث

لا اعرف اي شي لكن اريد الأبتعاث


NOTICE

تنبيه: هذا الموضوع قديم. تم طرحه قبل 2011 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية محمد الوشمي
    محمد الوشمي

    مبتعث جديد New Member

    محمد الوشمي الولايات المتحدة الأمريكية

    محمد الوشمي , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى شريعه , بجامعة جامعة الامام محمد بن سعود الأسلامية
    • جامعة الامام محمد بن سعود الأسلامية
    • شريعه
    • ذكر
    • الرياض, ......
    • السعودية
    • Jun 2012
    المزيدl

    June 14th, 2012, 11:14 PM

    السلام عليكم ورحمة الله وبركاته

    اخوكم محمد الوشمي خريج شريعة جامعة الامام محمد بن سعود الاسلاميه تخرجت هذا الترم ولله الحمد بمعدل 3.57 من 5 وطبعا هذا المعدل لا يؤهلني للتقديم على الماجستير في جامعة الامام

    فدخلت في راسي فكرة الابتعاث لتكميل الدراسة في الخارج ومن يومين وانا ابحث في النت عن هذا الموضوع والكلام كثر ولما وصلت الى هذا المنتدى قلت وقف هذا مكانك

    فالان اطرح لكم قظيتي واريد من التوجيه ..

    اريد معرف بعض الامور الاوليه

    هل انا بهذه الحالة والمعدل ممكن انقبل في الابتعاث ؟؟؟؟

    ماهي المجالات المتاحة لخرج الشريعه لاكمال دراسته ؟؟

    ماهي افضل الدول في هذا المجال ؟

    وماهي المعوقات والصعوبات الي ممكن اواجهها مع ان اللغه عندي صفر ان لم تكن في السالب مثلكم عارف خريج شريعه

    ابي منكم تعطوني بعض التوصيات قبل الاقدام على هذا الامر


    انتظر فزعتكم يالربع وجزاكم الله خير
  2. هلآ بك أخوي
    للأسف معدلك أقل من المطلوب
    شروط المرحلة السآبعة كآن شرط المعدل مآ يقل عن 3.75
    و بالنسبة لتخصصك تقدر تكمل قآنون
    لانك إذآ كملت قآنون الوزآرة رآح تعتبره إمتدآد لتخصصك و تعآدل لك الشهآدة على إنهآ مآجستير
    أمآ لو تخصصت بشي ثآني رآح يعآدلونهآ لك دبلوم عآلي لكن بالقطآع الخآص مآ رآح يكون عندك مشكلة
    و إذآ إنت مرة مرة تبي تكمل در’سة برآ , إطلع على حسآبك و إطلب إنهم يضمونك للبعثة
    بس هالشغلة يمكن تطول يعني إنت و حظك
    يمكن تجلس أربع شعور و تنضم , و يمكن اكثرر و يمكن توصل سنة

    الله يكتب لك اللي فيه الخير
    7 "
  3. اخوي الابتعاث شروطه تتغير كل مرحلة ( كل سنة ) ...

    لكن اخر كم مرحلة ثبت المعدل على 3.75 من 5 و 2.75 من 4 حسب نظام الجامعة .....

    المتوقع هالمرحلة يااما انها تثبت على اغلب الاحوال على 3.75 او انها تزيد .. ولن تنقص ... هذا كلام موظفييين كثيرين جدًا في برنامج الابتعاث ...

    الشروط ستنزل خلال هالاسبوعين ..

    لكن للأمانة لا اتوقع ان لك ابتعاث من المعدل ..

    ولا اتوقع ان لك ابتعاث من التخصص ,,,,,

    طبعا الشروط تتضمن تخصصات معينة زي الهندسة الطب والمحاسبة ... لكن الشريعة او الكليات الانسانية مالها شي الا القانون ..

    رح لوكالة الوزارة لشؤون البعثات .. الموجودة بالرياض .. وانت في طريق الملك اتجاهك شمال .. تقطع الدائري الشمالي ... واول مخرج تاخذه.. والشارع يمين .. ثم يمين مره اخرى .. تبتل لين يجيك كوبري تديور معه وتلقى الوكالة على يمينك هم اللي بيفيدونك ..

    لكن للامانة مرررة مااتوقع لك ابتعاث وبقوة ..

    وهذه شروط المرحلة السابقة ( السابعة ) التقديم الإلكتروني على المرحلة السابعة

    وتقدر تطلع على التخصصات المتاحة .. في الرابط اعلاه ..


    اما بخصوص دول الابتعاث فهو موجود في هذا الرابط ...

    دول الإبتعاث

    ...

    بالنسبة للمجال المتاح لك فيما لو كانت هناك مجالات متاحة فانا اتوقع القانون وافضل الدول التي تدرسه بدون شك وقطعا باليقين هي فرنسا أم القوانين .. لكن عليك بتعلم اللغة الفرنسية ...

    اما فيما يخص الدول التي تلي فرنسا في هذا التخصص فلا خلفية لدي ..


    المعوقات لا تحتاج أن تسأل عنها ..

    فهي معرووفة وهي الغربة واللغة .. لربما ايضًا الموازنة بين المكافأة التابعة للبعثة و المصاريف هناك ستمثل عائق .. ولا تنسى كثرة إجراءات البعثة قد تصعب الأمر ..

    الله يوفقك ..

    - - - مشاركة محدثة - - -

    المشاركة الأصلية كتبت بواسطة بنت حصة
    هلآ بك أخوي
    للأسف معدلك أقل من المطلوب
    شروط المرحلة السآبعة كآن شرط المعدل مآ يقل عن 3.75
    و بالنسبة لتخصصك تقدر تكمل قآنون
    لانك إذآ كملت قآنون الوزآرة رآح تعتبره إمتدآد لتخصصك و تعآدل لك الشهآدة على إنهآ مآجستير
    أمآ لو تخصصت بشي ثآني رآح يعآدلونهآ لك دبلوم عآلي لكن بالقطآع الخآص مآ رآح يكون عندك مشكلة
    و إذآ إنت مرة مرة تبي تكمل در’سة برآ , إطلع على حسآبك و إطلب إنهم يضمونك للبعثة
    بس هالشغلة يمكن تطول يعني إنت و حظك
    يمكن تجلس أربع شعور و تنضم , و يمكن اكثرر و يمكن توصل سنة

    الله يكتب لك اللي فيه الخير
    في نقطة نسيتها .. وبنت حصة جزاها الله خير ماقصرت ..

    اللي هي انك تروح هناك تدرس لغة ويتم الحاقك بالبعثة حتى لو كنت مخالف للشروط .. لكن الامر فيه شي من الصعوبة والتأخير ..
    7 "
  4. ياوخيي انت قسها بمقاييس الفرص الوظيفية ورغبتك .. وشف .. هل انت تبغى تكمل وليش؟؟؟ !! فيما لو قررت تكمل فانتظر الشروط مع اني مااتوقع نزولها لمعدلك نهائيًا بالعكس الزيادة واردة بينما النقصان مستبعدة جدًا .. واذا ماصلحت لك الشروط ابحث عن الطريقة الاخرى وهي انك تدرس على حسابك الخاص هناك وتقدم طلب الحاق بالبعثة ..

    هذا مالدي لك .. بالتوفيق ..
    7 "
  5. المشاركة الأصلية كتبت بواسطة shy heart
    ياوخيي انت قسها بمقاييس الفرص الوظيفية ورغبتك .. وشف .. هل انت تبغى تكمل وليش؟؟؟ !! فيما لو قررت تكمل فانتظر الشروط مع اني مااتوقع نزولها لمعدلك نهائيًا بالعكس الزيادة واردة بينما النقصان مستبعدة جدًا .. واذا ماصلحت لك الشروط ابحث عن الطريقة الاخرى وهي انك تدرس على حسابك الخاص هناك وتقدم طلب الحاق بالبعثة ..

    هذا مالدي لك .. بالتوفيق ..

    يقولون ان فيها مصاريف والسؤال هنا هل هي تستاهل وهل راح يقدر لي هذا الجهد وظيفيا ما اشاهدة وبعد الاطلاع كأنها صعبه راح تكلفني من 30 الى 50 الف على شي غير مظمون

    لكن ان جت عليهم فلا ما نع من التجربه

    واشكرك
    7 "
  6. المشاركة الأصلية كتبت بواسطة ملك العالم
    افا ياشيخ محمد
    يارجال خلك قاضي في وزارة العدل واحمد ربك بس
    ههههههه اخي العزيز ومن يحصل القضاء القضاء اغلبه ترشيح وليس تقديم فيما اعلم

    وكذلك لست مؤهل لهذا العمل

    اما كاتب عدل جيده والله ييسرها وحنا نسعا في كل باب والتوفيق من الله سبحانه

    ونستفيد من آراء الاخوان مثلكم والله يوفق الجميع
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.